Извршниот директор на „Apple“, Тим Кук влезе во клубот на милијардери, откако вредноста на акциите на технолошката компанија продолжува да ја зголемува својата вредност.

Пазарната вредност на „Apple“ е во пораст по силните деловни резултати и оптимистичките прогнози за технолошкиот гигант.

Кук лично поседува 847.969 акции и заработи повеќе од 125 милиони американски долари како дел од пакетот за плати и приходи во фирмата.

Минатата недела, основачот на „Facebook”, Марк Зукерберг, забележа зголемување на личното богатство на над 100 милијарди долари.

Технолошките компании, вклучително и „Apple“, „Facebook“ и „Amazon“ бележат раст на профитот за време на пандемијата на коронавирусот, бидејќи сè повеќе луѓе се свртуваат кон комуникација преку Интернет и бизнис.

„Apple“, со седиште во Силиконската долина, сега е на прагот на историски рекорд да стане првата компанија чијашто вредност се проценува на два трилиони долари. Пред две години „Apple“ стана првата компанија со проценета вредност од трилион (1.000 милијарди) долари, пренесува „BBC”.