Connect with us

Business Man

Извршниот директор на Тиго Фајнанс Филип Димитровски, говорник на глобалната конференција “Istanbul Fintech Week”

Објавено

на

Оваа недела, од 9 до 13 ноември, се одржува второто годишно издание на глобалната конференција “Istanbul Fintech Week”.

Настанот годинава се одржува целосно онлајн, а стотина експерти, претприемачи, професионалци и претставници од меѓународните финансиски организации од поширокиот ЕМЕА регион се сретнуваат да дискутираат и разменуваат искуства за важните теми од индустријата и технолошкиот напредок во областа на финансиската иновација. Второто издание на овој глобален настан, во своите 5 конференциски дена ќе ги покрие сите области на финансиската иновација, а главните теми за дискусија се плаќања, блокчејн технологии, дигитално банкарство, „Insurtech“ и вештачка интелигенција во финансиите.

На вчерашниот трет конференциски ден, учество зеде извршниот директор на Тиго Фајнанс, Филип Димитровски, кој заедно со Корej Бахар од компанијата Фигопара, под модераторство на Даниел Бузас од Европската банкарска федерација, на сесијата „Кредитирање од Финтек“, дискутираа за клучните трендови на пазарот , предизвиците и можностите при кредитирање на физички лица и мали и средни компании, диференцирање на услугите понудени од страна на традиционалните финансиски институции и небанкарските финансиски друштва кои користат Финтек, како и поставеноста на регулаторната рамка во локалните економии. Неизоставен дел од дискусијата беше и влијанието на пандемијата со Ковид-19 врз Финтек компаниите.

Во неговото обраќање, Филип Димитровски направи осврт на моменталната состојба, истакнувајќи дека потребата од услугите кои ги нудат небанкарските финансиски друштва кои користат Финтек е евидентна за што сведочи и нивниот континуиран раст во пазарниот удел и вкупното кредитно портфолио. Дополнително, тој се осврна и на важната улога која ја имаат небанкарските финансиски друштва во заздравувањето на економијата, бидејќи овозможуваат подобрување на куповната моќ на населението и обезбедуваат финансиска инклузија и пристап до финансии преку одговорно кредитирање.

На крајот, тој посочи дека за континуиран развој на Финтек индустријата, потребно е еквивалентен развој на регулаторната рамка и отворање на можностите согласно потребите на Финтек индустријата, како што се пристап до податоци, вклучување на небанкарските финансиски друштва во платните системи, полесен пристап до локални извори на финансирање, со крајна цел – да се обезбеди соодветен развој на Финтек индустријата во интерес на граѓаните и економијата во целост.

Во поширок контекст, присуството на претставник од нашата земја на ваков престижен настан ги истакнува заложбите на бизнис заедницата за континуиран напредок и развој на Финтек индустријата во нашата земја, претставувајќи ги можностите кои ги нудат небанкарските финансиски друштва кои користат Финтек, како извор на алтернативно финансирање и финансиска инклузија на граѓаните и компаниите.

„Istanbul Fintech Week останува да биде центарот на вниманието кога станува збор за развојот на екосистемот на финансиска технологија и иновации во регионот, благодарение на експертите и лидерите од локалните и од глобалните пазари, од кои едниот е Филип Димитровски од Тиго Фајнанс. Во текот на овие 5 дена, со различни теми на дискусија за Финтек, практичарите од различни сектори дискутираат за моменталниот статус и иднината на иновативните финансиски услуги. Настанот поздравува повеќе од 100 говорници од 30 земји, а ФИНТР, првата и единствена Финтек асоцијација во Турција, е главниот партнер на настанот.“ – изјави Демет Зубејролу, претседател на ФИНТР.

Повеќе информации за Istanbul Fintech week се достапни на www.istanbulfintechweek.com.

Business Man

Илон Маск го зголеми своето богатство за 10 милијарди долари!

Објавено

на

Богатството на сопственикот на компанијата „Tesla“ – Илон Маск, на крајот на минатата недела се зголеми за 9,9 милијарди долари, објави реномираниот магазин „Forbes“. (more…)

Продолжи со читање

Business Man

Ворен Бафет се приклучи во клубот на групата на најбогати луѓе со повеќе од 100 милијарди долари

Објавено

на

Американскиот милијардер Ворен Бафет се приклучи на групата луѓе чиј имот се проценува на повеќе од 100 милијарди долари, објави списанието „Forbes“. (more…)

Продолжи со читање

Business Man

Како Илон Маск стигна до првиот милион!?

Објавено

на

Кога заплива во менаџерските води и бизнис секторот, како млад претприемач, на 25-годишна возраст Илон Маск заедно со неговиот брат Кимбал и пријателот Грег Кири ја основаа компанијата „Zip2″, компанија којашто на медиумските куќи онлајн им продаваше градски карти (мапи) со водичи и рекламен материјал. (more…)

Продолжи со читање

Популарно