Connect with us

Интервјуа

Интервју Христијан Блажовски: Колумнист и автор на книга “Перење на пари и користење на технологијата во борбата против перењето“

Објавено

на

Доколку ги следите објавите на сајтот Банкарство.мк, тогаш сигурно сте ги забележале и колумните кои што на истиот се објавуваат. Во изминатиот период Банкарство.мк се посвети на зголемување на финансиската писменост, а особено во делот за спречување перење на пари.

За таа цел се контактираат експерти кои што несебично се нафаќаат да го споделуваат своето знаење со останатите, заради подигнување на јавната свест поврзана со оваа тема.

Еден од нив е и Христијан Блажовски, експерт за спречување перење на пари, со кој што соработката преку објавувањето на колумни ја прошируваме и преку ова интервју во кое што ќе сподели работи за него, неговото искуство, колумните како и она по што во последниот период е актуелен т.е објавата на неговата прва книга “Перење на пари и користење на технологијата во борбата против перењето”.

Банкарство: За почеток може ли да го споделите вашето досегашно работно искуство?

Христијан Блажовски: Вработен сум во банкарскиот сектор нешто повеќе од 8 години. Како период можеби не е многу долг, меѓутоа со оглед на мојата возраст (29 години), сметам дека истиот особено придонесе за моја професионална и приватна изградба како личност. Имам искуство со работа во две банки, преку работа во сектор за кредитирање на физички лица (Back Office) и во оддел за спречување перење пари и финансирање на тероризам. Работата во двата сектори ми овозможи соодветно искуство за подобро разбирање на процесите и активностите, кои што ми се потребни во борбата против спречувањето на перење пари.

Банкарство: Која е причината што ве натера да започнете со објавување на колумни?

Христијан Блажовски: По пристапувањето во одделот за спречување перење пари, веднаш се заинтересирав за начинот на негово функционирање и откривање на најдобрите практики и можности за спречување на перењето пари. Преку многучасовна работа, читање и сопствено надградување, се решив моето стекнато знаење да го споделувам и со сите останати, без разлика дали се вработени или не во финансискиот сектор. Сметам дека нивото на финансиска писменост во нашата држава не е на многу завидно ниво и затоа сите ние мора да работиме на негово зголемување, а особено на тоа да се едуцираат сите и да им се сврти вниманието во борбата со перењето на пари затоа што сите ние може да сме жртви на оваа нелегална активност.

Банкарство: Во колумните покрај совети за заштита од потенцијални лица со криминални пари, влијанието на перењето пари врз економијата, може да се прочитаат и некои нови технологии кои што може да се искористат за подобра борба. Како се користат новите технологии во Македонија?

Христијан Блажовски: Со оглед на тоа што технолошки светот се движи со големи чекори напред, технологијата мораме да ја искористиме на најдобар можен начин. За жал истата ја користат и криминалците кои што постојано изнаоѓаат нови начини за легализирање на нивните нелегално стекнати средства. Морам да потенцирам дека банките во нашата држава користат соодветни системи во борбата против перењето на пари, меѓутоа она на што посебно ставам акцент е новата технологија, како Blockchain и AI (вештачката интелигенција). Овие технологии се особено напрeдни и скапи, меѓутоа истите значително ќе придонесат во борбата против перење на пари.

Банкарство: Од пред неколку денови излезена е и вашата прва книга “Перење на пари и користење на технологијата во борбата против перењето”. Може ли да ни кажете нешто повеќе за книгата?

Христијан Блажовски: Оваа книга претставува уште еден чекор напред кон мојата цел, а тоа е зголемување на свеста за перењето пари и финансиската писменост. Во книгата се содржани дел од објавените колумни, но и голем дел од досега необјавени текстови. Во истата може да се пронајдат многу интересни работи, објаснувања и практични примери кои што се лесно разбирливи за сите. Се обработуваат најразлични теми со кои што се среќаваме секојдневно и кои што верувам дека ќе им бидат од особена корист на сите кои што се вклучени во борбата против перењето пари. Секако тука е наведена и технологијата т.е новите начини кои што ги користат криминалците и начинот на спречување на истите.

