Connect with us

Депозити

Денар по денар – исполни си желба со детско штедење

Објавено

на

Веќе со тргнувањето во училиште децата треба да ја научат вредноста на парите. Односно, да научат дека со собирање на ситните монети може да се собере доволно за да си исполнат голема желба. Изборот на банка во која ќе ја вложите довербата за детската заштеда исто така има голема улога зашто е важно да одберете банка каде на детето ќе му објаснат која е предноста да се штеди, и да ги има најдобрите услови. Во Стопанска банка а.д. Битола велат дека насочувањето на младите штедачи во банките е голем исчекор во процесот на создавање добри навики кои на децата, а и на родителите, ќе им бидат од полза во животот.

„Според нас навиките за штедење треба да се создадат уште на најмала возраст, и мислиме дека не постои ситуација во која некој е премногу млад за да штеди. Детското штедење како производ на Стопанска банка а.д. Битола е наменето за деца од нивното раѓање до 18 годишна возраст. Родителот ја отвора сметката за детско штедење и со тоа ја поставува основата. Неколку години подоцна, родителот веќе треба да го учи детето да штеди. Сите ситни монети и банкноти кои детенцето ќе ги собере во детската касичка, заедно да ги носат во банка. Добро е детето да види дека тие парички може да се заменат за една поголема, вредна банкнота. Така учи дека и ситните пари имаат вредност и дека со штедењето може да се соберат пари и за исполнување на некои големи и вредни сништа. Во нашата банка има можност за неограничен број и неограничени износи на дополнителни вложувања додека трае орочувањето на депозитот. Минималниот износ на влог е 3.000 денари, а минималниот износ на дополнителен влог е 1.000 денари “ – објаснува д-р Наташа Несторовска, член на Управниот Одбор на Стопанска банка а.д. Битола.

Голема е грижата на родителите за финансиска безбедност на децата во иднина, и не е лесно да се препушти одговорноста за сметката во банка на малолетно дете, особено ако секој месец треба да се депонира влог. Но тоа е одличен начин детето да научи да се грижи за себе и во иднина и да не носи брзоплети одлуки за трошење на парите.

„Децата рано учат дека парите имаат моќ да исполнат желби, и затоа треба да научат со нив да управуваат умно. Односно, важно е да се одбере банка која нуди најдобри услови за детската заштеда да расте. Нашиот производ се двои од оние на останатите банки според висината на каматната стапка. Односно, ја имаме најдобрата годишна каматна стапка на домашниот пазар. Исплатата на каматата, пак, може да се одвива со месечна исплата на каматата или со исплатата на каматата на крајот од периодот на орочување “ – дополнува д-р Несторовска.

Разликата во понудата меѓу домашните банки најдобро се воочува кај каматното орочување на парите на 36 месеци. Камата од 3,20 отсто годишно има во Стопанска банка а.д. Битола, во останатите банки се нудат каматни стапки до 2,85 отсто годишно. Во Стопанска банка а.д. Битола парите може да ги орочите и на 12 и на 24 месеци. Каматната стапка за орочени денарски депозити на 12 месеци изнесува 1,60 отсто годишно, а за 24 месеци – 2,80 отсто годишно. За орочените девизни депозити каматната стапка за 12 месеци изнесува 0, 90 отсто годишно, за 24 месеци – 1,50 отсто годишно и за 36 месеци – 1,80 отсто годишно.

Детското штедење е добра основа да се обезбедат финансии за школување или студирање на децата. Родителите често се одлучуваат подароците во пари од родендени или други веселби да ги заштедат во домашна банка, а тоа е одличен начин истите навики да се пренесат и на децата.

Депозити

„Зимски депозит” на УНИБанка нуди фиксна камата од 3,30 % за физички лица

Објавено

на

Во годините после финансиската криза централните банки низ светот остро ги намалија каматните проценти во обид да го стимулираат стопанскиот раст, инвестициите и вработеноста. Во некои држави оваа стратегија проработи успешно, а во други не сосема, но така или вака, мнозинството од економистите и пазарните аналитичари се на мислење дека ерата на „нулта каматите” веќе е на својот крај.

Согледувајќи ги овие особености, банките во Македонија почнаа да нудат различни производи со атрактивни услови. Современиот живот стана сѐ поинтензивен и забрзан и корисниците имаат потреба од комплексни услуги, кои ги задоволуваат нивните барања и ги решаваат нивните проблеми во различни правци. Овие факти им се добро познати на финансиските институции, кои вешто ги ловат желбите на корисниците.

Новиот „Зимски депозит” од „Уни банка” ги обединува предностите на неколку производи, со тоа што истовремено нуди највисока профитабилност на пазарот во моментов. Влогот е со флексибилни услови, се нуди со различни рокови и варијанти за користење, при што со депозит за рок од 36 месеци, клиентот ја добива највисоката понудена камата на банкарскиот пазар кај нас – 3,30%. Каматата е фиксирана во текот на целиот период на депозитот.

Зимски депозит” е производ за физички лица во евра и во денари. Каматата за депозитот е непроменлива до крајот на рокот на депозитот, кој може да се избира согласно желбата на клиентот: 36, 24 или 12 месеци. Минималната големина на влогот е утврден во висина од 5.000 евра/300.000 денари, со тоа што износот може да се зголемува без ограничувања во текот на целиот период на договорениот рок.

Високата профитабилност доаѓа во текот на февруари со новиот производ на „Уни банка” заедно со уште неколку бонуси, од кои клиентите можат да имаат корист. Со „Зимски депозит” вложувачите добиваат бесплатно електронско и мобилно банкарство, бесконтактна кредитна картичка со ограничување до 30.000 денари и бесконтактна дебитна картичка со можност за користење на пречекорување до 30.000 денари. Предноста на производот, е и опцијата за електронско и мобилно следење на профитабилноста на депозитот во секој момент од страна на клиентите.

Продолжи со читање

Депозити

Нов депозит „Среќна среда” од Халкбанк

Објавено

на

Некои велат, среда е денот на среќата. Но, зошто токму среда? Постојат истражувања кои велат дека секаква умствена активност во денот среда, како читање, пишување, разговарање, би се одвивала со посебен фокус и внимание. Оттука, не случајно и се користи терминот „среќна среда“, а пак Халкбанк воведува нов промотивен депозит кој ќе биде активен токму секоја среда, и тоа со посебни услови. (more…)

Продолжи со читање

Депозити

Стопанска банка а.д. Битола подарува прочистувачи, но само за клиентите од Битола!

Објавено

на

Стопанска банка а.д. Битола придонесува кон грижата за здравјето на своите клиенти. (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange