Connect with us

Осигурување

Доброволниот трет пензиски фонд носи предности и за вработените и за компаниите

Објавено

на

Вработените може да бидат наградени преку уплата во доброволниот, трет пензиски фонд, а истото носи поволности и за компаниите. Оваа и другите предности и за вработените и за компаниите од уплата во третиот, доброволен пензиски фонд, беа презентирани на денешната работилница „Како до посреќни вработени во ИКТ компаниите“, организирана од Стопанската комора за информатички и комуникациски технологии (МАСИТ) во соработка со КБ Прво пензиско друштво АД Скопје.

Поволностите од уплати во третиот пензиски фонд како и бенефициите и за вработените и за компаниите, произлегуваат од законска регулатива.

„Третиот, доброволен пензиски фонд според структура и начинот на функционирање нуди навистина многу поволности, а граѓаните сè уште не се доволно запознаени. Сепак, искуството со оние компании кои веќе го практикуваат овој начин на стимулирање на вработените покажа големо задоволство кај двете страни. Врз принципот на доброволно штедење, без обврзувачки компоненти, со голема флексибилност во уплатата и елементи што се како дополнителен стимул, доброволниот пензиски фонд станува се побаран и префериран начин за вработените и за компаниите“, изјави, Весна Стојановска, Генерален директор на КБ Прво пензиско друштво.

КБ Прв отворен доброволен пензиски фонд – Скопје постои 10 години , нето средствата со кои располага според последната евиденција на МАПАС – Агенцијата за супервизија на капиталното финансирано пензиско осигурување на 31.07.2019 изнесува 889.281, 96 илјади денари, брои 14.386 членови, а додека седумгодишниот (30.06.2012 – 30.06.2019) номинален принос на доброволниот фонд изнесува 5,93%, а додека реалниот 5,03 %.

„Овој производ ги поседува сите карактеристики компатибилни на начинот на функционирање на компаниите но и на граѓаните како индивидуи. Секое правно лице, може да го искористи овој начин на стимулирање или наградување на вработените. Така се создава и зацврстува взаемна доверба којашто на крајот ќе вроди со реални придобивки за двете страни. Кога компанијата ќе покаже дека долгорочно се грижи за своите вработени, инвестира во нивната иднина, тогаш ќе ги добие најсреќните и најлојални вработени, а притоа, компанијата не е никако условена или оданочена. Врз основа на сето ова, доброволниот, трет пензиски столб станува многу подостапен за користење и прегледен, што со постојаниот увид во сметка им овозможува на граѓаните дополнителна сигурност“, вели Предраг Милошевски, Втор Генерален директор на КБ Прво пензиско друштво.

Третиот пензиски столб покрај професионалната пензиска шема, каде компанијата уплаќа за вработените, нуди можност и за индивидуална уплата, односно индивидуална сметка каде граѓанинот уплаќа за самиот себе и тоа кога сака и колку сака.

Средствата од доброволниот, трет пензиски фонд се вложуваат во обврзници, депозити, акции во странство или Етф-и и фондови кои во својата структура имаат акции, обврзници или други финансиски инструменти и се тргуваат на берза, парични средства и во акции од домашната берза.

Осигурување

Македонски експерти ќе бидат дел од глобалниот настан насловен како „Иднината на осигурувањето во Европа“

Објавено

на

Во организација на водечката меѓународна новинарска агенција „Reuters” се организира Глобален настан насловен како „Иднината на осигурувањето во Европа“. Настанот е виртуелен и ќе биде одржан на 24-ти и 25-ти ноември. (more…)

Продолжи со читање

Осигурување

Уника укинува 600 работни места до крајот на 2022 година

Објавено

на

Осигурителната група „Уника” планира да укине околу 600 работни места до 2022 година, претежно во Австрија и да затвори една третина од филијалите во матичната земја, соопшти австриската осигурителна компанија. (more…)

Продолжи со читање

Осигурување

Халк Осигурување со долготрајна стратегија за подигнување на свеста за грижата на машкото здравје

Објавено

на

Разговорот за машкото здравје често се занемарува во дискусиите за јавно здравје. Сепак, негрижата за здравјето на мажите може да им предизвика значителна болка и страв при првата посета во медицинска установа. Занемарувањето на здравјето на мажите не само што е неефикасно туку и носи намалување на квалитетот на животот, предизвикува страдања, па доведува и до предвремени смртни случаи. Најновите истражувања на фондацијата за рак на простата (www.pcf.org) велат дека кај едно од девет лица ќе биде дијагностицирано рак на простата.  (more…)

Продолжи со читање

Популарно