Во текот на вчерашниот ден одекна веста дека добропознатата компанија MyWorld, кај нас многу попозната како Lyoness оди во стечај, односно дека повеќе не е солвентна.

Оваа информација ја потврди новинарот Зоран Божиновски, кој на својот Facebook профил објави дека според него измамничката мрежа предводена од бизнисменот Зоран Витанов банкротирала.

На оваа објава се надоврза и новинарката за политички содржини Јорданка Ивановска – Јоци која исто како и Зоран Божиновски објави дека во стечај одат Лајонес Интернационал и Лајонес Европа, според информации од угледни австриски и европски медиуми.

Зоран Божиновски го обвини поранешниот премиер Зоран Заев како еден од партнерите на бизнисменот Зоран Витанов, додека пак Јорданка Ивановска смета дека негов партнер е исто така поранешен премиер на Македонија, а станува збор за Никола Груевски, но не ја исклучува можноста и двајцата поранешни премиери на државата да се вклучени во оваа т.н пирамидална шема.

За жал, најголема загриженост има кај бројните граѓани кои верувале дека преку оваа платформа ќе заработат паричен капитал, па голем дел од своите заштети ги вложувале во Lyoness односно MyWorld.

Од друга страна пак, со свој став се јави и предводникот на MyWorld во Македонија, Зоран Витанов кој ги демантираше овие гласини.

Дали граѓаните кои имаат вложено во оваа таканаречена пирамидална шема треба да бидат сериозно загрижени да не останат без својот вложен капитал или ова е само уште еден обид да се дестабилизира и урне оваа компанија останува да видиме во периодот кој следи. Која е вистината!?