Connect with us
P2_P_MK_1600x400

Интервјуа

Интервју со членовите на Управниот одбор на Винер Лајф: Пазарот на животно осигурување продолжува со трендот на двоцифрен раст

Објавено

на

Денес, 1ви ноември се одбележува Денот на осигурувањето како долгогодишна традиција која е исполнета со бројни активности за зголемување на свесноста за важноста на осигурувањето. Овој ден треба да ги извади на површина сите најнови и најатрактивни продукти на осигурителните компании, со цел клиентите да бидат подобро информирани и запознаени како да ги задоволат своите потреби.

По повод Денот на осигурувањето, поразговаравме со членовите на Управниот одбор на Винер Лајф Осигурување, г-дин Дарко Дедиќ, Претседател на Управниот одбор и г-дин Мартин Теов, член на Управен одбор за растот на Винер Лајф на македонскиот пазар во изминатиот период, за новите технолошки трендови во осигурувањето, како и за очекувањата во периодот кој претстои.

Веќе 9-та година откако е основана компанијата, Винер Лајф прерасна во една од најдобрите и најпрепознатливи компании за животно осигурување во Р.Македонија, која во својата палета нуди широк спектар на производи кои што се достапни и прифатливи за секој граѓанин.

Банкарство: Се зголемува ли интересот на граѓаните за полиси на животно осигурување и кои продукти се најатрактивни?

Мартин Теов: Интересот на граѓаните паралелно со продажбата на полиси за животно осигурување секоја година расте со двоцифрени бројки. Сите компании за животно осигурување работат константно на подигање на свеста кај јавноста за бенефитите од овој производ.

Банките, исто така, во последните неколку години придонесуваат за афирмирање на животното осигурување како додадена вредност на модерниот начин и брзото темпо на живеење. Покрај класичните производи, во последно време продуктите поврзани со инвестициски фондови, како и заштитата на кредити со полиса за животно осигурување се секако дел од атрактивната понуда.

Банкарство: Што го одбележа пазарот на осигурување оваа година и какви се проекциите за до крајот на 2019?

Дарко Дедиќ: Во првите девет месеци од 2019 година пазарот на животно осигурување продолжува со трендот на двоцифрен раст, а нашите предвидувања се дека овој тренд ќе продолжи и до крајот на годината.

Главни двигатели на ваков завиден раст на животното осигурување во 2019 година се банките кои значајно ги зголемија своите активности во соработката со компаниите за осигурување на живот. Оваа соработка овозможува дел од ризикот кој досега го превземаа банките да се пренесе на осигурутелните компании што придонесе банките да бидат во можност да ги намалат каматните стапки на кредитните производи.

Во економско опкружување со ниски приноси за вложените средства во текот на 2019 година пазарот на животно осигурување бележи пораст на клиенти кои се одлучуваат своите средства да ги вложат во таканаречени unit linked производи за животно осигурување, каде што на посреден начин нивните средства се вложуваат во широка палета на хартии од вредност од реномирани странски компании.

Промените во даночната регулатива на почетокот од 2019 година, исто така, позитивно влијаеа на развојот на животното осигурување.

Винер Лајф како членка на VIG, најголемата осигурителна групација во централна и југоисточна Европа во првите девет месеци оствари раст од 13% и е на одличен пат да ја оствари зададената цел за 2019 година односно повисока стапка на раст од онаа што ја остварува пазарот на животно осигурување.

Банкарство: Дали осигурителната индустрија во С. Македонија ги следи новите технолошки трендови и какви услуги нуди за корисниците?

Мартин Теов: Како што веќе напоменав Винер Лајф е дел од Vienna Insurance Group, каде што главна стратешка цел за периодот 2018-2020 е воведување на дигитизација во сите сегменти на работењето на компаниите. Винер Лајф ги следи трендовите на групацијата и во изминатиот период воведе неколку техноложки иновации во делот на процесирање и ажурирање на податоците и ниформациите а цел за наредниот период ќе биде овозможување на дигитална комуникација со клиентите.

Со оглед на фактот што сите компании за осигурување на живот потекнуваат од земји членки на Европската Унија, очекуваме локалните компании постепено да ги превземаат искуствата од дигитизација на мајките компании што во голема мера ќе придонесе за дополнителна модернизација на целиот сектор.

Банкарство: Се развива ли корпоративното учество во продуктите за осигурување со цел овозможување поголеми бенефиции за вработените и менаџерите?

Дарко Дедиќ: Во претходните години даночната регулатива имаше негативно влијание врз мотивацијата на корпоративниот сектор да ги користи бенефитите од животното осигурување. Со измените на оваа регулатива во 2019 година веднаш се почувствува значајно зголемување на соработката помеѓу корпоративниот сектор и компаниите за животно осигурување.

