Цените на акциите на европските берзи паднаа, бидејќи инвеститорите се загрижени за тензиите меѓу САД и Кина, како и на секојдневниот раст на бројот на заразени со вирусот Ковид-19, поради што одредени земји воведуваат односно ги враќаат рестриктивните мерки за движење на населението.

Индексот „STOXX 600″ на водечките европски акции се намали за 0,4 проценти.

Индексот „FTSE” во Лондон се намали за 0,90 проценти, на 6.072 поени, додека франкфуртскиот „DAX” ослабна за 0,65%, на 12.834 поени, а „CAC” во Париз за 0,80%, на 4.933 поени.

Берзите се под притисок поради зголемениот број на луѓе заразени со вирусот Ковид-19 и построгите мерки на движење на населението во некои земји од Европската унија.

Акциите во енергетскиот, финансискиот и автомобилскиот сектор паднаа најмногу на европските берзи, меѓу 0,8 и 0,9 проценти.

Инвеститорите, исто така, се воздржаа од понатамошни зголемувања на тензиите меѓу САД и Кина. Владата на претседателот Доналд Трамп во понеделникот објави дека дополнително ќе ги зајакне ограничувањата против кинескиот „Huawei“, откако се закани на други кинески технолошки компании во текот на викендот, вклучително и „Алибаба”.

Што се однесува до објавувањето на забраната за „TikTok“ во САД, доколку не го промени сопственикот, интересот за купување на таа апликација во САД, Канада, Австралија и Нов Зеланд, освен „Microsoft“, покажа и софтверскиот гигант Oracle”.