Connect with us

Домашни банки

Детското штедење Халки доби свое лого

Објавено

на

Детското штедење Халки, еден од најпрепознатливите производи на Халкбанк АД Скопје, доби свое лого. Детскиот депозит, чиј симбол е Слончето Халки, им овозможува на родителите да создадат сигурна иднина за своите деца. Потврда за тоа се и поволните каматни стапки, кои за детското штедење во денари достигнуваат до 1,8 проценти.

„Следејќи го пулсот на нашите клиенти, ние во Халкбанк постојано изготвуваме програми и понуди со многу поволности, а една од клучните е токму детското штедење Халки. Среќни сме што сè поголем број родители се интересираат за детското штедење. И разбирајќи ја нивната грижа и посветеност да обезбедат сигурност за своите најмили, ние за возврат постојано се трудиме, покрај самиот производ за штедење и сигурноста која ја носи нашиот бренд, да им понудиме и вистинско пријатно искуство за нив и нивните деца во користењето на оваа наша услуга. Новото лого на Халки на некој начин го отсликува сето ова. Агенцијата се потруди да направи решение кое ќе произлегува од самиот Халкбанк бренд, ќе дава растечка насока и поглед кон иднината, а воедно ќе го претставува и искуството кое се добива низ активностите на нашето слонче Халки. Во комуникацијата се надоврзуваме и на нашиот корпоративен слоган, но овој пат сосемa природно, велиме „Важни се луѓето, уште поважни се децата“, вели Маја Наумовска Савеска од Халкбанк АД Скопје.

Инспирацијата за новото лого е маскотата на слончето Халки, а формата е геометриска стилизација на неговиот лик.

„Во креацијата на логото се употребени линиите од официјалното лого и брендингот на Халкбанк, како и официјалната типографија од логотипот. Палетата на бои ги содржи зелените тонови што асоцираат на Халки и неговата мисија – подигнувањето на свеста и грижата за животната средина, додека сивиот тон потсетува на бојата на кожата на слоновите“, објаснуваат од маркетинг агенцијата „Ефектива“ чиј тим се грижи за комплетниот развој на ликот на Халки.

Слончето Халки како симбол на детското штедење е дел од голем број општествено-одговорни проекти на Халкбанк. Љубопитниот Халки често организира или поддржува настани, работилници и едукативно-креативни програми за деца. Низ неговите приказни, активности и другарувања, децата учат важни теми за денешното живеење: здрава животна средина, инклузија, прифаќање, креативно изразување и добри животни навики како читање книги и штедење. Халки е омилен другар на малите, но и големите деца и им помага во нивните авантури и развивањето на нивните таленти. Најголемите идоли на Халки се токму деца.

Домашни банки

Халкбанк ги зголеми платите на своите вработени во просек за 14%

Објавено

на

Халкбанк АД Скопје изврши генерално покачување на платите на сите, над 700 вработени во банката на ниво на просек од 14%, со што најзначително се влијае на пораст на најниската плата во банката. Со ова Банката уште еднаш ја потврди својата грижа за обезбедување континуиран развој и мотивација на вработените кои се еден од главните чинители на успешното работење на банката. (more…)

Продолжи со читање

Домашни банки

Капиталните инвестиции и кредитниот раст во главен фокус на Стопанска банка АД – Скопје

Објавено

на

Со раст на нето-добивката, силна кредитна поддршка на населението и на бизнис-секторот, како и со раст на бројот на клиенти и депозити, Стопанска банка АД-Скопје успешно ја заокружи 2022 година. Постигнатите високи резултати во работењето се продолжение на континуираниот раст на Банката и на силната посветеност кон клиентите, вработените и заедницата во целост. (more…)

Продолжи со читање

Домашни банки

Преку нејзиниот докажан бизнис модел базиран на стабилни фундаменти, Стопанска Банка “изброи” 42,5 милиони евра добивка за 2022 година

Објавено

на

Во согласност со неревидираните финансиски извештаи на Стопанска Банка АД-Скопје (во натамошниот текст: СБ или Банката) со пресечен датум 31.12.2022 година, добивката пред оданочување на Банката изнесува 2.617.019 илјади денари, односно незначителни 4% под нивото остварено минатата година. Истовремено, остварената добивка пред оданочување и исправка на вредност изнесува 3.851.117 илјади денари, што претставува зголемување за 10% во однос на 2021 година. Со тоа, Банката го задржува долгогодишниот континуитет на постигнати успешни финансиски резултати засновани на стабилни фундаменти, прудентен пристап кон ризиците, докажан бизнис – модел, силна капитална позиција и добро корпоративно управување. Успешното работење е остварено во услови на органски раст на активата на Банката која на крајот на годината изнесува 122.848.627 илјади денари, што претставува раст од 8% во однос на 2021 година. На тој начин, Банката го продолжува перманентиот раст на нејзините бизнис – активности во согласност со својата деловна стратегија. (more…)

Продолжи со читање

Популарно