Connect with us

Колумни

Започнување на процесот на регулирање на криптовалутите

Објавено

на

Анонимноста што ја нудат крипто-валутите одамна им е позната на криминалците и терористите. Работејќи независно и настрана од будното око на Централните банки, крипто-валутите, како што е биткоинот, се пренесуваат директно од личност до личност и не можат да бидат попречени, ограничени, замрзнати, запрени, конфискувани или вратени назад.

По дефиниција, крипто-валутите се децентрализирани и затоа се исклучително тешки за контрола. Плаќањата и трансферите направени со криптовалути се надвор од контролата на банките и владите и го напаѓаат опсегот на монетарната политика.

Криптовалута е дигитално средство дизајнирано да работи како медиум за размена што користи силна криптографија за да обезбеди финансиски трансакции, да го контролира создавањето на дополнителни единици и да го потврди преносот на средствата. Денес има над 3.000 крипто-валути низ целиот свет, а Биткоинот е јасен лидер на пазарот.

Суштината на крипто-валутите е дека тие се потпираат на консензуална база на математички податоци, обезбедени со силна криптографија за која е потребна огромна компјутерска моќ за да се додаде во дигиталната книга каде што се зачувуваат информациите, познато како блокчејн. Тие се обезбедени со милиони компјутери кои постојано соработуваат едни со други.

Иако постојат многу различни крипто-валути, сите тие работат на истите основни принципи:

  • Децентрализирани се и не се потпираат на ниту една владина или регулаторна контрола;
  • Се потпираат на тоа дека ќе бидат надгледувани од “peer-to-peer control” (Услугата peer-to-peer (P2P) е децентрализирана платформа со која две лица комуницираат директно едни со други, без посредство од трета страна.)
  • Шифрирана е во безбедна низа податоци

Така, во свет каде што перењето пари е огромно и се поттикнува од застрашувачко ниво на софистицираност, крипто-валутите нудат совршено маскирање и служат за засилување на прашањето за нелегални текови на пари.

Што тогаш, може да се стори за да се наруши оваа навидум недопирлива валута?

Одговорот започна со новата 5-та Директива за спречување на перење пари, која земјите-членки на ЕУ имаа рок до 20 јануари 2020 година да ја спроведат во нивниот национален закон.

5-та Директива, како што е исто така познато, ќе донесе поголема транспарентност во финансиските трансакции за подобрување на борбата против перење пари и финансирање тероризам низ цела ЕУ. Заедно со неколку други цели, 5-та директива против перење пари ќе спречи ризици поврзани со употребата на крипто-валути за финансирање тероризам.

Поради недостаток на каква било владина регулатива и леснотијата со која може да се префрлаат пари без откривање, многумина се загрижени дека крипто-валутите им даваат на криминалците алатки за пренесување на недозволени средства низ целиот свет. Како резултат на овие проблеми и зголемувањето на популарноста на крипто-валутите, 5-та директива се обидува да додаде елемент на регулација и отчетност кон крипто-валутите и оние што ги користат.

Преку 5-та директива, виртуелните валути како што е Биткоин ќе имаат законска дефиниција. Платформите за виртуелни валути исто така, ќе станат регулирани субјекти во рамките на директивата. Ова значи дека тие ќе ги имаат истите обврски како и другите правни лица за спроведување на превентивни мерки и пријавување сомнителна активност. Додека многумина веќе спроведуваат должно внимание и пријавуваат сомнителни трансакции. Овие субјекти ќе треба да бидат регистрирани за цели на АМЛ и ќе бидат регулирани за цели на АМЛ на ист начин како и правните лица кои нудат финансиски услуги (и подлежат на истите регулаторни обврски за АМЛ). Ваквите промени ќе бидат значајни за релевантните деловни субјекти и веројатно значително ќе ги зголемат трошоците за регулаторна усогласеност.

Според 5-та директива против перење пари, субјектите треба да соберат информации не само за своите клиенти, туку и за други трети лица кои не се во директна врска со соодветните обврзани субјекти, како што се вистинските сопственици.

Една од најважните работи е тоа што даночните и националните власти исто така ќе можат да добијат информации од размената на виртуелни валути. За возврат, ова ќе им овозможи да ги поврзат адресите на виртуелните валути со идентитетот на сопственикот на виртуелните валути. Банкарските и сметките за плаќање ќе можат да се совпаѓаат со нивните соодветни сопственици на сметки, носители на полномошници и вистински сопственици, со што се намалува анонимноста.

На субјектите ќе им биде потрбна огромна и прилагодлива стратегија за спречување перење пари за да обезбедат усогласеност со прописите за АМЛ, вклучително и ефективен софтвер за спречување перење пари за да помогне во идентификување и следење на нелегалните средства.

Со оглед на тоа што Македонија не е членка на ЕУ, согласно тоа не беше подлежна на имплементација на оваа директива до 20 јануари 2020 година. Меѓутоа најавите се дека во наредниот период државата ќе започне усогласување со директивата, со што ќе се овозможи регулираност и многу поголема контрола на крипто-валутите.

Христијан Блажовски – специјалист за спречување перење пари

Колумни

Што се даночни раеви и како големите корпорации ги користат?

Објавено

на

Даночните приходи ја одржуваат цивилизацијата во живот. Но, не сите даночни обврзници играат според истиот пакет на правила. Со помош на адвокати, сметководители и разни професионалци, богатите и добро поврзани лица избегнуваат да плаќаат трилиони долари данок. Останатите ја покриваме разликата – вложувајќи ги нашите пари за изградба на патишта, училишта итн. Даночните раеви го овозможуваат сето тоа. Според некои проценки, околу 10 проценти од вкупното производство на сите економии во светот е сместено во офшор финансиски центри, кои ги држат “школки” компании кои постојат само на хартија. Трошоците за државите, во загубен приход, се проценува дека надминуваат 800 милијарди долари годишно. (more…)

Продолжи со читање

Колумни

Користење на технологијата за напредок

Објавено

на

Технологијата оди со огромни чекори напред. Постојано знаеме да кажеме или прочитаме дека истата ќе ни ги земе работните места. Да, вистина е технологијата можеби ќе замени голем дел од нашата физичкa работа, но тоа во иднина ќе ни овозможи да се фокусираме на работи кои што не можат да се автоматизираат. Тоа е начинот на размислување и визијата која што мора да не води напред. Ако немаме визија и ако не започнеме да вложуваме во себе промените ќе не водат нас, наместо ние да ги водиме нив. Затоа влогот во себе е влог во иднината. Доколку сакаме спремни да ја дочекаме иднината мораме да се посветиме на учење, а не само на генерално подобрување во одредени области. (more…)

Продолжи со читање

Колумни

Фискален стимул за заздравување, забрзан економски раст и фискална консолидација

Објавено

на

Минатата недела се одржа првата заедничка научна конференција на Министерството за финансии и Македонската академија на науките и уметностите (МАНУ). (more…)

Продолжи со читање

Популарно