Connect with us

Странски банки

ЕИБ со 100 милиони евра го поддржува закрепнувањето од КОВИД-19 на малите бизниси во Северна Македонија

Објавено

на

За помош за побрзо закрепнување од пандемијата КОВИД-19, Европската инвестициона банка (ЕИБ) обезбеди 100 милиони евра на Развојната банка на Северна Македонија АД Скопје (РБСМ). Овие средства ќе бидат достапни под поповолни услови како непосредна поддршка на малите и средни претпријатија (МСП) и средните компании. Поддршката е дел од иницијативата Тим Европа и финансискиот пакет на ЕИБ за поддршка на обновувањето по КОВИД-19 на Западен Балкан.

Шемата ги поддржува малите бизниси во Северна Македонија, коишто работат во трудоинтензивни сектори, како производство и услуги, побрзо да се опорават од кризата со КОВИД-19. Операцијата обезбедува нови извори на поприфатливо финансирање, како за обртни средства, така и за подолгорочни инвестиции, со подолги рочности и пониски каматни стапки. Заемот на ЕИБ ќе им помогне на МСП и средните компании да го одржуваат континуитетот на деловната активност и да ги одржуваат работните места, истовремено зголемувајќи ја продуктивноста и проширувајќи ги нивните активности. Овој заем е дел од финансискиот пакет од 1,7 милијарди евра усвоен од ЕИБ во мај 2020 година за да се помогне во социоекономското закрепнување на регионот во рамките на иницијативата Тим Европа.

Лилјана Павлова, потпретседателката на ЕИБ, одговорна за Западен Балкан, изјави: „ЕИБ е горда што може да ја обезбеди оваа суштинска поддршка за закрепнување на малите бизниси во Република Северна Македонија, како главен финансиер и долгогодишен партнер за земјата и за РБСМ. Нашата плодна соработка е зајакната со посетата на премиерот Заев и министерот за финансии Бесими на седиштето на ЕИБ годинава. Овој заем ги тестира нашите напори да помогнеме во транзицијата на земјата кон посилна, поконкурентна и одржлива економија, добро интегрирана во регионалните и пазарите на ЕУ. Уверени сме дека дополнително ќе ја зајакнеме нашата инвестициска поддршка за Северна Македонија“.

Извршниот директор на Развојната банка на Северна Македонија Кире Наумов изјави: „Задоволство ми е да констатирам дека соработката помеѓу ЕИБ и Развојната банка е стратешка и успешна. Во последните 13 години, имплементиравме пет и го воведуваме шестиот договор за финансирање, обезбедувајќи 550 милиони евра за економски развој во Северна Македонија. Во периодот пред нас, фокусиран на економско закрепнување и побрз економски раст, од суштинско значење е да се искористи потенцијалот на компаниите за раст, развој и приспособување. За да го направиме тоа, потребно е силно партнерство меѓу компаниите и финансиските институции. Како развојна банка, ќе продолжиме внимателно да ги следиме потребите на приватниот сектор и ќе се стремиме да обезбедиме портфолио на производи и услуги што ќе ја засилат искористеноста на целосниот потенцијал на компаниите. Така, со овие 100 милиони евра, очекуваме да обезбедиме финансиска поддршка за најмалку 300 проекти на домашни МСП.”

Министерот за финансии на Северна Македонија, Фатмир Бесими, изјави: „Денес потпишавме исклучително значајни договори со Европската инвестициона банка, коишто обезбедуваат поволна кредитна линија во вредност од 100 милиони евра наменети за мали и средни претпријатија во Република Северна Македонија или значителна поддршка за ликвидност насочена кон закрепнување од ефектите на пандемијата со КОВИД-19. Што се однесува до нашата економија, овие средства значат создавање работни места, нови инвестиции и, соодветно на тоа, зголемена економска активност и забрзан економски раст. Како Влада, ние сме посветени на продолжување на фискалниот стимул за економијата, сè додека таа не се врати на здрава основа. Претходните кредитни линии на ЕИБ, достапни преку Развојната банка, дадоа навистина добри резултати. Петте кредитни линии во износ од 450 милиони евра се целосно распоредени, поддржувајќи 2.090 проекти на компании од областа на производството, услугите, градежништвото, трговијата, хотелите и рестораните, транспортот, здравството и образованието. Околу 75 % од средствата се искористени за инвестиции, со создадени повеќе од 8 илјади работни места.“

Шефот на делегацијата на ЕУ во Северна Македонија, амбасадорот Дејвид Гир, изјави: “Преку широк спектар на пакети за закрепнување и мерки за олеснување, ЕУ продолжува да обезбедува поддршка за малите и средни претпријатија кои сè уште се соочуваат со многу предизвици поради пандемијата Ковид-19. Оваа дополнителна инвестиција од 100 МЕУР, која што доаѓа веднаш по спроведувањето на програмата ЕУ за Издржливост во вредност од МЕУР 40 и Макро-финансиската поддршка во вредност од МЕУР 160, ќе обезбеди дополнителна ликвидност и структурна поддршка за приватните компании. Малите и средни претпријатија ќе придонесат за зајакнување на економското закрепнување и ќе овозможат подобро да градиме заедно.„

Странски банки

„Fitch” го намали кредитниот рејтинг на „Credit Suisse”

Објавено

на

„Credit Suisse” доби намалување на кредитниот рејтинг од реномираната компанија за кредитен рејтинг „Fitch”. (more…)

Продолжи со читање

Странски банки

ЕИБ ќе обезбеди насочена поддршка за регионалните економии за справување со негативните ефекти од актуелната криза

Објавено

на

Во соработка со Народната банка на Северна Македонија, Европската инвестициска банка (ЕИБ) ја коорганизираше 8. меѓународна истражувачка конференција на тема Јакнење во време на криза: улогата на политикитепо повод 30 години монетарна самостојност на државата. Настанот се занимаваше со актуелните предизвици несигурност што произлегува од прилагодувањата на политиките по пандемијата и политичкиот одговор потребен за справување со зголемените стокови и енергетски шокови предизвикани од војната во Украина. Тој ја илустрираше засилената соработка на ЕИБ со нејзините партнери во Северна Македонија и постојаната поддршка што банката ја дава за економската стабилност на земјата и процесот на интеграција во ЕУ повеќе од 40 години. (more…)

Продолжи со читање

Странски банки

Светска банка: Војната предизвикува најголема економска штета во Источна Европа и Азија

Објавено

на

Светската банка ја намали прогнозата за глобалниот економски раст поради војната во Украина. (more…)

Продолжи со читање


Популарно