Connect with us

Останато

ЕК предвидува намалување од 8,7 проценти на годинешниот БДП на Еврозоната

Објавено

на

Економијата на ЕУ ќе го доживее најтешкиот пад од Втората светска војна во вториот квартал на 2020 година, се вели во мрачната прогноза на Европската комисија.

Годинава растот на БДП во Еврозоната се предвидува да се намали за 8,7%, но ЕК очекува веќе следната година БДП да порасне за 6,1%. За 27-те земји членки на ЕУ, Европската комисија предвидува пад на БДП за 8,3% оваа година, но пораст од 5,8% веќе следната година.

Европската комисија смета дека пандемијата на коронавирусот ја погоди европската економија повеќе од очекуваното, и дека патот до економското закрепнување е сè уште неизвесен, пред се поради обновените жаришта и зголемување на бројот на заболени од Ковид-19, што во одредени делови доведува до враќање на привремени рестриктивни мерки или до целосно затворање.

„Реалниот глобален БДП надвор од ЕУ ќе се намали за повеќе од 3 проценти во првиот квартал од оваа година, додека вториот квартал ќе биде многу потежок на глобално ниво, бидејќи повеќето земји ширум светот тогаш воведоа рестриктивни мерки за затворање“, изјави комесарот за економија на ЕУ, Паоло Џентилони, презентирајќи ја летната економска прогноза на Европската комисија.

Тој посочи на некои подобрувања во економската активност во Еврозоната кон крајот на јуни и почетокот на јули, но додаде дека има видливи разлики меѓу земјите-членки на ЕУ.

„Сите земји-членки ќе имаат пад  на економијата оваа година и закрепнување во 2021 година, но исто така, постојат големи разлики помеѓу рецесијата и закрепнувањето меѓу членките засновани на различни економски структури и последиците од пандемијата“, додаде Џентилони.

Според предвидувањата на Европската комисија се очекува значителен економски пад во Франција, Италија и Шпанија, додека пак поблага рецесија се очекува да ги зафати Германија, Холандија и Полска. ЕК додава дека инфлацијата кај членките на Еврозоната ќе остане релативно ниска оваа година, на ниво од 0,3%, додека веќе следната година се предвидува минимален раст од 1,1%.

Позитивни вести доаѓаат и од пазарот на трудот.

Од Европската комисија велат дека анализата покажала дека огромното намалување на работното време во земјите на ЕУ за време на пандемијата не доведе до драстично зголемување на невработеноста, што ја прави ЕУ различна од остатокот на светот, особено САД.

Останато

Пензионерите добиваат повисоки пензии за 6,8 проценти

Објавено

на

Со септемвриската пензија околу 330 илјади пензионери во државата добиваат повисоки пензии за 6,8 проценти, согласно новата методологија воведена со последните измени во Законот за пензиското и инвалидското осигурување, кои стапија на сила во март 2022 година. (more…)

Продолжи со читање

Останато

Годишната стапка на инфлација во Белгија 11,27 проценти, највисоко ниво во последните 50 години

Објавено

на

Годишната стапка на инфлација во Белгија се искачи на 11,27 проценти во септември, што е највисоко ниво во последните 50 години, покажуваат официјалните податоци. (more…)

Продолжи со читање

Останато

МФ: Владата обезбеди 250 милиони евра со поволни услови преку германски хартии од вредност

Објавено

на

Владата донесе одлука за издавање хартии од вредност на германскиот пазар, обврзница позната како „Namensschuldverschreibungen”, односно NSV, во износ од 250 милиони евра. Како што соопшти Министерството за финансии (МФ), средствата ќе се искористат за отплата на стари долгови кои доспеваат и за финансирање на буџетски потреби. (more…)

Продолжи со читање

Популарно