Connect with us

Останато

До есен ќе бидат готови апликациите од Фин Хакатон

Објавено

на

Граѓаните до есен ќе добијат финален производ – веб апликација, видео и мултимедијална игра за Граѓански буџет од решенијата кои победија на Фин Хакатонот. По изборот на победниците, министерот за финансии Драган Тевдовски  рече дека очекува од нив да направат готов производ со кој ќе се доближи Буџетот на РМ и јавните финансии до граѓаните.

Како што истакна министерот за финансии Тевдовски, придобивки од Фин Хакатонот имаат и граѓаните и учесниците. Граѓаните преку перспективата на учесниците добиваат алатки со кои имаат подобар пристап и подобра контрола над јавните финансии. Сите натпреварувачи, рече министерот, добија одлична можност за промоција, додека победниците делат награден фонд од 1,5 милиони денари и имаат можност да започнат сопствен бизнис.

-Овие млади и талентирани луѓе работеа 48 часа без престан во Министерството за финансии. Горди сме што на Фин Хакатонот дојдоа луѓе кои се способни за многу краток период, практично за еден викенд да создадат нови и иновативни производи, кои се воедно и многу креативни. Останува тие да се доразвијат до финални производи. Сепак, според енергијата која ја имаат тимовите цврсто сме убедени дека тие ќе успеат тоа да го направат – рече министерот за финансии Драган Тевдовски по прогласување на победниците.

На Фин Хакатонот победија два тима.Тимот составен од Стефан Митевски, Ивана Ѓорѓиевска Стојановски и Георги Михаилов имаа најдобра видео и мултимедијална игра. Најдобра веб апликација пак, понуди тимот составен од Елена Андреева, Теди Пејоски, Елена Јовчевска, Каја Столеска, Александар Трпески и Александар Бакo Марковски.

Како што истакна Стефан Митевски од тимот кој победи со најдобра игра и најдобро видео, за да јавните финансии станат поразбирливи за обичните граѓани, тие го претставиле државниот буџет преку домашниот буџет на просечен граѓанин.

-Клучното беше што наместо да зборуваме за големи бројки како 200 милијарди, решивме да го префрлиме буџетот на ниво на еден граѓанин. Тргнавме од претпоставка дека еден просечен граѓанин има просечна плата од 24 илјади денари, а потребите за месечни трошоци му се 26 илјади денари. Ја поистоветивме државата со Петар и со тој лик направивме едно кусо видео. Направивме и игра наречена „Кој сака да биде министер за финансии“. Таму разни министри даваат предлози за капитални проекти и врз основа на тие барања корисникот треба да алоцира различна сума. Ако даде добра сума тогаш ќе бидат задоволни сите, ако не даде добра сума, тогаш излегува натпис во весник и има медиумски хајки- рече Митевски.

Теди Пејоски од тимот со најдобра веб апликација рече дека идејата на апликацијата е буџетот да биде прилично интерактивен и  со тоа транспарентен за граѓаните.

-Кога дојдовме во Министерството за финансии немавме доволно информации за јавните финансии и сметам дека бенефит е се она што го научивме за овој викенд. Има уште доста работа, меѓутоа основните концепти ги имаме разработено и верувам дека соработката заедно со Министерството и Фондот за иновации ќе вроди со успешна алатка која ќе може да ја користат граѓаните – рече Пејоски.

Фин Хакатонот е организиран од Министерството за финансии и Фондот за иновации и технолошки развој. Целта беше во ограничен временски период од 48 часа во Министерството за финансии млади луѓе да креираат алатки за Граѓанскиот буџет.

Останато

Македонија повторно се најде на “30 под 30” листата на Форбес за 2019 година

Објавено

на

На 12 февруари, со отворање на Лондонската Берза магазинот Форбес ја објави листата “30 под 30” за 2019 година за Европа.

Оваа година листата вклучува претставници од 34 европски земји во 10 категории, а на листата се најдоа и Аријана Коскарова и Бојан Коскаров од Македонија, во категорија “социјални претприемачи” со нивниот модел на иновативно неформално образование – Creative Hub.

Creative Hub е концепт на иновативен тренинг хаб кој работи по 5П пристап односно предавачи кои се ескперти од област, програми кои одговараат на потребите на пазарот, визитинг предавачи, настани во текот на програмата и платена пракса за секој учесник. Овој тренинг хаб постои од август 2017 година и за неполни 2 години успеа да се издигне како центар за квалитет препознатлив по урбаните настани како ПР Бар, Македонски Маркетинг настан, HR Сабота, Photography Masterclass со Фотографот на Вог итн. Аријана и Бојан во моментов го отвараат и својот втор хаб во Тирана, Албанија.

Токму овој модел на иновативен тренинг хаб во областа на маркетинг и пр, човечки ресурси, веб и графички дизајн, адвертајзинг итн, фокусиран на тоа да учесниците стекнат вештини и компетенции што им се потребни денес ги донесе овие двајца млади како дел од елитното друштво на Форбес по 30.

Покрај нив, оваа година на листата се најдоа и актерот Даниел Ретклиф ( познат по улогата во Хари Потер), фудбалерот на Атлетико Мадрид Антони Гризман, наследникот на гигантот Луи Витон, Антоан Арно и многу други.

Само да потсетиме ова е втора година Македонија да се најде на оваа листа, лани беше претставена од Нина од “Групер” и Жаре “Еден на Еден”.

Продолжи со читање

Останато

Колку сендвичи дневно “крадат” македонските политичари?

Објавено

на

Парламентарниот пратеник на Листата на Марјан Шарец (ЛМШ) поднесе оставка само неколку часа откако на колегите наивно им раскажал како спровел „социјален експеримент“, минувајќи покрај касата во продавница во близина на словенечкиот парламент и дека „набавил“ сендвич.

Сѐ почнало во средата кога пратеникот на владејачката партија Дариј Крајчич, за време на расправа за механизмите за контрола на прехранбените производи, сакајќи да ја разведри атмосферата, кажал дека механизмите на контрола добро дејствуваат ако сите им се придржуваат, но дека на надзорот секогаш нешто му се протнува и тоа го илустрирал со бизарна анегдота.

Тој кажал дека себеси јавно се пријавува бидејќи во локална продавница „отуѓил сендвич“ минувајќи покрај касата.

Чекав да платам, сигурно неколку минути, но на касата разговараа, а мене никој не ме забележуваше. Затоа излегов без да платам. И никој не потрча по мене иако имаат повеќе камери за видеонадзор“, кажал Крајчич, инаку доктор по шумарство на љубљанскиот универзитет кој претходно го водел државниот завод за заштита на природата.

Иако тој подоцна на новинари им изјавил дека не станувало збор за вистинска туку за виртуелна кражба, односно „социјален експеримент“ бидејќи потоа се вратил и го платил сендвичот и им се извинил на продавачките, Крајчич само неколку часа подоцна соопшти дека дава оставка како пратеник.Оставката е прифатена и во парламентот ќе го замени друг член на партијата која ја води премиерот Марјан Шарец.

Оставката ја прифативме. Крајчич е добар експерт, човек, колега, пријател и соработник, но во оваа прилика направил недозволив чин“, соопшти ЛМШ.

Ако во практика сакаме да ги спроведуваме принципите на нашата партија, тогаш за своите постапки мора да прифатиме одговорност, што го направи Крајчич со својата оставка. Тешко ни е поради тоа, но тоа беше негова самостојна одлука“, се додава во соопштението.

Прашањето е: КОЛКУ СЕНДВИЧИ НА ДЕН СЕ КРАДАТ ОД СТРАНА НА МАКЕДОНСКИТЕ ПОЛИТИЧАРИ И КОГА БАРЕМ ЕДЕН ОД НИВ ЌЕ БИДЕ ДОБЛЕСЕН ДА СИ ПОДНЕСЕ ОСТАВКА ОД ФУНЦКИЈАТА КОЈА ЈА ИЗВРШУВА?

Продолжи со читање

Останато

Акциите на Јувентус излегоа на берза

Објавено

на

Италијанскиот фудбалски клуб Јувентус одлучи да се појави на меѓународниот пазар на обврзници. На тој начин успеа да обезбеди капитал многу повисок од првичните барања.

Клубот, кој во 2001 година ги понуди акциите на Миланската берза, се задолжи со 175 милиони евра со издавање на петгодишна обврзница. Инвеститорите можат да сметаат на годишен принос од 3,5%. Управата на Јувентус претходно најави дека со издавање на обврзница планира да добие 150 милиони евра.

Средствата ќе бидат искористени за отплата на постоечките долгови.

За потсетување, долгот на овој клуб кој во два наврати беше европски првак, успеа да достигне неверојатни 310 милиони евра. Презентацијата наменета за инвеститорите, содржи податок дека приходите на овој клуб пораснале за 161% во сезоната 2017/2018.

Кон растот на приходите огромен придонес има купувањето на Кристијано Роналдо од Реал Мадрид за кого “старата дама” плати неверојатни 100 милиони евра. Зад издавањето на обврзницата на Јувентус стојат американската банка “Морган Стенли” и италијанската “УБИ банка”.

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange