Connect with us

Останато

ИКТ заедницата порачува: со здрава дигитализација до економска стабилност

Објавено

на

Теми поврзани со динамичната сегашност Internet of things, Cloud services, Cyber Security … преовладаа на настанот, а во правец на подобро позиционирање на македонскaта ИКТ индустрија на светскиот пазар и зголемување на можноста за уште поголем извоз на ИКТ услугите.

,,Конструктивни решенија за здрава и ефикасна дигитализација на сите бизнис и општествени процеси се најдобриот начин за подобрување на економската, социјалната и општата состојба во државата” – е клучната порака на коференција на МАСИТ: „Дигитална трансформација во Македонија, предизвик или реалност?“.

Конференцијата ја отвори Горан Попоски, Претседател на Управен Одбор на МАСИТ, кој во своето обраќање се осврна на одговорноста на МАСИТ да ги поттикнува сите страни: бизнис, регулатива и граѓански сектор кон дигитална трансформација која ја исполнува преку проекти и промени. Но, исто така потенцираше дека ова значи и промена на начинот на живеење.

Министерот за информатичко општество и администрација Дамјан Манчевски, во улога на клучен говорник на конференцијата истакна дека ,,дигиталната трансформација е пред се процес на реформа на која резултатот треба да е прогрес. Тоа се однесува на корпоративниот сектор но и администрацијата која пред се треба да е сервис и клиент ориентирана. Во моментов Владата работи на национален портал за електронски услуги за физички лица и бизниси, каталог на услуги за добивање на услуги на едно место, акдемија за cyber безбедност, усвојување на стратегија за отворени податоци и други проекти за трансформирање на  општеството,,.

Амбасадор на Кралството Холандија во Република Македонија  – Вилем Ваутер Пломп во рамки на официјалното отварање се обрати до ИКТ заедницата со порака: ,,лесен влез пазарот, леснотија на работа и комуницирање и врвни кадри веќе привлекоа холандски инвеститори за влезат на македонскиот пазар. Направивме и студија за ИКТ можности за развој на регионот која ќе ја презентираме на меѓународен пазар. Ова е само еден од многуте докази за важноста на овој регион и пазар,,.

Во рамки на трите сесии Internet of Things, Cloud computing cyber security, претставници од ИКТ индустријата ги претставија своите активности, проекти и успешни приказни на овие теми. На конференцијата присуствуваше и Антонис Монокрусос – висок претставник од групацијата Oracle, кој го заокружи воведниот панел со поентата дека живееме во извонреден трансформативен процес на 4тата индустриска револуција која наметнува промени во нашето однесување, комуницирање, едуцирање и работење, процеси кои се присутни и во нашата земја.

На конференцијата се изнесоа поенти кои понаму ќе водат кон позитивни процеси за промени во сите општествени сфери.

Стопанската комора за информатички и комуникациски технологии – МАСИТ, работејќи во насока на интересите на македонските ИКТ компании, постојано ги следи актуелните и светските трендови кои ги адресира преку низа на проекти и настани дискусии и промени во ИКТ дејноста и глобализирање на домашната индустрија.

Останато

На повикот “СтартАПувај“, финансиран од ФИТР и Светската банка се пријавиле 186 компании

Објавено

на

Во Фондот за иновации и технолошки развој беа презентирани првичните резултати по завршената административна проверка на пристигнати апликации на јавниот повик за инструментот „Кофинансирани грантови за новоосновани трговски друштва старт ап и спин оф – СтартАПувај“, финансиран од ФИТР и Светската банка. (more…)

Продолжи со читање

Останато

Уапсени членови на меѓународна група која ограби сефови во две македонски банки

Објавено

на

Обвинителството за организиран криминал отвори истрага против седуммина осомничени за ограбување сефови во две македонски банки, објави Сакам да кажам. (more…)

Продолжи со читање

Останато

Потпишан меморандум за соработка помеѓу ЗВРМ и ИОРРМ

Објавено

на

На 09-ти Јануари 2019 година, Здружението на Внатрешни Ревизори на Македонија (ЗВРМ) и Институтот на овластени ревизори на Република Македонија (ИОРРМ) потпишаа Меморандум за соработка, со кој се потврдува взаемната соработка за подигнување на професијата Внатрешен Ревизор и Овластен Ревизор на повисоко ниво, промовирање на стручноста, знаењето и професионалноста на своите членови. (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange