Connect with us
P2_P_MK_1600x400

Интервјуа

Интервју со Никола Јошевски, директор на СН Финансии, првата Финтек компанија во Битола

Објавено

на

Поразговаравме со г-дин Никола Јошевски, директор на СН Финансии, Финтек компанија која неодамна ја прослави годишнината од своето постоење, во која се пријатно изненадени од македонските граѓани и од нивната подготвеност да ги користат финансиските услуги кои ги нуди СН Финансии комплетно онлајн. Разговаравме за тоа колку финансиските друштва се сериозен конкурент на банките, за скептицизмот на граѓаните кон новите работи, како и за новата димензија која ја нудат овие компании, дигиталната револуција и онлајн кредитирањето.

Банкарство: СН Финансии на 15 март оваа година прослави една година постоење. Може ли да ни кажете дали во текот на оваа година се исполнија очекувањата кои ги имавте?

Никола Јошевски: СН Финансии беше и се уште е првата Финтек компанија во Битола, но исто така е и прва Финтек компанија во Македонија со домашен капитал.

Најпрво, со анализата која што ја направивме после првата завршна сметка увидовме дека финансиските очекувања се исполнети, но не е само тоа. Во оваа прва година од функционирањето, ние сме пријатно изненадени од македонските граѓани и од нивната подготвеност да ги користат нашите финансиски услуги кои ги нудиме комплетно онлајн.

Ќе бидам искрен кога почнувавме постоеше одреден скептицизам, како македонските граѓани ќе го прифатат нашиот начин на работа, но тој скептицизам исчезна уште во првите седум дена од нашиот почеток.

Банкарство: Кои се услугите кои ги нудите како финансиско друштво?

Никола Јошевски: Ние како Финансиско друштво имаме лиценца за: одобрување кредити и кредитни картички, издавање гаранции како и факторинг. Во моментот сме фокусирани на одобрување и исплата на кредити, но исто така работиме и со издававање гаранции и факторинг.

Банкарство: Може ли да ни кажете, кој од Вашите кредитни производи е најмногу побаруван? И зошто е тоа така, според Вашето мислење?

Никола Јошевски: Уште при основањето, ние инвестиравме значителни средства и напор за да развиеме технологија со којa ќе можеме да понудиме комплетен процес на онлајн кредитирање. Инвестицијата која ја направивме се исплатеше и токму тие кредити што ги нудиме онлајн во моментот се најбарани и сочинуваат 90% од нашето портфолио.

Банкарство: Споменавте комплетен процес на онлајн кредитирање. Дали можете да ни го објасните накратко тој процес?

Никола Јошевски: Комплетен процес на онлајн кредитирање значи дека клиентот може да аплицира за кредит, да потпише договор и да ги добие парите без воопшто физички да ги посети нашите канцеларии.

Банкарство: Што е клучното, зошто клиентите да Ве одберат токму Вас?

Никола Јошевски: Нашиот проактивен пристап кон клиентите, квалитетот на услугата и брзината на одобрување и исплата, несомнено се клучни фактори кои влијаат на граѓаните да се одлучат за нас.

Банкарство: Која категорија на граѓани се Ваши клиенти?

Никола Јошевски: Според возраста не можам да издвојам некоја категорија бидејќи нашиот најмлад клиент е 18 години додека нашиот најстар клиент е 72 години. Можам да направам некоја сегментација според регионот каде живеат нашите клиенте и според тоа: 50% од клиентите се од скопскиот регион, а само 10% се од пелагонискиот регион, каде што се наоѓа нашето седиште.

Банкарство: Колку сте задоволни од она што го постигнавте во текот на првата година од постоењето и котирањето на македонскиот пазар?

Никола Јошевски: Сите цели за првата година кои ги зацртавме со моите партнери пред основањето се остварени и надминати. Така што, морам да кажам дека досега сум задоволен.

Банкарство: Дали според вас, финансиските друштва последниот период се наметнуваат како сериозен конкурент на македонскиот кредитен пазар?

Никола Јошевски: Финтек компаниите употребуваме технолошки иновации кои ни овозможуваат повисок степен на ефикасност во своето работење и побрзо процесирање на кредитните апликации. Исто така дигиталната револуција која се случува во последните години ни овозможува да бидеме многу блиску до нашите потенцијални клиенти.

Исто така, тука важно е да се напомене дека од 13 јануари 2018 во ЕУ стапи на сила новата европска регулатива PSD2 според која банките не се единствени носители на платниот промет, туку тоа можат да го прават и трети лица. Сето ова укажува на фактот дека во наредните 5 години, Финтек компаниите ќе се наметнат како сериозна конкуренција на македонскиот кредитен пазар.

Банкарство: Колку време беше потребно за граѓаните да се информираат за услугите кои што ги нудите и да почнат ги користат? Постоеше ли доза на скептичност на почетокот?

Никола Јошевски: Кога се нуди нешто ново, нешто различно од постоечкото, секогаш постои недоверба и скептичност, но кога компанијата што го нуди тоа е сериозна и квалитетна, тогаш таа скептичност и недоверба многу брзо се надминува.

Банкарство: Што е она што го планирате за во иднина? Можеби нови услуги и производи?

Никола Јошевски: Македонија е само почеток на нашата приказна, на крајот од оваа година или почетокот на наредната планираме нашите услуги да почнеме да ги нудиме и надвор од Македонија.

Интервјуа

Интервју МАРИЈА ТОМЕСКА: Иднината е извесна за Еуролинк, фокус кон атрактивна онлајн понуда!

Објавено

на

Еуролинк осигурување е предводено од желбата за придонес кон економскиот развој на Република Северна Македонија, таа се стреми кон континуиран и долгорочен раст и паралелно градење поинакво осигурување за целосно задоволување на потребите на клиентите. Разговараме со претседателот на УО, г-ѓа Марија Томеска за понатамошните подвизи на Еуролинк осигурување. (more…)

Продолжи со читање

Интервјуа

Јасмина Кузманова: Најголемата придобивка на Винер Лајф се задоволните клиенти

Објавено

на

Групацијата Vienna Insurance Group во 2010 година ја основа осигурителната компанија за животно осигурување Winner Life и со тоа го продолжи успешното работење на македонскиот пазар под брендот Winner. (more…)

Продолжи со читање

Интервјуа

Интервју со Димитар и Антонио од When in Krusevo

Објавено

на

Адреналинскиот настан познат под името When in Krusevo продолжува и оваа година! Третото летно издание на outdoor дружбата ќе се одржи од 21. – 23. јуни 2019, на веќе добро познатата локација на Крушевското езеро.  (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange