Централната банка на Америка најверојатно ќе мора да ги зголеми каматните стапки доколку американската економија и понатаму продолжи да се развива во согласност со прогнозите на централната банка.

Претседателката на управата за Федерални резерви, Џенет Јелен, изјави дека економскиот раст на Америка е умерен и е како резултат на јакнењето на пазарот на трудот и постепеното зголемување на инфлацијата.

Во наредните состаноци банката ќе процени дали инфлацијата и вработеноста се во согласност на нејзините очекувања и дали е потребно дополнително прилагодување на монетарната политика.

Во последните 14 месеци, Fed два пати ја зголеми основната каматна стапка на сегашните 0,75%, што е и понатаму пониско од историскиот просек, но како што додаде Јелен “доволно ниско за да охрабри економски раст”.