Европската централна банка ја поздрави иницијативата на некои од водечките банки во Европа да го истражи развојот на ривалскиот систем на плаќање што ќе ја доведе во прашање доминацијата на „Visa” и „Mastercard” и заканата од кинеските и американските „Big Tech“ компании.

Паневропската иницијатива за платни системи (Пепси), поддржана од дваесет француски и германски банки, ќе се обиде да ги процесира сите форми на безготовински трансакции.

ЕЦБ веќе долго време ја пласираше идејата за прекуграничена платен систем, кој би можела да преземе големи брендови, но досега без успех.

Говорејќи на самитот на централната банка во Брисел, членот на Управниот одбор на ЕЦБ, Беној Куре изјави: „Евросистемот ја поздравува стратешката иницијатива на големите европски банки за создавање вистинско паневропско решение за плаќање во малопродажбата што може да ја исполни визијата на нашата стратегија. Предложеното решение би се засновало на шемата на Sepa (SCT Inst) за брз трансфер на кредити, што според наше мислење е вистинскиот пристап бидејќи е ориентиран кон иднината и може да се искористи од првиот ден на постојните моќни и софистицирани модели на инфраструктура, како што е Евросистемот (TIPS).“

Беној Куре ги повикува банките што ја поддржуваат шемата да изготват јасен патоказ, се со цел да може наскоро да се започне со оредени активности.

Тој, исто така, сугерира дека централните банки го зголемуваат своето истражување за развој на дигитална валута.

„Дигиталната валута на централната банка може да донесе сигурност дека граѓаните ќе продолжат да користат пари од централната банка, дури и ако готовината не се користи повеќе“, вели членот на Управниот одбор на ЕЦБ. „Дигиталната валута од ваков вид може да има многу форми, чии придобивки и трошоци, ЕЦБ и другите централни банки во моментов ги истражуваат, со оглед на нивните пошироки импликации за финансиско посредување“, додаде за крај Беној Куре.