Connect with us

НБРМ

Заврши успешниот седумгодишен мандат на Димитар Богов како гувернер на НБРМ

Објавено

на

Досегашниот гувернер на НБРМ и човекот на кој со години не можеше да му се забележи никаков израз на ликот, Димитар Богов, дури и кога соопштуваше најнепријатни вести, денеска попушти пред своите најблиски соработници со кои седум години соработуваше и со солзи во очите се збогуваше од нив.

Сега веќе поранешниот гувернер Богов, кој седум години успешно ја градеше макроекономската политика, својот мандат ќе го памети најмногу по двата силни негативни шока, а тоа се грчката должничка криза и домашната политичка криза којашто кулминираше со шпекулативниот напад на девизниот курс и стабилноста на банките. Сепак, со него на чело, НБРМ успеа успешно да ги преброди пред се поради неговата професионалност и голема посветеност кон работата вложувајќи се максимално.

„Во седумгодишниот период додека бев гувернер на Народната банка на Р.Македонија, просечната стапка на инфлација во Македонија изнесуваше 1,5 проценти, а во еврозоната 1,2 проценти, Девизниот курс на денарот во однос на еврото беше одржан на стабилно ниво, а покрај оние редовни турбуленции имавме и два силни шока. Првиот беше грчката должничка криза, а другиот домашната политичка криза што кулминираше со шпекулативниот напад врз денарот и стабилноста на банкарскиот систем. Тоа беше огромен тест за нас како Народна банка, но успешно го решивме во соработка со сите вработени” – изјави Димитар Богов на прес-конференцијата пред да ја предаде функцијата на новата гувернерка.

Кормилото на Централната банка од него го презеде довчерашната вицегувернерка Анита Ангеловска Бежоска. Бежоска беше избрана вчера едногласно, со поддршка од сите параламентарни партии, на предлог на претседателот Ѓорѓе Иванов. Сега веќе новата гувернерка на НБРМ, како прва жена гувернер утрово положи заклетва во Собранието. Таа кариерата ја градеше најпрво во Министерството за финансии, па во ММФ, а потоа во НБРМ како вицегувернер.

НБРМ

Објавен конкурсот за учениците по повод Светскиот ден на штедењето и Светскиот ден на осигурувањето

Објавено

на

Народната банка на Република Македонија (НБРМ), Министерството за финансии и Агенцијата за супервизија за осигурување (АСО) го објавија конкурсот за ученици од основното и средното образование, којшто веќе неколку години наназад е заедничка активност по повод одбележувањето на Светскиот ден на штедењето – 31 октомври и Светскиот ден на осигурувањето – 1 ноември. (more…)

Продолжи со читање

НБРМ

НБРМ: Известување за 30. сесија на Клубот на истражувачите

Објавено

на

Централна Банка

Ве известуваме дека на 30. сесија на Клубот на истражувачите што ќе се одржи на 26 септември 2018 година (среда) во просториите на Народната банка на Република Македонија, со почеток во 14 часот, ќе бидат презентирани следниве трудови:

  • „Финансирање на малите и средните претпријатија преку банкарскиот сектор во Република Македонија ‒ резултати од анкетно истражување“,  од авторите Тања Јакимова и Неда Поповска-Камнар и
  • „Трансмисискиот механизам на монетарната политика во Македонија преку каналот на преземање ризици: наоди од податоците од Кредитниот регистар“, од авторите Мите Митески, Ана Митреска и Михајло Васков.

Сите заинтересирани за присуство на оваа сесија на Клубот на истражувачите можат да го најават своето присуство најдоцна до 25 септември 2018 година (вторник) на е-адресата: info@nbrm.mk.

Напоменуваме дека зачленувањето во Клубот на истражувачите е од отворен карактер, за што можете да видите подетални информации на веб-страницата на Народната банка www.nbrm.mk, во делот Клуб на истражувачи.

Продолжи со читање

НБРМ

Редовна аукција за продажба на благајнички записи

Објавено

на

На 12 септември 2018 година, Народната банка спроведе редовна аукција за продажба на благајнички записи со примена на тендер со ограничен износ и фиксно утврдена каматна стапка од 2,75%. На аукцијата беа понудени благајнички записи на ниво од 25.000 милиони денари.

Побарувачката и реализацијата на благајничките записи изнесуваа 25.000 милиони денари и беа на ниво на понудениот износ.

Следната аукција на благајничките записи ќе се одржи на 10 октомври 2018 година.

Продолжи со читање
P2_P_MK_300x250
[ccpw id="39761"]

Популарно

Copyright © 2018 bankarstvo.mk. All Rights Reserved. Developed by Digital Orange