Извршниот директор на „Tesla”, Илон Маск, би можел да стане првиот трилионер во светот благодарение на неговата компанија „Space-X”, смета аналитичарот Морган Стенли.

Маск во моментов е втор најбогатиот човек во светот со имот вреден 151 милијарда долари, веднаш зад лидерот Џеф Безос чиешто богатство се проценува на 177 милијарди долари.

Најголем дел од богатството, Илон Маск и го должи на својата компанија „Tesla”, која произведува електрични автомобили, но благодарение на подемот на „Space-X” во вселенското истражување и вселенскиот туризам, прашање на време е кога ќе стане првиот билионер во светот и убедливо најбогат човек, предвидуваат аналитичарите.

Морган Стенли, аналитичар во финансиската корпорација „Adam Jones”, рече дека од самиот почеток во 2002 година, „Space-X” ги поместува границите и роковите на можното, кога станува збор за ракети, возила за лансирање и инфраструктура.

„Ниту еден клиент не вели дека ако Илон Маск стане првиот билионер, тоа нема да биде поради „Tesla”. Но,многумина сметаат дека „Space-X” ќе стане највредната компанија во светот, во кој било индустриски сектор“, вели Џонс во неговата анализа за „SpaceX Escape Velocity… Кој може да ги фати?“.

„Space-X” го трансформираше начинот на кој светот го гледа вселенското истражување. Летовите во вселената, кои досега беа реткост и за кои требаше долго време да се подготват и да имаат многу среќа, во последните неколку месеци станаа уште една забава за богатите и влијателните. Ова во голема мера се должи на „Space-X”, бидејќи таа компанија беше првата што излезе со идеја за ракети кои можат да се користат повеќе од еднаш.

Ваквите ракети сега речиси станаа реалност, така што цената на летовите во вселената е значително помала, во рамките на буџетот на најбогатите.

Џонс верува дека „Space-X” може да биде лидер во многу ниши, без разлика дали се работи за вселенска инфраструктура, истражување на вселената или набљудување на Земјата.

Проектот за сателитски интернет „Starlink” исто така ќе биде клучен за растот на компанијата.

Џонс проценува дека „Space-X” вреди 200 милијарди долари. Маск поседува 48 проценти од компанијата.