Connect with us
P2_P_MK_1600x400

Лични финансии

Дали најдобрите продавачи се родени или обучени за тоа?

Објавено

на

Во соработка со Македонската Асоцијација за Продажба во периодот што следи ќе објавуваме текстови кои ќе ви помогнат да ги подобрите продажните вештини, да ја зголемите самодовербата и да го подобрите вашиот продажен ефект.

Повеќето од нас што сме добри во тоа што го работиме слушаме како оние околу нас доста често ни кажуваат “Ти си роден/а за продажба”. Оние што не се во продажбата всушност мислат дека најдобрите продавачи се родени со целото тоа знаење за продажба. Генерално мислење е дека преку ноќ ја имаме стекнато способноста за продавање. Како да сме дошле на земјава со извод од матична книга на родени и чек листа на зборови со кои ги убедуваме луѓето да купат.

Оние кои се родени со способноста лесно да комуницираат со сите, добро се снаоѓаат во продажбата, но да знаеш да комуницираш е само врвот на сантата мраз. За да бидеш добар продавач треба постојано да го учиш занаетот, да учиш од другите и постојано да ја бараш онаа легендарна комбинација на зборови која ќе ги отвори умот и паричникот на твојот потенцијален клиент.

Целиот мој живот луѓето ми викале дека сум за продажба

До сега сум сменил 6 компании и во сите сум бил во продажба. Иако сум претежно во финансиски сектор, сепак, секој производ во секоја компанија имаше свои карактеристики, за секоја услуга имаше посебен принцип на работа, така што секој пат кога ќе сменев работа, може да се каже дека морав се одново да учам. Иако сега сум доста искусен во тоа што го работам, сепак и јас морав да бидам обучуван за секоја нова работа.

Најдобрите продавачи се оние кои се отворени за нови работи и желни да научат. Оние кои инвестираат во себе. Оние кои читаат книги. Оние кои посетуваат семинари. Оние кои ги анализираат своите потенцијални клиенти и спремни се да решаваат поблеми.

Продажба не е само да бидеш добар говорник

Продажбата е да го насочиш клиентот за сам да сфати зошто треба да го купи тоа што ти го продаваш. Најдобрите продавачи ќе ти кажат: “Што помалку зборуваш, толку повеќе продаваш”, така што да бидеш добар говорник не е предиспозиција за добар продавач.

Мојот моментален тим е сочинет од многу добри продавачи, но сите тие се тренирани за да продаваат. А исто така имам видено и како луѓе кои се родени за продажба бегаат од продажбата.

Најдобрите продавачи можат да се тренираат, обучуваат и ги разбираат проблемите со кои се соочуваат потенцијалните клиенти

Нареден пат кога некој ќе те праша дали најдобрите продавачи се родени такви или се обучувани, слободно прашај ги дали мислат дека луѓето се будат еден ден и веднаш можат професионално да се бават со фудбал, кошарка или каков било друг спорт. Како и се друго, и продажбата си бара труд, пракса, и “да го испотиш газот“. Продажбата е курс за личен развој кој се одржува цел живот.

Автор: Филип Бундовски, Претседател на Македонска асоцијација за продажба

Лични финансии

Кој е поуспешен во продажбата: жените или мажите?

Објавено

на

Во соработка со Македонската Асоцијација за Продажба во периодот што следи ќе објавуваме текстови кои ќе ви помогнат да ги подобрите продажните вештини, да ја зголемите самодовербата и да го подобрите вашиот продажен ефект. (more…)

Продолжи со читање

Лични финансии

Одговорете на вечното прашање: На што всушност трошиме пари?

Објавено

на

Управувањето со буџетот ни помага да ги оствариме поставените финансиски цели, да ги заработиме парите коишто ни се потребни на месечно ниво за да го имаме она што го посакуваме и притоа да имаме увид дали сме на добар пат во управувањето со финансиите. (more…)

Продолжи со читање

Лични финансии

Што треба да знаете за колатералот при барање кредит од банка?

Објавено

на

Наједноставно кажано, колатералот е некој вид имот приложен од страна на клиентот, како гаранција или обезбедување во однос на идната отплата на кредитот којшто банката би му го одобрила на клиентот. Различни видови недвижен и подвижен имот можат да послужат како колатерал, како што се: станови, куќи, деловни простории, автомобили, опрема, хартии од вредност, депозити, побарувања. Во случај клиентот да не може да го врати кредитот, банката има право да го преземе имотот и преку негова продажба да ја надомести загубата врз основа на ненаплатениот кредит. (more…)

Продолжи со читање
Unibanka_banner_300x250

Популарно

Copyright © 2018 bankarstvo.mk. All Rights Reserved. Developed by Digital Orange