Банкарство: Во книгата може да се забележат и теми поврзани со обуки на вработените во институции, особено во одделите за перење пари и спречување на тероризам. Дали и колку се одржуваат обуки во Македонија поврзани на оваа тема?

Христијан Блажовски: Она што може да се забележи е тоа дека во државата секако недостасуваат обуки и специјализации за вработените во одделите за СПП и ФТ. Меѓутоа она што сакам да го посочам со цел подигнување на свеста, е и самата желба и ангажман на вработените во одделите за што поголема нивна специјализација. Забележливо е дека вработените во одделите за СПП и ФТ сеуште размислуваат на начинот на кој што се вршеле трансакции и имало обиди за перење на пари во минатото. Најголемо внимание се посветува на “готовината” и обезбедување на потекло на истите. Секако, сите знаеме дека Македонија е земја во која готовината има голема улога и сеуште има голема примена во начинот на водење на бизнисот. Обидот за перење на пари е најбитно да се забележи уште во првата фаза на обидување да се вметнат парите во финансискиот сектор. Меѓутоа вработените мора да посветат поголемо внимание и на оние трансакции кои што не се со физички присуство на готовина. Да се посвети внимание на документацијата, начинот на реализирање на трансакциите, нивната логичност итн. Криминалците секогаш располагаат со готовина која што не е пријавена и истата сакаат да ја проследат до финансискиот сектор. Меѓутоа што ако финансиската институција во која работите не се користи за уплата на готовината туку е само дел од синџирот на безготовински трансакции со лажни фактури и документи? Мора да се направи соодветна проценка и да се приберат доволно информации за да се утврди дека трансакцијата веројатно е дел од некој поголем ланец.

Банкарство: За крај, можете ли да дадете совет за нашите читатели?

Христијан Блажовски: Вложувањето во себе е најдобриот начин за овозможување на квалитетен живот. Читајте, едуцирајте се, следете обуки. Вложеното време во само едукација не може да биде потрошено време. Трудот кој што сте го вложиле денес двојно ќе ви се врати во иднина.

Интервјуа

Очекувања 2024 година | АЛЕКСАНДАР НИКОЛОВСКИ, КАПИТАЛ БАНКА АД СКОПЈЕ

Објавено

на

На почетокот на тековната 2024 година, се обраќаме до банките во Република Северна Македонија со цел објавување на очекувањата на водечките банкари во нашата земја од аспект на предизвиците со кои ќе се соочат Банките во периодот што следи. (more…)

Продолжи со читање

Интервјуа

Очекувања 2024 година | МИЛКА ТОДОРОВА, УНИБАНКА АД СКОПЈЕ

Објавено

на

На почетокот на тековната 2024 година, се обраќаме до банките во Република Северна Македонија со цел објавување на очекувањата на водечките банкари во нашата земја од аспект на предизвиците со кои ќе се соочат Банките во периодот што следи. (more…)

Продолжи со читање

Интервјуа

Очекувања 2024 година | Д-Р ДРАГОЉУБ АРСОВСКИ, ТТК БАНКА АД СКОПЈЕ

Објавено

на

На почетокот на тековната 2024 година, се обраќаме до банките во Република Северна Македонија со цел објавување на очекувањата на водечките банкари во нашата земја од аспект на предизвиците со кои ќе се соочат Банките во периодот што следи.

За таа цел во целост ги пренесуваме ставовите и очекувањата на д-р Драгољуб Арсовски, Претседател на Управниот одбор на ТТК Банка АД Скопје.

Банкарство: Кратка ретроспектива на изминатата 2023 година. Кои настани ја одбележаа годината, дали истата беше успешна за Вас и кои поуки ги извлековте?

д-р Драгољуб Арсовски: На почетокот на 2024 година размислуваме за изминатата година и како и секогаш, со голем ентузијазам гледаме кон иднината.

