Connect with us
P2_P_MK_1600x400

Лични финансии

БИЗНИС БАР: Зошто да се разбудите и да го почнете денот во 5 часот наутро?

Објавено

на

Има чудно чувство на задоволство кога знаете дека денот ви започнува кога повеќето луѓе сè уште се во кревет. Затоа, станете рано, развијте рутина и фокусирајте се на продуктивноста.

Оставањето на удобностите од вашиот кревет ќе бидат тешки првите неколку недели. Сепак, со време тој почетен умор ќе исчезне и ќе почнете да се чувствувате навистина одлично.

Ќе забележите позитивни влијанија во вашето здравје, умот, финансиите, комуникацијата, расположението и кариерата. Откако ќе ја стекнете оваа рутина која навистина може да ви помогне во овие области од вашиот живот, будењето во 5 часот наутро ќе го промени вашиот живот.

Подготовка за утринска рутина

Без разлика дали целта ви е да ја зголемите продуктивноста или не, ќе ви треба план за утрото пред да се вклучи алармот.

Секоја ноќ правете неколку основни работи за да се подготвите за успех и продуктивност за утрото што претстои:

  • Измијте ги сите садови
  • Спакувајте го ручекот за работа
  • Наредете ги предметите за појадок на подостапно место
  • Подгответе ја облеката што ви е потребна за вежбање и работа
  • Направете преглед на изминатиот ден и подгответе ги клучните приоритети за следниот – на лично и професионално поле

Со тоа што ќе знаете што точно ќе правите по будењето, ќе добиете ментална предност над алармот. Додатно, ќе бидете попродуктивни и ќе го максимизирате ограниченото време.

Без вообичаени одвлекувања на внимание

Во раните утрински часови нема да се соочувате со вообичаените дневни одвекувања на вниманието, како емаил пораки, телефонски повици или разговори кои го преплавуваат вашиот  ум со потребите и барањата на другите.

Утрото ќе стане време посветено на вас и вашите приоритети. Ќе имате време да ги правите работите што навистина ги сакате. Може да читате, вежбате или да бидете во тек со најновите вести и случувања во областа во која делувате или ве интересира.

Издвојувањето на ова лично време во раните утрински часови ќе ви даде енергија и фокус во текот на целиот ден.

Повеќе активно време

Наместо будење во 7 часот наутро,  доколку се будите во 5 часот за време на работниот век од 30 години, ќе имате на располагање додатни 15.600 часа, што е 650 дена или скоро 2 години.

Ова време може да ви помогне да обратите внимание на вашите секојдневни активности и да размислите за вашиот правец на работење и напредок во животот.

Подобро спиење

Кога ќе се будите секојдневно во 5 часот наутро, кога ќе дојде време за спиење ќе бидете веќе исцрпени и ќе заспиете полесно. Повеќе нема да имате потреба да работите пред спиење и да легнете загрижени за сè што треба да направите наредниот ден. Ќе знаете дека ќе се разбудите рано и ќе имате два или три часа за доорганизирање и планирање.

Можеби ќе спиете помалку часови од вообичаеното, но ќе се чувствувате подобро поради подлабокото спиење. Покрај подлабокото спиење, намалениот стрес ќе доведе до повисоко ниво на задоволство во вашиот живот.

Текстовите авторски се пишувани на веб страната biznisbar.mk и се објавуваат на веб страната bankarstvo.mk како дел од соработката помеѓу Бизнис Бар и Банкарство.

LinkedIn – Бизнис Бар

Instagram – Бизнис Бар

Facebook – Бизнис Бар

Лични финансии

Што прават успешните претприемачи секој ден пред работа

Објавено

на

Ноќните бувови може да бидат креативни, но раните станувања се побогати и попродуктивни. Претприемачите кои сакаат да го направат тоа треба да ги прескокнат доцните ноќни сесии и да почнат рано во денот за да им помогнат на своите компании да растат. (more…)

Продолжи со читање

Лични финансии

Ако сакате да бидете успешни ќе мора да се одвикнете од овие шест навики

Објавено

на

Сите сакаме да бидеме успешни, но не сакаме да се соочиме со тоа што не спречува во реализирање на сонот. Кои се грешките и пречките кои ни застануваат на нашиот пат кон успехот и што треба да правиме со нив? (more…)

Продолжи со читање

Лични финансии

Зошто повеќето луѓе се сиромашни според Паркинсоновиот закон?

Објавено

на

Паркинсоновиот закон (закон заснован на искуството на британските владини агенции) е еден од најпознатите и најважните закони што се користат при управувањето со парите. (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange