Најновата анкета меѓу банките во Данска покажува дека до 1 јануари 2020 година во оваа земја се отворени нешто повеќе од 50.000 инвестициски штедни книшки.

Новите бројки на „Finance Denmark” покажуваат дека до 1 јануари 2020 година се создадени приближно 50.000 акционерски штедни сметки. Тоа е двојно зголемување во однос на мај 2019 година кога имало приближно 25.000 акционерски штедни сметки.

„Новите бројки покажуваат дека се поголем број Данци ги разбираат поволностите кои можат да ги добијат со инвестирање преку акционерска штедна сметка. Акционерските штедни сметки го олеснуваат пристапот, а притоа го прават и попривлечно и подостапно инвестирањето во акции, бидејќи инвеститорот не мора да води евиденција на билансот на успех и да ја контролира својата даночна пријава, бидејќи сето тоа го прави банката. Покрај тоа, данокот е понизок кога се инвестира преку акционерска штедна сметка отколку во согласност со општите правила за инвестирање на берза“, вели Биргит Согард Холм, директор за инвестициско штедење во Данска.

Во исто време, „Finance Denmark” посочува дека акционерските штедни сметки помагаат во промовирање на инвестициска култура, создавање раст и дава гаранција дека инфлацијата не ја уништува заштедата.

„Многу е позитивно тоа што горната граница на депозитите сега е подигната на 100.000 дански круни. Се надеваме дека тоа ќе допринесе за понатамошно зголемување на бројот на акционерски штедни сметки отворени во 2020 година, и тие да надминат 900 милијарди”, додаде Биргит Согард Холм.

Слични инвестициски понуди се воведени и во другите скандинавски земји како начин за борба против негативните каматни стапки што ги прават класичните заштеди непривлечни и неатрактивни.

Во Македонија веќе одмна се нудат вакви понуди како животно осигурување поврзано со инвестирање или популарно наречено „Unit Linked” производи. Македонците се запознати со овој начин на штедење и инвестирање, но колку од македонците го применуваат?