Се поголем број на компании се одлучуваат довербата кон своите вработени или менаџерскот тим да ја искажат преку склучување на договори за осигурување во кои бенефитите од овие договори се на име на вработените.

Винер Лајф само во првите девет месеци од 2019 година склучи договoри за животно осигурување со 125 правни лица при што некои од нив се мали субјекти со само неколку вработени, но имаме договори и со правни субјекти кои имаат повеќе од 100 вработени.

Она што е забележливо во нашата соработка со корпоративниот сектор е што договорите за животно осигурување во значаен дел од случаите се склучуваат не само за менаџерскот тим, туку и за останати клучни лица кои имаат влијание во развојот на компаниите.

Интервјуа

Интервју АЛЕКСАНДАР ИЉОВ: Користете ја апликацијата HalkEco и придонесете за ново засадено дрво и намалена емисија на CO2

Објавено

на

Халкбанк како ЕКО ориентирана компанија која низ годините на своето постоење применува бројни ЕКО политики. Во последните 8 години Банката има финансирано повеќе од 6.000 вакви проекти во износ од 36,6 милиони евра. Досега, намалената емисија на јаглероден диоксид е за 37 илјади тони годишно, а со истите проекти се заштедени 130.000 MW/h електрична енергија. Последен ЕКО проект кој неодамна беше промовиран е мобилната апликација HalkEko којашто претставува  иновативно решение со кое, доколку се користи, значително може да придонесе за зачувување на животната средина. Со апликацијата се стимулирани пешачењето, трчањето, возењето велосипед или тротинет, особено во периоди од денот кога има најголем сообраќај. За секои поминати 80 километри, Халкбанк презема обврска да засади едно дрво. Првата акција за садење на 152 дрвја веќе беше организирана, а така ќе продолжи и во иднина. За апликацијата, нејзините цели и ефекти зборуваме со Александар Иљов, директор на секторот за маркетинг во Халкбанк.  (more…)

Продолжи со читање

Business Man

Challenger: Бизнисите да се приклучат на платформата за да бидат „зелени“

Објавено

на

Challenger е новата мобилна апликација за која мора да знаете, бидејќи кога ќе биде лансирана не смеете никако да ја пропуштите. Challenger е нов македонски стартап кој сака преку мобилна апликација да ги менува здравите навики на македонските граѓани, повеќе да поминуваат „зелени“ километри, да собираат поени, а со тоа и соодветни награди и признанија. Исто така Challenger сака да ги поттикне на општествена одговорност компаниите и институциите со цел да се креира нова зелена маркетинг платформа која ќе нуди многу предности. За начинот на кој функционираат како стартап, за пристапот до финансии за развој на идејата и техничкото решение, како и за тоа што ќе понуди апликацијата разговаравме со Теодора, Стефан, Олга и Митко од Challenger.

Што е Challenger? За кратко време успеавте да соберете многу внимание од јавноста која очекува многу интересен проект, особено пред почетокот на зимата кога се враќаат темите за загадувањето и проблемите со здравјето на луѓето?

Challenger e мобилна апликација за сите кои сакаат да добијат некоја награда за своите поминати зелени километри (пешки или на велосипед). Ние сакаме да ги предизвикаме нашите сограѓани, независно дали млади, студенти, родители, возрасни, активисти, оние кои се движат, кои сакаат да бидат промената во ова општество, или пак оние на кои им недостасува поттик да поминат километар повеќе, па и онаа група на луѓе кои се веќе наши локални еко супер херои.

Challenger ќе функционира на следниот начин:

1.Поминатите километри со пешачење или пак додека возите велосипед се претвораат во  Challenger поени
2. Challenger поените се заменуваат со кодови за попусти или пак бесплатни производи/услуги
3. Challenger е начин заедно да се избориме за почист воздух, да го намалиме секојдневниот сообраќаен метеж, затоа поставуваме предизвици (дневни,неделни или месечни) и за секое успешно исполнување се добиваат директни награди

Веројатно тоа што го привлече вниманието на јавноста, на наша голема среќа, е токму пристапот на нашето решение, а тоа е дека само како заедница на граѓани, бизниси и организации може да направиме промени. Затоа сакаме сите да ги повикаме да ни се приклучат во остварувањето на нашата цел, и заедно да бидеме дел од решението на аерозагадувањето, а не од проблемот.

Кој стои зад Challenger, може да ни раскажете како се склопи тимот и успевате ли да ја усогласите вашата визија, колку е голем предизвикот да се работи на ваков проект?

