“Ready, Set, Grow!” е темата на четвртата годишна конференција за електронска трговија во Македонија која годинава ќе се одржи со ограничено присуство, но и онлајн за останатите кои сакаат да бидат дел од конференцијата, но не успеаа да дојдат до билети за физичко присуство.

Традиционално, во организација на Асоцијацијата за е-трговија на Македонија, конференцијата ќе биде место каде мноштво врвни светски и домашни експерти од различни сектори поврзани со е-трговијата, преку предавања, панел дискусии и неформални разговори, ќе ја пренесат својата експертиза и искуство и ги споделат своите најуспешни тактики, искуства, стратегии и иновативни трендови од целиот екосистем на е-трговијата.

Во фокусот на четвртата годишна конференција за е-трговија ќе бидат 5 клучни теми:

1. Дигитализација и дигитална нација
2. Влијанието на Ковид-19 врз е-трговијата
3. Безбедни и иновативни е-плаќања – технологија, доверба и регулатива
4. Нови трендови во дигиталниот маркетинг
5. Улогата на жените во дигиталниот свет и е-трговијата