Connect with us

Business Man

(ВИДЕО) ИРЛ: МАКЕДОНСКИТЕ ТРАНЗИЦИСКИ ТАЈКУНИ на списокот на сопственици на сметки во Credit Suisse

Објавено

на

Трансициските тајкуни односно кралот на челикот и поранешен вицепремиер, како и еден од најголемите градители на проектот “Скопје 2014”, Минчо Јорданов и бизнисменот и основачот на империјата “Зегин”, Благој Механџиски се на списокот на сопственици на сметки во една од најстарите и најпознати швајцарски банки „Credit Suisse”, откри вчера „ИРЛ“ во новата епизода на „Редакција“.

Во документарецот изработен од тимот на новинари и филмски работници на Истражувачката репортерска лабораторија (ИРЛ) емитуван на 20-ти февруари на МТВи Јутјуб каналот на ИРЛ под наслов „Швајцарски тајни”, беа обелоденети тајни за двајцата бизнисмени, кои со години се вбројуваат меѓу најбогатите Македонци.

Според магазинот “Forbes”, Минчо Јорданов со години важи за еден од најбогатите Македонци. Тајкун, олигарх, бизнисмен, сопственик на „АД Бетон”, фабриката „Факом”, поседува голем удел во „Макстил”, а исто така поседува и печатени медиуми како „Нова Македонија” и „Капитал”. Јорданов е сопственик на винаријата Стоби и на неколку хотели, а порано ја има извршувано функцијата вицепремиер.

Минчо Јорданов стои зад стечајот и приватизацијата на скопската Железарница, а две години по нејзиното приватизирање, тој ја отвара првата од осумте свои сметки во швајцарската банка „Credit Suisse” и ја користи во наредните две децении.

„Минчо Јорданов има вкупно осум трансакциски сметки во „Credit Suisse” отворени од 2000 до 2009 година. Не можеме да видиме колку вкупно пари имало целото тоа време, но она што може да се види на кој датум, која сметка имала максимална сума на пари и колкава е сумата. На пример кај Јорданов, максималната сума на една од сметките изнесува 14,7 милиони швајцарски франци. Има и други сметки по 5-6 милиони и така натаму“, се вели во документарецот.

Фото: ИРЛ

Благој Механџиски е сопственик на првиот приватен и најпрофитабилен ланец на аптеки „Зегин”. Тој во 2006 година со пари од контроверзните и осудени бизнисмени од Исланд, сопственици на компанијата „Milestone”, ги купува „Градски аптеки”, а потоа отпушта голем дел од вработените. Стечајот на „Градски аптеки” траеше од 2010 до 2021 година. Од јануари годинава целиот имот на ова некогашно јавно претпријатие, премунива во сопственост на компанијата „Зегин”, чијшто сопственик е Благој Механџиски.

„Не приватизираа преку ноќ и не фрлија на улица”, велат во документарецот неколкумина вработени во тогашната компанија „Градски аптеки”.

За Благој Механџиски, се посочува: „Тој има три трансакциски сметки во „Credit Suisse” и сите три се отворени во јануари 2007 година. На Механџски, најголемата максимална сума на една од сметките е 13,3 милиони швајцарски франци, а на другите две има околу пет милиони и три милиони“.

Сашка Цветковска, одговорен уредник во ИРЛ вели: „Овие луѓе се се најлошо, се што имаат направиме во оваа држава, целото нивно богатство, буквално се што имаат. И онака се однсувале многу лошо со системот кој неправедно ги наградил. Најбогатите луѓе кои ги стекнале сите пари благодарение на привилигиите овде, сепак одлучиле да ги чуваат надвор и да не плаќаат данок. Друго не знам“.

Фото: ИРЛ

Маја Јовановска, новинарка во ИРЛ во документарецот вели: „Всушност, првата финансиска инјекција поради која Зегин стаснува гиганотот кој го знаеме, доаѓа од озогласената исладнска инвестициска групација „Milestone”… Сопственици се двајца браќа… кои се осудени поради проневери за пари. Парите за кои се осудени ги опфаќаат и парите од инвестициите во Македонија. Една од нивните инвестиции е во Зегин кога купуваат 50 отсто од уделите на Механџиски за пет милиони евра. Направивме компаративна споредба на датумите и сфативме дека по само шест месеци од оваа инвестиција, Механџиски ги отвора сметките во „Credit Suisse”. На една од тие сметки ќе се појават 5 милиони швајцарски франци“.

Во документарецот се зборува и како Минчо Јорданов имал сметка во странство, иако во тоа време, имало забрана македонски државјани да имаат сметки во странство ако немаат работна дозвола или не се резидентни граѓани.

Business Man

Универзитетскиот професор Борче Треновски: Можен раст на каматите на кредитите, инфлацијата ќе бледнее на крај на годината

Објавено

на

Зголемувањето на референтната каматна стапка на три проценти во догледно време може да ги зголеми каматните стапки на депозитите и на кредитите со флексибилна каматна стапка, а поради неизвесниот период во кој се наоѓаме, побарувачката на кредити и задолжувањето треба да биде претпазливо, оценува во изјава за МИА универзитетскиот професор Борче Треновски. (more…)

Продолжи со читање

Business Man

ТРИФУН КОСТОВСКИ ЈА ОТВОРИ ПАНДОРИНАТА КУТИЈА – објасни каде завршиле парите на штедачите од „Еуростандард банка“

Објавено

на

Бизнисменот Трифун Костовски ја одржа најавената прес-конференција на која изнесе сензитивни информации од истрагата која ја нарачал во врска со пропаѓањето на неговата „Еуростандард банка“. Костовски обвини дека парите кои биле повлекувани од неговата Еуростандард банка како кредити без покритие, во најголем дел оделе во фирми од Струмица блиски до поранешниот премиер на државата Зоран Заев. (more…)

Продолжи со читање

Business Man

Андреја Јосифовски го зајакнува својот акционерски капитал во Макпетрол АД Скопје

Објавено

на

Фото: a1on.mk

Макпетрол АД Скопје ја известува јавноста преку соопштение на Македонска берза дека г-н Андреја Јосифовски, Претседател на Управниот одбор, се стекна со 220 обични акции издадени од Макпетрол АД Скопје. (more…)

Продолжи со читање

Популарно