Приказната на Challenger започна на минатогодишниот StartupWeekend Скопје. Кога ќе се свртиме наназад сфаќаме дека работиме заедно веќе година дена, и тоа ни се чини нереално, бидејќи времето лета, како вчера да бевме во CeedHub. Еуфоријата која ја добивме не мотивираше да продолжиме првите месеци. Потоа дојдоа вистинските предизвици, кој од нас ќе продолжи да работи, како да го оформиме производот, да решиме во кој правец ќе продолжиме…. Процесот беше далеку од лесен, но едно е факт сите сме заљубени во Challenger, едноставно сонуваме да успее. Веројатно тој жар кај сите е тоа што не натера да аплицираме на различни натпревари каде што добивме и признанија. На кратко позади идејата на Challenger се Теодора, Стефан, Олга и Митко, кои воедно се основачи и на компанијата GreenIT. Наскоро ќе објавуваме и интересни текстови од нашиот тим, односно како се справувавме со нашите предизвици, избор на технологија, како ние го гледаме нашиот тим итн., така да следете го нашиот блог на www.challenger.mk 🙂

Кои ќе бидат главните цели на Challenger и како очекувате да се вклучи бизнис секторот во вашата приказна?

Главната цел на Challenger e да биде платформа преку која ќе се создава една општествено одговорна – зелена заедница, каде што луѓето развиваат навики да користат алтернативни методи на транспорт, а од друга страна локалните бизниси го подржуваат ова однесување.

Challenger е единствена платформа преку која бизнисите ќе можат да се вклучат на трендот, да бидат препознаени како зелени бизниси. На кратко бизнисите ќе може да спонзорираат предизвици и за истите да даваат директни награди на учесниците кои успешно го исполниле тој предизвик. Дополнително во нашата Challenger продавница бизнисите може да поставуваат бесплатни, или кодови за попуст за своите услуги и производи, а со самото тоа стимулираат и општествено одговорно однесување помеѓу своите сограѓани.

Ние велиме, времето да се биде ЗЕЛЕН бизнис е СЕГА, затоа им овозможуваме на бизнисите алатка без да трошат дополнителни ресурси.

Имате ли искуство со наоѓање на финансии од банкарскиот сектор, дали е тоа чекор на кој ќе треба да работите и што очекувате?

Во изминатиот период бевме во инкубациска програма подржана од банка, каде што се одборува кредит со ниска каматна стапка. Поради фактот дека сме на самиот почеток и се трудиме да го испробаме нашиот бизнис модел на пазарот, се уште не сме подготвени за подвиг на добивање финансии од банкарскиот сектор. Како нов startup, гледаме рационално и ефективно да ги користиме ресурсите кои ни се на располагање, па затоа се пријавуваме на различни настани каде што можеме да добиеме грантови или ко-финансирања. Се разбира кога ќе дојде моментот на експанзија и влегување на други пазари, тогаш финансиите од банкарскиот сектор ќе бидат потребни, но во овој момент се трудиме да најдеме алтернативни начини.

Како иновативен стартап модел дали Challenger го гледате на регионалниот и глобалниот пазар и што мислите за конкуренцијата?

Challenger е дефинитивно модел кој лесно се реплицира, и нашата првенствена замисла е Challenger да биде препознатлива алатка на Балканскиот пазар, со цел да ја развиеме Challenger и во другите Европски држави. За наша среќа на регионалниот пазар не постојат слични апликации како нашата, па конкуренцијата е занемарлива. Но, гледајќи го европскиот и глобален пазар, има апликации кои се веќе етаблирани и функционираат одлично во одредени држави, така да конкуренцијата таму е прилично силна. Се разбира, многу е рано да зборуваме за влегување на европски и светски пазари, додека не ја етаблираме Challenger на домашниот, па потоа и на регионалниот пазар. Затоа сакаме да ги имплементираме нашите планови чекор по чекор, и да оставиме пазарот и времето да ни покажат во која насока треба да се развиваме.

Продолжи со читање

Интервјуа

Интервју ГОРЈАН ЈОВАНОВСКИ: Македонија има голема можност за проширување на навиките во е-трговијата

Објавено

на

На 25 октомври 2019 год во хотел DoubleTree by Hilton во Скопје ќе се одржи Втората годишна конференција за е-трговија под наслов „БИЗНИС РАСТ СО Е-ТРГОВИЈА“ во организација на Асоцијацијата за е-трговија на Македонија. И оваа година, Конференцијата за е-трговија ќе биде местото каде многу истакнати меѓународни и домашни говорници преку предавања, панел дискусии и неформални разговори, ќе ги пренесат своите знаења и искуства од областа на е-трговијата и маркетингот. (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange