ЕВРОХОЛД, најголемиот јавен холдинг во Бугарија и една од водечките независни бизнис групи кои делуваат на територијата на Централна и Југоисточна Европа , обезбеди финансиски средства во вредност од 157 милиони лв (80.5 милиони Еур) преку нова емисија на акции преку Бугарската берза. Новата емисија на акции се одвиваше во периодот од 9 Јуни и 7 Јули и наиде на силен интерес како кај домашните така и кај странските инвеститори кои запишаа и уплатија цца 63 милиони нови акции.

Со оваа понуда ЕВРОХОЛД се стекна со средства за 24% повеќе од потребните 65 милиони Еур за превземање на подружниците на Групацијата CEZ во Бугарија и ќе го зголеми својот капитал на 260.5 милиони акции по што пазарната капитализација на ЕВРОХОЛД ќе изнесува 332 милиони Евра.

Starcom Holding, најголемиот акционер на ЕВРОХОЛД, се стекна со 47 милиони нови акции и останува мнозински акционер со преку 50% удел во компанијата. Водечки американски инвеститор се стекна со 9% акции во ЕВРОХОЛД со што стана 3 водечки акционер заедно со Starcom и  KJK. Инвестициски посредник за пласманот со новите акции беше Euro-Finance AD, а Renaissance Capital ја имаше улогата на финансиски советник на ЕВРОХОЛД за оваа понуда.

Средтвата кои се обезбедија ќе се искористат за да се финансира превземањето на подружниците на Групацијата CEZ во Бугарија и за дополнителни инвестиции во развојот на двете главни деловни активности – енергетиката и осигурувањето. “Ќе ја поддржиме инвестициската програма на нашите нови подружници во енергетскиот сектор и ќе се фокусираме на подобрување на профитабилноста на холдиингот и проширувањето на осигурителниот бизнис” – истакна Kирил Бошов, претседател на управниот одбор на Еврохолд.

Следната фаза на превземање на подружниците на Групацијата CEZ ќе биде финансирана од сопствен капитал и преку кредитирање, а се очекува да биде завршено до крајот на Јули 2021. Кредитирањето ќе биде организирано од J.P. Morgan преку група на кредитори со веќе потврдено учество на големи меѓународни банки.