Стапката на невработеност во еврозоната во декември се намали и стигна до ниво од 7,4 проценти, со што го достигна најниското ниво од мај 2008 година, објави Европското биро за статистика „Eurostat”.

Оваа бројка е подобра од предвидувањата на аналитичарите, кои на давателот на финансиски услуги „FactSet” му порачаа дека очекуваат дека стапката на невработеноста да биде 7,5 проценти, исто колку што беше во ноември.

Откако во септември 2016 година, стапката на невработеност во еврозоната се намали под симболични 10%, оттогаш па наваму константно е во опаѓање.

Во моментот на најтешката должничка криза, невработеноста во април, мај и јуни 2013 година достигна рекордно високо ниво од 12,1%.

Меѓу 19-те земји во еврозоната, Германија и Холандија имаа најниска стапка на невработеност (3,2 проценти) во декември.

На другиот крај на скалата, највисоки стапки на невработеност има во Грција (16,6% во октомври, бидејќи нема податоци за декември) и Шпанија (13,7%).