Македонија Осигурување АД Скопје – Виена Иншуренс груп преку соопштение на Македонска берза ја известува јавноста за измени во органите на управување и раководење.

„Поради исполнување на услови за старосна пензија мандатот на Ристо Секуловски, член на управниот одбор на Друштвото, престана на ден 30.06.2022 година. Поради престанок на мандатот на Секуловски, Надзорниот одбор на Друштвото пристапи кон избор на нов член на Управниот одбор, при што за член на одборот е избрана Татјана Димов”, се вели во соопштението на Друштвото.

Мандатот на Татјана Димов започнува по добивање на соодветна согласност од страна на Агенција за супервизија на осигурување и по уписот на предметната промена во Трговскиот регистар што се води при Централниот Регистар, информираат од компанијата.

Управниот одбор на Македонија Осигурување АД Скопје – Виена Иншуренс груп во моментов го сочинуваат:

• Бошко Андов – Претседател на Управен одбор;
• Весна Ѓорчева – Член на Управен одбор;
• Татјана Димов – Член на Управен одбор;