До 2025 година ќе исчезнат дури 85 милиони работни позиции, а ќе бидат заменети со машини, односно со вештачка интелигенција покажуваат резултатите од глобалните истражувања.

Но, од друга страна ќе бидат вработени околу 97 милиони луѓе кои ќе ги контролираат тие машини.

Како треба ние, луѓето, да се позиционираме во однос на зголемениот примат на вештачката интелигенција и машините од иднината?

Освен за наплата, касата на супермаркетите порано беше место за разговор. Се разговараше за цените со касиерите, се разменуваа рецепти, се разговараше за политика и секојдневни актуелни теми. Гуми за џвакање наместо кусур! Па има ли нешто поубаво?

Меѓутоа, нивното место сè повеќе ќе го заземат машини и роботи, кои ќе прифаќаат само платежни картички, а насмевката што сме ја добивале ќе можеме само да ја замислиме. Новите касиери се вештачки интелигентни и многумина се плашат од нив.

„Треба да користиме вештачка интелигенција за да го подобриме нашиот бизнис, нашите секојдневни навики и сè што доаѓа во животот. Треба да се обидеме што побрзо да ја совладаме вештачката интелигенција за да ни биде полесно, наместо да се плашиме“, велат некои од експертите.

Вештачката интелигенција може да направи сè, но некој мора да застане зад неа – таа не може да замени сè.

Мора да има некој зад вештачката интелигенција – а тоа сигурно ќе биде човек.

Тоа значи дека вештачката интелигенција и роботите можат да заменат многу работни процеси, да заменат многу работни места, но никогаш или барем нема во блиска иднина да го заменат човекот.