Connect with us

Форекс

Доларот зајакна во однос на еврото и швајцарскиот франк

Објавено

на

Доларот ја зголеми својата вредност во однос на еврото и на швајцарскиот франк на меѓународните пазари на валути, бидејќи инвеститорите се фокусираа на американската помош во време на корона кризата и на ескалацијата на тензиите меѓу САД и Кина.

Еврото ослабе 0,2 проценти во однос на доларот и се тргуваше со 1,17605 американски долари. Еврото ја зголеми својата вредност во однос на швајцарскиот франк за истиот процент (0,2 проценти), на 1.0773 франци.

Швајцарската валута ослабна и во однос на доларот, за 0,4 проценти, паѓајќи на 91,59 швајцарски центи за долар.

Индексот на доларот се зголеми за еден процент во однос на кошницата од шестте други клучни светски валути, на 93.532 индексни поени.

Инвеститорите беа преокупирани кон крајот на минатата недела со податоците за вработување во САД кои покажуваат дека нето работодавците создадоа 1,8 милиони нови работни места во јули, значително помалку отколку во јуни, но стапката на невработеност падна на 10,2 проценти.

Инвеститорите купуваа повеќе долари поради ескалацијата на тензиите меѓу САД и Кина. Кон крајот на минатата недела, САД воведоа санкции врз водечките кинески и хонгконгшки официјални претставници, а Пекинг денеска возврати со санкции врз 11 американски граѓани, вклучително и членови на Конгресот.

Швајцарскиот франк ослабна откако податоците покажаа дека депозитите по видување кај Швајцарската народна банка порасна минатата недела, што обично сигнализира дека банката интервенира на девизниот пазар за да ја ослаби домашната валута.

„Се чини дека Европејците купуваат евра и продаваат домашни валути, што е особено точно за швајцарскиот франк. Американците, од друга страна, купуваат евра и продаваат долари“, изјави Маршал Гитлер од „BDSwiss Group” во белешката до клиентите.

Форекс

Индексот на доларот зајакна по одлуките од седницата на ФЕД

Објавено

на

Денес доларот зајакна во однос на корпата од шест најважни валути во светот на меѓународните пазари при тргување обележана со поголеми флуктуации на девизниот курс, откако Федералните резерви на САД соопштија дека клучните каматни стапки ќе останат непроменети. (more…)

Продолжи со читање

Форекс

Какви измени и дополнувања на Правилата за котација на Берзата ќе се применуваат од 21.09.2020 година?

Објавено

на

Од 21.09.2020 година ќе отпочне со примена Одлуката за измени и дополнувања на Правилата за котација на Македонска берза, донесена од страна на Одборот на директори на Берзата на 28.07.2020 година, а за кои е добиена согласност со Решение на КХВ бр. УП1 08-60 од 21.08.2020 година. (more…)

Продолжи со читање

Форекс

„Инвеститорски ден“ на Македонска берза по повод одбележувањето на 25 години од основачкото собрание

Објавено

на

По повод одбележувањето на 25 години од основачкото собрание на Македонска берза АД Скопје, Берзата иницира одржување на т.н. „Инвеститорски ден“. Оваа иницијатива ја прифатија и во неа активно се вклучија Централниот депозитар за хартии од вредност и осум членки на Берзата и ЦДХВ, а истата доби поддршка и од Комисијата за хартии од вредност. (more…)

Продолжи со читање

Популарно