Connect with us

Форекс

Загребска берза значајно го зголемува уделот во Македонска берза!?

Објавено

на

Финансискиот регулатор на Северна Македонија ѝ одобри на Загребската берза да го зголеми нејзиниот удел во Македонска берза од 5,3 на 15,19 проценти со стекнување на 276 акции, објави Загребската берза.

Загребската берза (ЗСЕ) продолжува да се шири и на другите регионални пазари. Според ЗСЕ, Комисијата за хартии од вредност на Република Северна Македонија донесе одлука да и одобри на Загребската берза натамошна аквизиција на акции на Македонска берза.

Откако Загребската берза се здоби со удел од 5,3 проценти на македонскиот пазар на капитал на крајот на 2019 година, регулаторот таму позитивно ја оцени деталната документација доставена од Загреб и се согласи на понатамошно стекнување акции чиј вкупен кумулативен износ не надминува 20 проценти од вкупно издадени акции со право на глас. Така, Загребската берза има намера да го зголеми сопственичкиот удел на Македонската берза од 5,3 на 15,19 проценти со стекнување на 276 акции, или 9,89 проценти од акциите на Македонската берза, објави ЗСЕ на нејзината интернет страница.

Двете берзи соработуваат многу успешно многу години со размена на знаења и искуства, а интензивно од 2014 година, кога заедно со Бугарската берза беше основана компанијата SEE Link d.o.o. Скопје, во која трите берзи делат еднакви сопственички удели. Соработката дополнително се интензивираше во 2019 година, кога Македонската берза на хартии од вредност потпиша ексклузивен договор за соработка со хрватската компанија Funderbeam Југоисточна Европа д.о.о. (Funderbeam ЈИЕ), во која берзата во Загреб има третина од сопственоста и е дел од естонската фондација Funderbeam, која управува со платформа за финансирање стартапи.

Партнерството со Македонската берза на хартии од вредност на ова поле е едукативно и промотивно, со цел да им се презентираат на локалните компании можностите за собирање капитал преку оваа иновативна платформа со цел понатамошен развој на бизнисот и созревање до фазата на потенцијално котирање на берзата.

На почетокот на овој месец, двете берзи потпишаа договор за соработка во областа на едукативните услуги што ќе им ги обезбедува на учесниците од Македонија академијата на Загребската берза, а компаниите котирани на Македонската берза учествуваат на конференции за инвестиции организирани од Загрепската берза.

Ивана Гажиќ, претседател на Управниот одбор на Загрепската берза изјави: „Нашите два пазари се многу блиски. Консолидацијата е природен развој на патот не само за помалите, туку и на глобалните, големи пазари на капитал. Целта е да им се обезбеди на пазарите поголема видливост, а на инвеститорите и компаниите подобра и поекономична услуга и повеќе можности да инвестираме и да собереме капитал. Долги години успешно соработуваме со нашите колеги од Македонија и нашата намера е понатаму да ја продлабочуваме оваа соработка на заедничко задоволство и придобивка на двете економии”.

Форекс

Топ 5 акции со најголем пораст на вредноста во месец март

Објавено

на

Македонската берза го објави месечниот статистички билтен за месец март 2021 година.

(more…)

Продолжи со читање

Форекс

Кои акции на Македонска берза беа најинтересни за инвеститорите во март?

Објавено

на

Според податоците кои ги објави Македонската берза за периодот 01.03.-31.03.2021 година вкупниот промет изнесува 757.514.703 денари и е значително намален за високи 45,52% во однос на претходниот месец февруари. (more…)

Продолжи со читање

Форекс

Македонска берза повторно го продолжи бесплатното користење на eTrader за инвеститорите

Објавено

на

Одборот на директори на Македонска берза, на седницата одржана на 26.03.2021 година, одлучи продуктот на Берзата за т.н. електронско тргување преку Интернет (eTrader), што им е достапен на инвеститорите преку нивните брокери и којшто овозможува далечинско тргување на Берзата, да продолжи да се користи БЕСПЛАТНО заклучно со 30.06.2021 година. (more…)

Продолжи со читање


Популарно