Предизвиците беа секојдневни, за жал, но ние, како мала Банка, успеавме да покажеме видлива финансиска отпорност, да напредуваме и да се бориме со нашата посветеност, со конкурентноста и со ефикасноста.

ТТК Банка ги приспособи своите стратешки и финансиски цели кон макроекономското окружување. Тоа доведе до зголемување на профитабилноста, надминувајќи ги очекувањата за раст и обезбедувајќи конзистентна вредност за нашите клиенти, вработени и акционери.

Со еден збор, 2023 година беше година на силни финансиски перформанси! 

Како активен, стабилен и етаблиран учесник на македонскиот финансиски пазар, ТТК Банка успешно го заврши процесот на зголемување на основната главнина преку скрип емисија на нови акции по пат на приватна понуда, а истовремено Банката се посвети на обезбедување различни иновативни решенија кои носат корист за Банката на долг рок.

Во 2023 година депозитите од комитенти пораснаа за 18,8 %. Тоа е резултат на изградениот имиџ за нас како стабилен, доверлив и сигурен партнер. Изворите на средства и вкупната актива на Банката бележат пораст од 15,6 % при што e задржан и високиот квалитет на кредитното портфолио.

Напорите за подобрување на достапноста резултираа со двојно зголемена мрежа од над 80 банкомати, отворање две нови експозитури во Скопје и во Гевгелија, како и неколку релокации во рамките на мрежата којашто брои вкупно 7 филијали и 24 експозитури. Без разлика дали сте во срцето на градот или на пооддалечена локација, ние ги покриваме вашите банкарски потреби.

Во условите во кои стопанисуваме, за ТТК Банка стабилноста има посебно внимание и приоритет. За нас тоа е содржано во нашето знаење и особената посветеност на тимот кој веќе долги години ефикасно функционира во иста насока. 

Банката започна да ја зајакнува посветеноста кон начелата на ESG, преку интегрирање на концептот на одржливост во деловните процеси и производи. Воведовме наменски ЕКО-кредитни производи за физичките лица со цел да понудиме поддршка за полесна реализација на инвестициите за подобрување на енергетската ефикасност на нивните домови, за купување енергетски ефикасни производи и за купување еколошки превозни средства. Тоа долгорочно би придонело за намалување на емисиите на штетни гасови, за еколошки одржливи подобрувања на условите за живеење, заштеда на енергија, заштеда на трошоци и намалување на загадувањето.

Посветеноста на ТТК Банка кон достојно спроведување на стратегијата за општествена одговорност придонесе кон остварување многубројни позитивни придобивки за заедницата. Изминатата година исто така реализиравме повеќе работилници за финансиска едукација за околу 600 деца од повеќе градови коишто имаа за цел да ја подигнат свеста за значењето на финансиската писменост, да ги збогатат знаењата за финансиските производи и услуги и да влијаат на создавање здрави финансиски навики.

Банкарство: Краток коментар околу очекувањата за движењето на каматните стапки на кредитните/депозитните производи во 2024 година.

д-р Драгољуб Арсовски: Каматните стапки се секогаш под влијание на пошироките економски услови, вклучувајќи ги стапките на инфлација, политиките на централната банка и целокупното економско здравје. 

Секоја финансиска институција поставува сопствена кредитна политика и ги одредува каматните стапки врз основа на каматната стапка на изворите на средства, регулаторните и оперативните трошоци, трошоците кои произлегуваат од изложеноста на ризик и очекуваната стапка на добивка. 

Во основата на нашето постоење е нашата посветеност кон обезбедување разновидно и сеопфатно портфолио на производи со високо конкурентни услови. Разбираме дека нашите клиенти имаат уникатни финансиски потреби и веруваме во понудата на низа решенија кои ги задоволуваат тие различни барања. 

Можеме да кажеме дека и во 2024 година ќе продолжи понудата на поволни и атрактивни каматни стапки.

Банкарство: Колку домашните банки се дигитализирани и дали заостануваат во овој процес во однос на банките од регионот/Европа?

д-р Драгољуб Арсовски: Банкарската индустрија претрпува значителна трансформација заради брзиот технолошки напредок и развојните очекувања на клиентите. Приспособувањето на идните банкарски трендови станува клучно за банките да ја одржат конкурентноста и да ги задоволат постојано променливите потреби на нивните клиенти. 

Споредено со другите банки во регионот и во Европа, домашните банки се блиску до просекот во Европа, но сепак имаат простор за подобрување и, исто така, и тие би можеле да имаат корист од понатамошните инвестиции во технологијата, инфраструктурата и градењето свесност за клиентите.

Условите на локалниот пазар, регулаторните рамки и технолошката инфраструктура влијаат на темпото и природата на дигиталната трансформација во банкарскиот сектор. 

Нашите онлајн платформи (електронското банкарство ТТК е-bank и мобилната апликација ТТК m-bank) обезбедуваат беспрекорно и безбедно банкарско искуство за нашите клиенти и ја зацврстија нашата позиција како банка којашто е силно посветена да понуди најповолни услови во дигиталното банкарство, сè уште без трошоци за активирање и за користење. Промовираме подобрено и ново ниво на искуство за нашите корисници, без временски и просторни ограничувања. Корисниците на ТТК Банка веќе имаат можност за тековен увид во состојбата на сметките, имаат можност да вршат плаќања со поголема брзина и со пониски трошоци и да орочуваат средства без доаѓање во банка.

ТТК Банка останува отворена и ќе продолжи да инвестира во новите технологии за дополнително подобрување на безбедноста и пристапноста за нашите ценети клиенти.

Континуираното иновирање и развојот на дигиталното банкарство, подобрувањето на квалитетот на услугата и искуството на корисниците остануваат императив со фокус на унапредување на продуктивноста и контролата на трошоците.

Банкарство: Наведете еден новитет што ТТК Банка АД Скопје ќе го имплементира во 2024 година и што очекувате од имплементација на истиот? Што можеме да очекуваме од ТТК Банка во 2024 година?

д-р Драгољуб Арсовски: ТТК Банка останува посветена на приспособување на динамиката на пазарот и развојните потреби на клиентите. Во таа насока продолжуваме со активно унапредување на понудата на производи и услуги со фокус на проширување на поволностите на понудата на кредитните производи за физички лица, платежните картички, осигурителните производи и пакетите производи со атрактивни, конкурентни и поволни услови дизајнирани да ја подобрат финансиската благосостојба и да ги поттикнат поединците да ги постигнат своите финансиски цели. 

Иднината на банкарството е дигитална и ТТК Банка е целосно посветена да ја води оваа трансформација во насока на остварување на целите за развој на пристапи во продажбата, развој на производи и услуги и развој на дистрибутивните канали. Целиме кон беспрекорно, интуитивно и безбедно искуство преку развој на дигиталните канали што одговара на барањата на современиот клиент. 

Согледувајќи ги околностите, ние веќе се позиционираме проактивно. Се фокусираме кон стабилно и профитабилно оперативно работење. Предвидуваме реален и остварлив раст во сите сегменти на работењето.

Зголемувањето на кредитното портфолио преку квалитетни пласмани е една од стратешките цели на ТТК Банка па оттука предност имаат клиентите со добар бонитет и квалитетни претприемнички идеи сo развоен потенцијал. Банката е секогаш подготвена да ја поддржи нивната ефикасност и успешност преку понуда на соодветни индивидуални решенија и производи, а сè со цел создавање стабилно и долгорочно партнерство. 

2024 година ја започнавме со неколку активни промоции за кредитни производи за физички лица: атрактивните потрошувачки кредити со ниска фиксна каматна стапка во првите две години почнувајќи од 4,80 % годишно, хипотекарните кредити со фиксна каматна стапка во првите три години од 4,00 % годишно, супер станбениот кредит со фиксна каматна стапка во првите пет години од 3,20 % годишно, односно со фиксна каматна стапка во првите десет години од 3,70 % годишно без трошоци за одобрување и останати поволности.

