Гувернерот на Централната банка на Италија, Игнацио Виско Бруто, предвиде дека по пандемијата на коронавирусот во оваа земја, бруто домашниот производ може да се намали помеѓу 9 и 13 проценти во наредните месеци, а како што рече, можна е значително зголемена невработеност, социјално незадоволство и зголемен број на сиромашни семејства.

Според гувернерот, ќе биде многу тешко да се предвиди како ќе се развива „пост-корона“ ситуацијата понатаму, но дека „единственото нешто што е сигурно е дека сè уште ништо не се знае со сигурност“.

„Она што можеме да го потврдиме е дека проблемите на италијанските семејства ќе се зголемуваат, ќе има помалку работа, потрошувачката ќе се намали, затоа што луѓето ќе гледаат да заштедат што повеќе бидејќи иднината ќе биде многу неизвесна“, рече Виско Бруто.

Тој ги поддржа мерките преземени од владата на премиерот Конте за санирање на последиците од пандемијата на коронавирусот и ги повика сите социјални субјекти да „раскинат” со инерцијата на старите навики и да ја вратат можноста за развој и раст на економијата.