Американскиот милијардер и Главeн извршен директор на компанијата „Tesla”, Илон Маск продаде акции од својата компанија за 6,9 милијарди долари. Ова е најголемата продажба досега за да се избегне распродажба на акции во последен момент во случај да биде принуден да продолжи со договорот за купување на „Twitter”.

Главниот извршен директор на „Tesla“ на 5 август продаде околу 7,92 милиони акции, а по повод шпекулациите за причините за продажбата на акциите, Маск преку социјалните мрежи изјави дека сакал да спречи панична продажба на акции доколку тој беше принуден да го заврши преземањето на „Twitter” за 44 милијарди долари од кои се откажа минатиот месец.

На прашањето на неговите следбеници на социјалната мрежа дали завршил со продажбата на акциите на „Tesla“ и дали повторно би ги купил доколку не се склучи договорот за преземање на „Twitter”, тој кратко одговори: „Да“.

Продажбата доаѓа само четири месеци откако Маск, најбогатиот човек на светот, изјави дека не планира да продава повеќе акции во компанијата што ја изгради во глобален лидер во електрични возила, откако претходно располагаше со акции во вредност од 8,5 милијарди долари по неговата првична понуди за купување на „Twitter”.

Оттогаш, акциите на „Tesla“ закрепнаа од најниските падови што ги достигнаа во мај, помогнати од општиот нагорен тренд на акциите на Волстрит.