Банката останува посветена и на иницијативите на одржливост и понудата на еколошки производи и одржливи банкарски решенија во согласност со нашата посветеност кон одговорноста за животната средина. Зелените опции за финансирање и еколошките дигитални иницијативи ќе бидат составен дел од нашата банкарска понуда. 

Активно продолжуваме да ја спроведуваме стратегијата на општествено одговорна компанија преку реализација на спонзорства, донации како и организирање и поддршка на настани и проекти кои ќе придонесат за развој на посреќна и поуспешна заедница.

Продолжи со читање

Популарно

https://austinpublishinggroup.com/a/judi-bola-euro-2024/ https://austinpublishinggroup.com/a/parlay/ https://austinpublishinggroup.com/a/judi-bola/ https://austinpublishinggroup.com/a/sbobet/ https://compendiumapp.com/comp/dominoqq/ https://bankarstvo.mk/wp-includes/bandarqq/ https://bankarstvo.mk/wp-includes/dominoqq/ https://tickerapp.agilesolutions.pe/wp-includes/js/pkv-games/ https://tickerapp.agilesolutions.pe/wp-includes/js/bandarqq/ https://tickerapp.agilesolutions.pe/wp-includes/js/dominoqq/ https://tickerapp.agilesolutions.pe/wp-includes/js/slot-depo-5k/ https://austinpublishinggroup.com/group/pkv-games/ https://austinpublishinggroup.com/group/bandarqq/ https://compendiumapp.com/comp/pkv-games/ https://compendiumapp.com/comp/bandarqq/ https://bankarstvo.mk/PCB/pkv-games/ http://compendium.pairserver.com/ http://compendium.pairserver.com/bandarqq/ http://compendium.pairserver.com/dominoqq/ http://compendium.pairserver.com/slot-depo-5k/ https://compendiumapp.com/app/slot-depo-5k/ https://compendiumapp.com/app/slot-depo-10k/ https://bankarstvo.mk/PCB/slot-depo-5k/ https://austinpublishinggroup.com/group/dominoqq/ https://austinpublishinggroup.com/group/slot-depo-5k/ https://austinpublishinggroup.com/group/slot77/ https://compendiumapp.com/ckeditor/judi-bola-euro-2024/ https://compendiumapp.com/ckeditor/sbobet/ https://compendiumapp.com/ckeditor/parlay/ https://sabriaromas.com.ar/wp-includes/js/pkv-games/ https://www.europark.lv/uploads/Informativi/pkv-games.html/ https://www.europark.lv/uploads/Informativi/bandarqq.html/ https://www.europark.lv/uploads/Informativi/dominoqq.html/ https://www.europark.lv/uploads/Informativi/slot-thailand.html/ https://www.europark.lv/uploads/Informativi/slot-depo-10k.html/ https://www.europark.lv/uploads/Informativi/slot-kakek-zeus.html/ https://www.europark.lv/uploads/Informativi/rtp-slot.html/ https://www.europark.lv/uploads/Informativi/parlay.html/ https://www.europark.lv/uploads/Informativi/sbobet.html/ https://st-geniez-dolt.com/css/images/pkv-games/ https://st-geniez-dolt.com/css/images/bandarqq/ http://128.199.219.76/img/pkv-games/ http://128.199.219.76/img/bandarqq/ http://128.199.219.76/img/dominoqq/ https://st-geniez-dolt.com/css/images/dominoqq/ https://www.knowafest.com/files/uploads/pkv-games.html/ https://www.knowafest.com/files/uploads/bandarqq.html/ https://www.knowafest.com/files/uploads/dominoqq.html https://www.knowafest.com/files/uploads/slot-depo-5k.html/ https://www.knowafest.com/files/uploads/slot-depo-10k.html/ https://www.knowafest.com/files/uploads/slot77.html/ https://tsamedicalspa.com/wp-includes/js/slot-5k/ https://gseda.nida.ac.th/wp-includes/js/pkv-games/ https://gseda.nida.ac.th/wp-includes/js/bandarqq/ https://gseda.nida.ac.th/wp-includes/js/dominoqq/