Connect with us

Форекс

Зошто биткоинот повторно безглаво ја зголемува вредноста?

Објавено

на

На почетокот на корона кризата, се чинеше дека биткоинот е најголем губитник. Од средината на февруари до средината на март, неговата цена падна за повеќе од 50 проценти – на само 4,9 илјади долари. По кратка фаза на опоравување, цената долго време беше близу до границата од десет илјади долари, се до пред неколку недели, пренесува „Deutsche Welle“.

Во меѓувреме, најпознатата криптовалута не само што успеа да ја надомести драстичната загуба од пролетта, туку нејзината цена се зголеми за повеќе од 53 проценти од почетокот на септември. Само во октомври, биткоинот ја зголеми вредноста за околу 30 проценти, за својот 12-ти роденден.

Вредноста на биткоинот порасна на речиси 16.000 долари минатиот петок. Така, биткоинот достигна највисока цена од јануари 2018 година. Во декември 2017 година, биткоинот достигна рекордни 20.000 долари. После тоа, курсот драстично опадна и тоа беше крајот на растот.

Сега ситуацијата околу вредноста на биткоинот повторно е многу актуелна поради силниот раст од изминатите неколку денови, а има неколку можни причини за тоа.

Аналитичарот Тимо Емден рече дека поради неодамна неизвесниот изборен резултат во Соединетите Американски Држави (САД) и во потрага по алтернативни можности за инвестирање – некои инвеститори се насочија кон криптовалутите.

Тој смета дека инвеститорите на тој начин сакале да се заштитат од турбуленциите на берзата.

Сепак, експертот на „DZ-Bank” Сорен Хетлер во неодамнешната анализа напиша дека двигателот на развојот на биткоин е всушност надеж за нагло зголемување на побарувачката, а не толку како последица на изборите во САД.

Неколку инвестициски фондови на биткоини, како што е „Grayscо“, забележаа значителен прилив во последните месеци, а на крајот на октомври, во некои случаи, тие исто така забележаа рекордни вредности. И „Fidelity”, еден од глобалните играчи, основаше фонд за биткоини ова лето.

Покрај тоа, криптовалутите имаат корист од неодамна објавените планови на гигантот за платни услуги „PayPal” да прифати дигитални валути како платежно средство. Инвеститорите претпоставуваат дека овој чекор кон комерцијална употреба ќе му даде нов поттик за раст на биткоинот.

Како важни двигатели на ова зајакнување на криптовалутата, Хетлер исто така ја гледа политиката на негативни или нулта каматни стапки на централните банки и програмите за огромно трошење за време на пандемијата на Ковид-19 донесена од владите.

Според аналитичарот на „DZ-Bank” Сорен Хетлер тоа доведе до бран на ликвидност врз кој лебдат и криптовалутите. Ова може да го вклучи фактот дека оваа година има се повеќе млади луѓе кои влегле на пазарот и често тргуваат со биткоини и останати криптовалути.

Исто така, криптовалутите во моментов се тема на зголемена дискусија на ниво на централните банки. На пример, Европската централна банка (ЕЦБ) е скептична во однос на биткоинот, но размислува за воведување на дигиталното евро.

Форекс

Доларот во слободен пад, ослабе и во однос на еврото

Објавено

на

На девизните пазари, вредноста на доларот во однос на кошницата со валути падна на најниско ниво од април 2018 година, бидејќи се очекуваат нови стимулативни мерки во американската економија и затоа што инвеститорите се склони кон поризични инвестиции. Така, индексот на доларот, кој ја покажува вредноста на Американецот во однос на другите шест најважни светски валути, утрово се движи околу 91,30 поени, додека вчера во ова време тој беше 91,80 поени. (more…)

Продолжи со читање

Форекс

Македонска берза се приклучи во одбележувањето на Деновите на финансиска писменост

Објавено

на

Од 24 до 26 ноември годинава ќе се одржи четвртото издание на Деновите на финансиската писменост кое оваа година заради пандемијата ќе биде одбележано со бројни е-активности. (more…)

Продолжи со читање

Форекс

Вредноста на биткоинот ја премина границата од 18.000 американски долари

Објавено

на

Според порталот „CoinMarketCap“, кој ја пресметува просечната вредност на повеќе од 20 берзи, во 6:14 часот по средноевропско време, битконот пораснал за 9,78 проценти на 18.223 американски долари, додека најголемата берза за криптовалути „Binans“ ја зголеми вредноста за 9,95 проценти, на 18.328 американски долари. (more…)

Продолжи со читање

Популарно