Connect with us

Интервјуа

Интервју со Марко Дамевски: Продажбата е професија која нуди безброј можности

Објавено

на

Со своето 18 годишно искуство во финансискиот сектор, г-динот Марко Дамевски, новиот Менаџер за продажба на Винер Лајф, е надополнување на веќе успешниот продажен тим на компанијата која од година во година расте и го зголемува своето пазарно учество на македонскиот осигурителен пазар за животно осигурување.

Поразговаравме со г-динот Дамевски за тоа каде Винер Лајф е позициониран на македонскиот пазар во моментов и кои се неговите очекувања во периодот што следи. Дали може да очекуваме нови производи и пакет услуги кои би овозможиле дополнителна заштита, а притоа и заштеда за сегашните, така и за потенцијалните идни клиенти.

Банкарство: Г-дине Дамевски имате долгогодишно искуство во финансискиот, пред се во банкарскиот сектор, најпрво во ИК Банка (денешна Халкбанк), а подоцна и во Охридска Банка Сосиете Женерал, на повеќе позиции како и во една од конкурентските компании за животно осигурување. Во Винер Лајф доаѓате во септември годинава на позицијата Менаџер за продажба. Што е клучно за успешна продажба во осигурителниот бизнис и дали сметате дека Вие можете подеднакво добро да ги продавате производите и услугите на Винер Лајф за животно осигурување кои претставуваат потреба, но пред се луксуз, како и досегашната продажба на кредитни производи кои на македонското население му се повеќе од неопходни во условите во кои живееме?

Марко Дамевски: Разликата во креирањето и продажбата на банкарски производи и било кој производ од бизнисот на животно осигурување е дијаметрално различен во секој поглед. Се согласувам дека кредитите им се неопходни како на населението така и на економијата во државата. Она со што не се согласувам е дека животното осигурување е луксуз.

Недоволната информираност на населението околу економијата, финасиите, а особено околу животното осигурување ја создаде фикцијата дека животното осигурување е луксуз, а не потреба. Сметам дека животното осигурување е потреба за која секој поединец и секое семејство треба да е свесно.

Животното осигурување не е привилегија туку претставува одговорност кон себе и семејството. Куповната моќ може само да влијае на висината на годишната премија, меѓутоа никако и на тоа дали некој ќе склучи полиса за животно осигурување или не.

Сметам дека успешната продажбата на животното осигурување е врвот работата како продавач. Оној кој успешно продава животно осигурување може да продава било што и со тоа си ја обезбедил иднината и егзистенцијата.

Банкарство: Според досегашното Ваше искуство, кои се клучните фактори за успешна кариера кои би ги споделиле со нашите читатели?

Марко Дамевски: Основниот предуслов да бидете успешни во она што го работите е да ја сакате вашата работа. Само така со задоволство ќе се внесете во сопствената надградба, остварувањето не целите и задачите што секако е предуслов за напредок во кариерата.

Целосната посветеност на работата, доедукацијата во делот од работата кој го работите и истрајноста се едни од основните елементи за успех. Се разбира доколку дополнително знаете своите професионални соништа да ги претворите во професионални цели кон кои ќе се стремите, тогаш успехот ви е загарантиран.

Не се задоволувајте со просечноста. Имајте на ум дека секогаш можете и подобро и повеќе.

Банкарство: Во поголемите компании се почесто се случува организацијата да ги надградува и континуирано едуцира своите вработени, кои потоа како квалитетен и стручен кадар заминуваат во друга конкурентска компанија за повисока плата и други подобри услови. Ова пред се најмногу се случува кај добрите продавачи, па кажете ни каква е Вашата стратегија за едукација и надградба на својот тим, а притоа да успеете долгорочно да ги задржите во компанијата?

Марко Дамевски: Се согласувам со Вас во целост. Се разбира дека е тоа еден од главните проблеми, меѓутоа не само во големите компании туку општо.

Винер Лајф континуирано инвестира во насока на едукација, доедукација и финансиски стимулации за своите вработени. Сметам дека многу поголем проблем за флуктуацијата на кадарот е неследењето на квалитетните кадри од страна на менаџментот, атмосферата во компанијата и односнот кон секој вработен. Се разбира дека не можеме да го занемариме ниту
финансискиот фактор, меѓутоа флуктуацијата, односно лојалноста е прекомплексен проблем за да го гледаме само како финансиски.

Лојалноста е двонасочен пат. Доколку компанијата не покажува лојалност кон своите вработени, нема право ниту да очекува лојалност од нив.

Банкарство: Продавањето на производи и услуги е многу тешка и напорна професија, која има многу барања. Што точно барате од Вашите вработени и како може да се стане дел од Вашиот успешен тим?

Марко Дамевски: Не се согасувам дека продавањето на производи и услуги е многу тешка и напорна професија. Продажбата е најлесната и најубавата работа на светот, доколку ја сакате. Продажбата е професија која нуди безброј можности, која како и секоја друга професија може да се научи, иако постои вистина дека дел од квалитетите кои се потребни за добар продавач кандидатот ги
поседува или не ги поседува како карактерни црти.

Некои од тие квалитети се комуникативност, елоквентност, брзо размилување односно брзо и прецизно пронаѓање на адекватно решение за секој клиент, а за сите вештини кои еден добар продавач треба да ги поседува се грижи Винер Лајф со своите континуирани обуки за своите вработени.

Банкарство: Винер Лајф е релативно нова компанија, која на македонскиот пазар постои од 2010 година, но резултатите кои ги постигнува од година во година се импресивни. Кажете ни каде е позициониран Винер Лајф во моментов на македонскиот пазар и какви се Вашите очекувања во годините кои ни претстојат?

Марко Дамевски: Точно е дека Винер Лајф е на македонскиот пазар на животно осигурување од 2010 година и е единствена компанија која бележи континуиран раст секоја година од своето постоење. Тоа е затоа што растот на Винер лајф е строго контролиран, а се со цел нејзините осигуреници да бидат што е можно посигурни во своите инвестиции.

Планот за иднината на Винер Лајф секогаш ќе биде со пораст во однос на претходната година. За 2019 годината се поставени доста амбициозни цели, меѓутоа земајќи го во предвид тимот со кој располага Винер Лајф, како и работната атмосфера, немам никакво сомневање дека и ќе се оствари.

Business Man

Интервју со Јоцо & Богдан, креатори на мобилната апликација “BonusCard”

Објавено

на

Секој од нас, барем еднаш во животот бил револтиран поради фактот дека во секојдневието располагаме со 10-тина картички (за попуст, за собирање на поени, дебитни, кредитни картички, итн) кои ни зафаќаат драгоцен дел од паричниците. (more…)

Продолжи со читање

Интервјуа

Интервју РАДОЈКА ДИМИТРИЈЕСКА: Кредитот “СЕ ВО ЕДНО” е најактуелниот кредитен производ во моментов!

Објавено

на

Финансиското Друштво СН Финансии ДОО од Битола го промовираше кредитниот производ СЕ ВО ЕДНО, кој за мошне краток временски период успеа да стане еден од најактуелните кредитни производи за кој има голема побарувачка. (more…)

Продолжи со читање

Интервјуа

ИНТЕРВЈУ Букет Геречџи: Халкбанк е лидер во воведувањето нови технологии на банкарскиот пазар во Македонија

Објавено

на

На почетокот на тековната 2019 година, се обраќаме до банките во Република Македонија со цел објавување на очекувањата на водечките банкари во нашата земја од аспект на предизвиците со кои ќе се соочат Банките во периодот што следи. (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange