Американскиот бизнисмен и автор на бестселерот „Богат татко, сиромашен татко“, Роберт Киосаки, сподели инвестициски совети за инвеститорите кои деновиве бараат квалитетни инвестиции.

Киосаки, еден од најпознатите светски деловни едукатори, верува дека биткоинот напредува доста добро во последните неколку недели и предвидува дека оваа инвестиција би можела да биде „најбрзиот коњ во трката“.

„Златото порасна за 30 проценти во 2020 година, „S&P” само 3 проценти. Среброто е сè уште најдобро, сè уште 30 проценти под својата историски највисока вредност и најдобро во смисла на тоа дека е ограничено во количина, се користи во индустријата и сè уште е прифатливо за оние со помали буџети. Биткоинот е заспан. Очекувам дека тој ќе стане најбрзиот коњ“, изјави Киосаки.

Постојат заговорници и тези кои тврдат дека биткоинот веќе станал најдобра инвестиција, бележејќи раст од 70% од почетокот на годината. Ваквиот став го делат поранешниот директор за продажба на „Goldman Sachs”, Раул Пол, кој изјави дека биткоинот е подобра инвестиција од златото.

„Всушност, тоа е единствениот имот што расте. Овие не се ниту акции, ниту обврзници, ниту руди, ниту скапоцени метали… Единствената предност што ги надминува сите други во однос на перформансите е биткоинот. Дури мислам дека ова е единствената инвестиција на која треба да се фокусираме на долг рок“, изјави Пол.

Раул Пол верува дека биткоинот еден ден ќе достигне вредност од 100.000 долари.