Еврото месецов забележа раст во однос на јапонскиот јен за 6% и се стабилизираше на 1,17059 долари.

Вредноста на швајцарскиот франк во еден момент падна на едноиполгодишен минимум во однос на еврото, откако некои инвеститори почнаа со продажба на швајцарската валута.

Франкот падна за 0,6% на 1,1154 франци за евро, што е најниско ниво од февруари 2016 година. Во однос на доларот, падот на франкот изнесува 0,7%, на 0,958 франци за еден долар.

Доларот се намали во однос на другите позначајни валути, па се најде на најниско ниво, по објавата на соопштението на Фед за монетарната политика, а во него се вели дека „за релативно брзо време“ ќе се преземат мерки за урамнотежување на состојбата.

Индексот на доларот кој ги следи промените во однос на шест други валути во светот, бележи пад за 0,35% на 93,681 поени. Тоа е малку повеќе од 13-месечниот минимум забележан пред некој ден.