Connect with us

Колумни

е-KYC отвора ново поглавје во банкарството

Објавено

на

Користењето на мобилното банкарство донесе огромна новина во банкарството и истото со текот на годините се повеќе се зголемува кај секоја возрасна група, но дигиталната автентикација, позната и како електронски запознај го својот клиент (е-KYC), се очекува да отвори сосема ново поглавје.

Давателите на финансиски услуги кои се стремат кон дигитализација се соочуваат со дилема. Тие се должни да го потврдат идентитетот на клиентите со цел да ги исполнат регулаторните барања, но исто така се стремат и да донесат ново искуство поволно за клиентите, со цел да ги задржат постојните клиенти и да стекнат нови.

Затоа Е-KYC е процес кој ги решава и двата проблеми. eKYC ги потврдува дигитално клиентите се со цел да не мора да губат време во ескпозитурите. Технологијата го отвора патот за повеќе банкарски услуги на мобилни и електронски уреди. Основната цел на електронското KYC е да се намали употребата на физичка документација, простор за складирање на вакви записи и да се намалат трошоците и времето потребно за истите. eKYC дозволува поднесувањето да се случи во реално време. Ова го прави процесот рационализиран и помалку склон кон корупција во индустрии, како банкарство, финансии, телекомуникации, итн. Со верификација преку Интернет, потрошувачите можат да отворат нови сметки, да аплицираат за заеми преку Интернет, да извадат нови полиси за животно осигурување и да инвестираат во нови друштва за заеднички фондови преку електронските уреди, особено паметните телефони, во ера кога потрошувачите претпочитаат да комуницираат преку онлајн каналите.

Банкарските услуги минуваат низ брз процес на дигитална трансформација и дигитализација, што фундаментално ги смени деловните модели што ги користат банките. За финансиските институции, дигиталното банкарство може да помогне во намалувањето на трансакциските трошоци за 30-80 проценти. Постојат проценки дека кога банките усвојуваат нова напредна технологија, и покрај нејзините трошоци, профитот се зголемува непропорционално. Исто така, им овозможува на банките да интегрираат широк спектар на услуги.

Сега, луѓето треба да ги донесат сите лични документи во банка за да го потврдат својот идентитет кога сакаат да отворат сметка. Ова предизвикува потешкотии за банките да ја прошират својата потрошувачка мрежа или да обезбедат финансиски услуги бидејќи луѓето не сакаат да губат време во текот на сложените процедури за да отворат банкарска сметка или да добијат други банкарски услуги.

Бидејќи економската и социјалната активност мигрира преку Интернет и се повеќе станува посредувана од мобилните уреди, дигиталните платформи за лична карта станаа сè поважни за пристап до услуги и суштински елемент на модерната инфраструктура. Од околу 175 земји со воспоставен национален систем на лична карта, 161 се дигитализирани и 83 собираат биометриски податоци.

E-KYC е процес во кој субјекти бараат дигитален (и обично национален) систем за лична карта за да ги потврдат идентитетите на нивните клиенти и, во некои случаи, да ги преземаат основните информации за нив. За да бидат ефективни системите e-KYC, сепак, тие мора да бидат поддржани од робусна дигитална инфраструктура за лична карта со широко покривање.
Светска Банка ја дефинира дигиталната лична карта како „збирка на електронски заробени и зачувани идентитетски атрибути кои уникатно опишуваат лице во даден контекст и се користат за електронски трансакции. Обезбедува уверување дека личноста е таа за која се претпоставува дека е“.

Постојат неколку начини и технологии што може да се спроведат за да се изврши eKYC, скрининг за AML и верификација на идентитет преку Интернет. За финансиските институции кои се потпираат на документ – лична карта и биометриска верификација, процесот за верификација на идентитетот преку Интернет генерално се состои од неколку клучни чекори:

  • Оптичко препознавање карактери (OCR) за извлекување податоци од документот за лична карта
  • Потврдување на личната карта за да се осигура дека лична карта е валидна
  • Селфи слика и споредба со документ за лична карта за да се зголеми идентитетската сигурност

За реализација на ова потребна е обемна работа. Државите треба да воспостават систем каде што на граѓаните ќе им се издаваат електронски лични карти во кој што ќе бидат наведени основните податоци за граѓанинот.

Меѓутоа има едно место каде што овој систем полека станува реалност. Безбеден, автентичен идентитет е родово право на секој Естонец: пред новороденчето да пристигне дома, болницата издава дигитален извод на родени и неговото здравствено осигурување започнува автоматски. Сите жители на малата балтичка држава на возраст од 15 или повеќе години имаат електронски лични карти, кои се користат во здравството, електронското банкарство и купувањето, потпишување на договори, и многу повеќе покрај тоа – дури и да гласаат.

Ова претставува одличен почеток и можност за воведување на eKYC софтверот.

Христијан Блажовски

Колумни

“Кешот” останува крал за перење пари

Објавено

на

Речиси сите криминални активности даваат профит, честопати во готовина. Затоа криминалците бараат начини истите да се перат преку најразлични начини. Ова се спроведува од страна на транснационални групи на организиран криминал, без оглед на нивното етничко потекло или географската локација. Активностите за перење пари се толку раширени од релативно едноставна причина: Организираниот криминал е деловна активност која работи за финансиска корист. (more…)

Продолжи со читање

Колумни

НЕДЕЛА НА ДИГИТАЛИЗАЦИЈА: Дигитална трансформација – прашање на избор или фундаментална деловна стратегија

Објавено

на

Последната деценија докажа дека дигиталната трансформација е неопходност за едни, комерцијално привлечна за други – но во секој случај предизвикувачка за сите. Имајќи го ова во предвид, што мислите, што ја прави транзицијата полесна за некои компании од останатите? (more…)

Продолжи со читање

Колумни

Филип Симеонов: Ризикот од користење на ZOOM апликацијата во банкарскиот сектор

Објавено

на

Во моменти на изолација и рестриктивни мерки за движење и регуларно работење, дојдовме во ситуација во која сме приморани да работиме од дома и сите наши бизнис состаноци да ги одржуваме со употреба на некоја од новите технологии, односно преку теле-конференции и одржување на видео повици. На тој начин го продолжуваме текот на работењето и сме продуктивни колку што истото ни дозволува. (more…)

Продолжи со читање

Популарно