Connect with us

Анализи

Инвеститорскиот ден ги однесе акциите на Македонска берза во зелена зона

Објавено

на

Кризата предизвикана од вирусот Ковид-19 полека но сигурно се наминува, а за Македонската берза може да се каже дека таа е веќе минато. Акциите кои котираат на берзата ја стабилизираа својата вредност, по високиот пад што го бележеа додека коронавирусот енормно ги рушеше сите светски берзи, вклучително и нашата.

Довербата кај инвеститорите е вратена, а дополнително се зголеми и бројот на нови инвеститори, пред се благодарение на „Инвеститорскиот ден” кој го организираше Македонска берза по повод одбележувањето на 25 години од основачкото собрание.

На „Инвеститорскиот ден“ се склучија вкупно 339 трансакции, а вкупниот промет од тргување во БЕСТ системот надмина 1 милион евра, односно изнесува повеќе од 63 милиони денари, што е пораст од 4 пати во споредба со просечниот дневен промет во БЕСТ во последниот квартал кој изнесува 15,3 милиони денари.

На последниот ден за тргување на Македонска берза, воедно и „Инвеститорскиот ден“, најголем пораст на вредноста забележаа акциите на ТТК Банка АД Скопје, зголемувајќи ја вредноста за 4,34 проценти, пред акциите на Гранит АД Скопје, кои забележаа пораст на вредноста од 2,97%.

Солиден пораст на вредноста забележаа и акциите на Макпетрол АД Скопје од 1,76%, а пораснаа и акциите на Алкалоид АД Скопје за 0,93%.

Минимален пораст на вредноста забележаа акциите на Македонски Телеком АД – Скопје, УНИБанка АД Скопје и Стопанска банка АД Скопје.

Минимален незначителен пад на вредноста забележаа банкарските акции на Комерцијална банка АД Скопје, НЛБ Банка АД Скопје и Стопанска банка а.д. Битола, кои ја намалија вредноста за 0,96%, 0,54% и 0,06 проценти соодветно.

Според официјалниот среден курс на Народната банка на Македонија, денеска денарот спрема еврото има вредност од 61.6950 денари.

Курсот на денарот спрема доларот е на ниво од 52.1381 денари, британската фунта изнесува 67.5591 денари, додека пак швајцарскиот франк е 57.2522 денари.

Анализи

Finance Think: Кризата предизвикана од КОВИД-19 најмногу ги погоди граѓаните со ниски приходи

Објавено

на

Кризата предизвикана од Ковид-19 силно ги погоди нискодоходовните групи граѓани кои најчесто работат на нископлатени работни места или се дел од неформалната економија, примаат социјални трансфери или дознаки од странство. (more…)

Продолжи со читање

Анализи

Главни акценти за периодот јануари – септември 2020 година на Македонска берза

Објавено

на

Вкупниот берзански промет по сите основи од почетокот на годината до 30 септември изнесува околу 113 милиони евра, што претставува зголемување од 24% наспроти истиот период лани кога изнесуваше 91 милиони евра. Во тие рамки прометот со акции во БЕСТ системот во овој период изнесува околу 78 милиони евра и е за 78% поголем во однос на истиот период 2019 година. (more…)

Продолжи со читање

Анализи

Пораст на побарувачката за кредити за здравствени потреби, но и зголемување на понудата на „здравствени” кредити

Објавено

на

Ковид кризата влијаеше многу негативно врз голем дел од граѓаните кои останаа без својата работа или драстично им беа намалени месечните приходи. (more…)

Продолжи со читање

Популарно