Деновиве Винер Лајф претстави нова иницијатива за унапредување на развојот на млади и амбициозни кадри, кои сакаат да се стекнат со сертификат, вработување и напредување во кариерата во областите на менаџирање на продажбата на финансиски услуги.

Како општествено одговорна компанија, членка на Виена иншуренс груп со над 200 години традиција и 12 години присутност на македонскиот пазар, Винер Лајф помогнала на илјадници граѓани да ја испланираат и осигураат својата иднина, а сега одлучи дополнително да се посвети на помагање на сите заинтересирани лица, без разлика на образованието, кои би сакале да ја градат својата кариера во областа на продажба на финансиски услуги и менаџирање на продажбата.

Идејата за формирање на овој Тренинг центар потекна од среќавањето на сè поголемиот број заинтересирани и мотивирани лица кои се во потрага на работа во интернационални компании и финансиски услуги, но во текот на своето образовании немале можност да се стекнат и обучат со практични вештини.

Тренинг центарот ќе биде временски прилагоден за сите категории на граѓани и ќе биде воден од врвни ментори од областа на продажба и менаџмент од Винер лајф. Главен обучувач е Марко Дамевски, Менаџер за продажба во Винер лајф кој со своето 20 годишно искуство во овој домен, ќе им помогне на учесниците да се стекнат со вештини кои секој работодавач ги вреднува и наградува. Учесниците ќе се стекнат со практични бизнис вештини и знаења, како: презентирање на финансиски услуги, соработка и развој на релации со клучни клиенти, водење на продажниот процес и менаџмент на продажбата.

И што е најважно, сите учесници ќе добијат Сертификат, кој станува дел од нивното професионално портфолио и е од огромна важност и предност при потенцијални вработувања.

Најдобрите учесници на Академијата ќе добијат понуда за вработување, како дел од продажниот тим на Винер Лајф.

Сите заинтересирани може да се пријават со праќање маил со основни лични податоци (име, презиме, контакт телефон и е-маил адреса) и задолжителна назнака “Пријава за тренинг центар” на: kariera@winnerlife.mk најдоцна до 11.10.2022 година.

*Сите пријавени кандидати ќе бидат контактирани од страна на нашите кариерни ментори по завршетокот на датумот за пријавување со подетални информации во однос на местото и времето на одржување на обуката.

Винер Лајф ви стои на располагање за сите дополнителни прашања на: kariera@winnerlife.mk