Connect with us

Business Woman

Екс министерката за финансии Нина Ангеловска повторно на чело на Асоцијацијата за е-трговија

Објавено

на

Поранешната министерка за финансии, Нина Ангеловска, повторно е на чело на Асоцијација за е-трговија на Македонија, функција која ја извршуваше пред да стане дел од Владата.

„По стапувањето на функцијата Министер за финансии, сите тековни ангажмани кои ги имав беа ставени во мирување. Една од нив беше и водењето на Асоцијација за е-трговија на Македонија. Со задоволство и подеднаква пасија и посветеност кон предизвиците, растот и развојот на е-трговијата се враќам како Претседател. Искуството дома и надвор, соочувањето со предизвиците низ годините, бавниот развој на е-трговијата и пасијата за е-трговијата како интегрален дел на дигиталната економија беа поттик за лансирањето на првата Асоцијација за е-трговија во 2017 година.

За речиси три години постигнавме многу. Ја кренавме свеста за значењето и потенцијалот на е-трговијата, придонесовме кон олеснување на патот за е-трговците, кон едукација и многу повеќе. Соработувавме со засегнатите владини институции за регулативата и олеснување на дел од административните процеси. Соработувавме и со меѓународните организации и заедно лансиравме повеќе проекти.

Еден од тие проекти е платформата “Е-трговија за сите” (ecommerce4all.mk), која на едно место ги сублимира сите информации за е-трговците кои им се потребни за започнување и работење е-трговија.

Асоцијацијата веќе брои речиси 100 членови од сите сектори поврзани со е-трговија (банки, компании за достава, маркетинг, ИТ и секако е-трговци) кои помагаат во идентификување на бариерите и заедно работат кон унапредување на е-трговијата.

Во 2018 година ја организиравме и првата конференција за е-трговија под мотото еТрговија: еИднината за еМакедонија!

Оваа година ја организираме третата годишна конференција за е-трговија на 25 и 26-ти ноември, на тема Е-трговија & COVID-19: Предизвици и можности!“, соопшти Ангеловска на својот Фејсбук профил.

Business Woman

Извршната Директорка на Триглав Осигурување – Живот, Вилма Учета Дузлевска, ја прими наградата „Business Elite Awards” бренд на „Global Top Brands Awards”

Објавено

на

Наградата за успешен бизнис лидер на настан организиран од познатата „Business Elite Awards” оваа недела во Истанбул, Турција на свечен церемонијален настан ја прими Вилма Учета Дузлевска, долгогодишен извршен директор и голем познавач во областа на осигурувањето. (more…)

Продолжи со читање

Business Woman

Маја Наумовска Савеска од Халкбанк ќе ја претставува нашата земја во стручното жири на КАКТУС 2021

Објавено

на

Помеѓу 15-те избрани маркетинг и креативни професионалци кои го сочинуваат регионалното стручно-жири на овогодинешното издание на КАКТУС фестивалот, што ќе одлучи за најдобрите проекти, кампањи, компании, институции и агенции од минатата година во соседна Србија, се наоѓа и еден претставник од нашата земја. (more…)

Продолжи со читање

Business Woman

Ангеловска дел од висок политички форум за одржлив развој на ООН

Објавено

на

Во понеделникот, во рамки на високиот политичкиот форум за одржлив развој, на тема „Одржливо и еластично закрепнување од пандемијата со Ковид-19 што ги промовира економските, социјалните и еколошките димензии на одржливиот развој: градење на инклузивен и ефективен пат за постигнување на 2030 Агендата во контекст на деценијата на дејствување и испорака на одржливиот развој”, се одржа интерактивна панел дискусија на која учествуваше и претседателката на АЕТМ и поранешната министерка за финансии – Д-р. Нина Ангеловска. (more…)

Продолжи со читање



Популарно