Connect with us

Форекс

Злато има, но нема кој да го купи!?

Објавено

на

Започнувањето на конфликтот помеѓу Русија и Украина предизвика висок пораст на цената на нафтата, но покрај нафтата, висок пораст бележи и најблагородниот метал – златото.

Русија е една од земјите со најголеми резерви на злато кои бројат 2.300 тона злато кое е проценето на вредност од околу 140 милијарди долари, но попусто бидејќи нема купувачи за руското злато.

Овие огромни резерви се создадени во последната деценија и пол и беа наменети за економската безбедност на земјата. Но, исто како и во случајот со нафтата, санкциите ѝ отежнуваат на Русија да ја користи вредноста на своите резерви, пишува „Бизнис Инсајдер”.

„Токму ова е причината поради која купуваа злато, за ситуација токму како оваа денес”, изјави Фергал О’Конор, предавач на Универзитетот Корг, додавајќи дека ако никој не сака да тргува, овие резерви не значат ништо.

Минатата недела беа забранети сите златни плочки од руските рафинерии на лондонскиот пазар на злато, кој е најважниот центар за трговија со овие стоки во светот и на тој начин Русите беа успешно исклучени од глобалната трговија.

Сенатот на САД го следеше тој потег со нов закон кој ги спречува американските граѓани да вршат какви било трансакции со руско злато.

„Огромните златни резерви на Русија се меѓу ретките средства што Путин може да ги искористи за да спречи колапс на економијата на неговата земја“, рече сенаторот од Мејн, Ангус Кинг.

Тој во изјавата посочи дека со санкционирањето на овие резерви Русија сѐ повеќе се изолира од светската економија, а воената кампања на Путин, која станува сѐ поскапа, ќе станува сѐ потешка.

И без меѓународни купувачи, се чини дека побарувачката за злато на рускиот пазар е сѐ уште висока, барем според соопштенијата од Централната банка на Русија.

Минатиот вторник банката соопшти дека ќе го прекине редовното купување злато од кредитните институции за да не се натпреварува со побарувачката на домаќинствата во време кога луѓето се во трка да ги заменат пропаднатите рубљи за златни плочки.

Доколку валутата продолжи да паѓа во однос на американскиот долар, стратегот на „Credit Suisse Bank” Золтан Позсар изјави дека Русија може да ги искористи своите залихи за ефективно да се врати на златниот стандард, користејќи го како „сидро“ со продажба по фиксна цена во рубљи.

Форекс

Руската рубља ќе стане официјална валута во дел од украинските градови

Објавено

на

Градот Херсон во јужниот дел на Украина, за кој Русија тврди дека е под нејзина контрола, ќе премине кон користење на рубљата од 1-ви мај, објавија руски државни медиуми. (more…)

Продолжи со читање

Форекс

Доларот опасно му се приближува на еврото!

Објавено

на

Еврото утринава падна на најниско ниво во последните пет години од 1,05890 долари, откако руски „Газпром” соопшти дека ќе го прекине снабдувањето со гас за Полска и Бугарија. Падот под 1,06 долари за прв пат по пет години во однос на генерално силниот американски долар доаѓа поради зголемената загриженост околу енергетската безбедност и забавувањето на растот во Кина и Европа. (more…)

Продолжи со читање

Форекс

“ЦРНОТО ЗЛАТО” ПОВТОРНО РАСТЕ – Нов висок пораст на цената на нафтата

Објавено

на

Цените на нафтата рано утринава бележат нов висок пораст од шест проценти. Цените се вратија блиску до 110 долари за барел, поради тоа што вестите за мировните преговори меѓу Русија и Украина не се охрабрувачки. (more…)

Продолжи со читање


Популарно