Connect with us

Останато

Дали си на вистинската страна?

Објавено

на

Професорот Џери Уелсман решил да направи еден експеримент.

Неговите студенти по фотографија на Универзитетот во Флорида, ги поделил во две групи. Сите кои се наоѓале од левата страна на училницата припаѓале на групата “квантитет”, во која студентите биле оценувани само врз основа на бројот на фотографии.

Сите на десната страна на училницата, биле дел од групата “квалитет”, кои требало да направат само една фотографија, а нивната оцена би зависела од квалитетот на истата.

На крајот на семестарот, неговиот заклучок бил дека:

СИТЕ ДОБРИ ФОТОГРАФИИ БИЛЕ НАПРАВЕНИ ОД СТРАНА НА КВАНТИТАТИВНАТА ГРУПА, А НЕ ОД КВАЛИТАТИВНАТА, бидејќи групата на квантитет го користела нивното време фотографирајќи што повеќе фотографии, додека групата на квалитетот размислувајќи како да постигне перфекција.

Квантитативната група се подобрила со тек на време – Квалитативната донесувала разни теории, а испорачувала само една слика.

Проблемот е, повеќето од нас го живеат својот живот стремејќи се кон перфекција.

Бараме одговори…

Правиме план и стратегија…

Читаме книги и учиме…

Мислиме дека нешто сме направиле, кога во реалноста само се подготвуваме за истото. И кога не напредуваш како што си замислил, најверојатно трошиш премногу време размислувајќи.

Заборавајќи дека…

Седењето во соба со перфектно изграден план, читајќи книга или завршувајќи го онлајн курсот, најверојатно ќе направи нула промена во твојот живот.

Наместо ова, потребно е да направиш нешто….дури и да е погрешно, направи го доволно пати додека не почнеш да го правиш на вистинскиот начин.

Потребно е да направиш доволно лоши фотографии, додека не дојдеш до совршената.

Исто како со тренингот…

Не е важно колку пати ќе разговараш со личен тренер, само одење во вежбална ќе те доведе во форма.

ДАЛИ СИ СПРЕМЕН ДА ВЛЕЗЕШ ВО ИГРА?

Извадок од книгата Atomic Habits, James Clear

Останато

Арсовска со висока награда во Дубровник: „Трите К“ – најголем предизвик за претприемачите

Објавено

на

Сојузот на стопански комори (ССК) учествува на 6. Регионален самит на претприемачи кој на високо ниво се одржува во Дубровник, Хрватска. Претседателот на ССК, Данела Арсовска,  учествува на панел сесијата посветена на улогата на деловните организации во развој на претприемништвото  на национално ниво и предизвиците со кои претприемачите се соочуваат. (more…)

Продолжи со читање

Останато

Градежна комора: Растот на трошоците го диктира растот  на цената на квалитетните станови

Објавено

на

Градежната комора на Македонија информира дека трендот на пораст на трошоците за градежни материјали, но и за вработените во градежните компании се случува во континуитет. Последните податоци на Државниот завод за статистика (ДЗС) само ја потврдуваат состојбата и покажуваат дека трошоците во градежништвото за нови објекти за индивидуално домување во четвриот квартал од минатата година во однос на тој квартал од претходната година, се повисоки за 5,9 отсто, трошоците за материјали се повисоки за 3,2 отсто и трошоците за вработените се повисоки за 13 отсто. (more…)

Продолжи со читање

Останато

Тевдовски: Бесплатни банкарски сметки за ранливите категории

Објавено

на

Бесплатни банкарски сметки за ранливите категории е предвидено во работната верзија на Законот за платежни услуги и платни системи што го подготвува Министерството за финансии во соработка со Народна банка, најави денеска министерот за финансии Драган Тевдовски на потпишување на Меморандум за финансиска инклузија.

“Работната верзија предвидува сметката со основни функции да биде бесплатна за ранливите категории, односно по закон ќе добијат бесплатни услуги за отворање, водење сметка, уплати и исплати. За останатите потрошувачи, платежната сметка со основни функции ќе биде со разумен надоместок. Ќе напоменам, дека за да се отвори сметката, граѓаните не треба да поседуваат друга сметка со основни функции на свое име, како и дека на оваа сметка нема да можат да одат во минус”, изјави министерот за финансии Тевдовски.

Исто така, се воведуваат решенија во Законот за платежни услуги и платни системи, што ќе доведат до либерализација на пазарот на платежни услуги. Ова ќе придонесе за засилена конкуренција и нови, иновативни начини на плаќање, лесно достапни и со помали трошоци, рече Тевдовски.

Тевдовски посочи дека ова е првиот чекор кон поголема финансиска инклузија, што предвидува сите да имаат пристап до финансиски услуги и тоа на лесно достапен, безбеден начин и под прифатливи цени.

“Придобивките од финансиската инклузија се повисок раст на БДП и помала доходовна нееднаквост. Анализите на Меѓународниот монетарен фонд покажуваат дека преку обезбедување на пристап до сметки, кредити, за жените, за ранливите категории, се овозможува побрз и поинклузивен економски раст. Друга придобивка од финансиската инклузија е дека таа привлекува повеќе луѓе во формалниот сектор, што во фискалниот дел значи повеќе приходи во буџетот. Повеќе приходи во буџетот пак значат подобро здравство, образование, инфраструктура и други јавни услуги”, рече Тевдовски.

Финансиската едукација е исто така значаен инпут во финансиската инклузија, рече министерот за финансии. Тој ги повика заинтересирани училишта кои би сакале да организираат посети за учениците на Министерството за финансии или да им се организираат предавања во училиштата, да се пријават на маилот edukacija@finance.gov.mk.

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange