Connect with us

НБРМ

Заедничка средба на претставници на членките на Стопанската комора на Македонија со гувернерката на НБРМ

Објавено

на

Во организација на Стопанската комора на Македонија, се одржа заедничка средба на претставници на компаниите членки на Комората со гувернерката на Народната банка на Република Македонија, д-р Анита Ангеловска-Бежоска.

На средбата беа разгледани повеќе прашања, меѓу кои и тековниот макроекономски амбиент и состојбите во банкарскиот систем. Имајќи го предвид значењето на макроекономската и финансиската стабилност при носењето на деловните одлуки и планови на компаниите, посебен акцент беше ставен на разгледувањето на последните очекувања на Народната банка во овој поглед, а особено на  макроекономското сценарио за периодот 2018-2019 година. Во овој контекст, гувернерката на НБРМ даде детален осврт на клучните претпоставки за надворешното окружување, коешто е особено важно за мала и отворена економија како македонската. Притоа, беше потенцирано дека глобалната економија и понатаму закрепнува, но со понагласени ризици во контекст на сè поизразениот глобален трговски протекционизам.

Во понатамошниот тек на дискусијата се разгледуваа проекциите на Народната банка во однос на економската активност, инфлацијата, надворешната позиција на економијата и кредитната активност на домашниот банкарски систем. Гувернерката истакна дека и овие последни проекции посочуваат на здрави фундаменти на економијата, со потенцијал за раст, без притисоци врз инфлацијата и девизните резерви, коишто се во сигурната зона. Поддршка на економијата се очекува и од банкарскиот систем, којшто и натаму е стабилен, ликвиден и добро капитализиран. На средбата беа разгледани и најновите економски и финансиски показатели, при што беше заклучено дека тековите се главно во согласност со очекувањата, со исклучок на економската активност којашто е послаба заради инвестицискиот пад и ја покажува потребата од побрзо и посилно ревитализирање на циклусот инвестиции. Посебно внимание им беше посветено и на можните внатрешни и надворешни ризици во периодот што следува.

Во вториот дел на средбата, гувернерката на НБРМ водеше плодна дискусија и со присутните претставници на членките на Комората, при што одговори и на бројни прашања упатени од нивна страна. На средбата беше укажано дека ваквата дискусија и отворен дијалог со гувернерката на централната банка е од исклучителна важност за подобро запознавање на бизнис-заедницата со видувањата на НБРМ, коишто се клучни при одлучувањето на централната банка, што потоа се одразува и на целокупната економија.

Оваа средба беше одржана заради унапредување на јавно-приватниот дијалог. Во завршницата на средбата, гувернерката на НБРМ, д-р Анита Ангеловска-Бежоска и претседателот на Комората, г. Бранко Азески, заеднички нагласија дека ваквите средби ќе продолжат и во иднина и дека дополнително ќе се работи на унапредување на соработката и комуникација меѓу централната банка на Република Македонија и бизнис заедницата.

НБРМ

НБРМ ја задржа каматната стапка на благајничките записи на нивото од 2,5%

Објавено

на

На 12 февруари 2019 година се одржа редовна седница на Комитетот за оперативна монетарна политика на Народната банка, на која беа разгледани клучните показатели за домашната економија и движењата на меѓународните и домашните финансиски пазари, во контекст на поставеноста на монетарната политика. (more…)

Продолжи со читање

НБРМ

Банкноти со “Република Северна Македонија” на почетокот од 2020 година

Објавено

на

Менувањето на банкнотите на кои ќе треба да стои новото име Република Северна Македонија ќе почне од идната година, соопштија од Владата која издаде серија на обврски со сите државни институции за почеток на примена на новото име. (more…)

Продолжи со читање

НБРМ

НБРМ усвои две стратегии за јакнење на финансиската стабилност во земјава

Објавено

на

Народната банка на Република Македонија (НБРМ) и Министерството за финансии, согласно со препораките во евроинтегративниот процес, интензивно продолжуваат со заедничките напори за натамошно зајакнување на финансиска стабилност во земјава. (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange