Акциите на Комерцијална банка со месеци наназад се убедливо најатрактивните акции за инвеститорите на Македонска берза.

Но, изминатиов период нивната атрактивност дополнително се зголемува, пред се поради солидниот раст на вредноста на акцијата, поради се почестото зголемување на акционерскиот капитал во Банката од страна на водечките банкари, како и поради најавата за солидна дивиденда којашто треба да ја исплати банката во наредниот период.

Сепак, има ли нешто дополнително што инвеститорите го знаат, а ние обичните граѓани не!?

Во текот на вчерашниот ден во двe блок-трансакции со вкупна вредност од 126,3 милиони денари или околу 2 милиони евра, на Македонска берза се продадоа 15.590 акции на Комерцијална банка АД Скопје.

Во првиот блок се продадоа 15.152 акции по цена од 8.100 денари за акција во вреденост од 122,7 милиони денари, додека пак во вториот блок вреден 3,5 милиони денари се продадоа 438 акции по цена од 8.200 денари по акција.