Connect with us
P2_P_MK_1600x400

НБРМ

Гувернерката на НБРМ на Годишната конференција и на Годишното генерално собрание на БИС

Објавено

на

Гувернерката на Народната банка на Република Македонија, д-р Анита Ангеловска-Бежоска, денес и утре, во Швајцарија учествува на два настана на Банката за меѓународни порамнувања (БИС), важни за развојот на меѓународната соработка во областите на монетарната и финансиската стабилност и за унапредување на комуникацијата меѓу централните банки за клучните теми коишто го засегаат централнобанкарското работење на глобално ниво.

Денес, таа учествува на 17. годишна конференција на оваа најстара меѓународна финансиска институција, на која, во Цирих, гувернери и експерти од централните банки, високи претставници на Светската банка и Меѓународниот монетарен фонд (ММФ) и универзитетски професори и истражувачи дискутираат на тема „Десет години по Големата финансиска криза: што е сменето?”. Претпладневните сесии на Конференцијата беа посветени на карактеристиките на новиот глобален финансиски систем и на прашањето дали во изминативе десет години, на светско ниво, се промени инфлацискиот процес ‒ начинот на формирање на цените, нивната динамика и фундаменталните врски со нивните главни детерминанти. Попладнево, учесниците ќе дискутираат за тоа дали сега, по завршувањето на Кризата, глобалниот финансискиот систем е поотпорен на шокови од претходно. Одделна сесија ќе им биде посветена и на клучните предизвици во координацијата на меѓународната политика којашто ја спроведуваат централните банки.

Оваа конференција е еден од неколкуте настани преку кои БИС, секоја година, ја остварува својата улога на форум за дискусија и анализи меѓу централните банки и меѓу чинителите на меѓународната финансиска заедница, воопшто. Учеството на гувернерката Ангеловска-Бежоска на годинешново издание на овој традиционален настан е уште една потврда на определбата НБРМ и натаму да биде активен учесник во ваквите дебати и анализи коишто се клучни за монетарната политика и монетарните движења во глобални рамки.

Во текот на утрешниот ден, гувернерката на НБРМ ќе учествува на 88. годишно генерално собрание на БИС, коешто секоја година се одржува во Базел. На Собранието ќе учествуваат високи претставници на шеесетте централни банки и монетарни институции коишто членуваат во БИС и имаат право на глас и учество на ваквите собири, меѓу кои е и НБРМ. Гувернерката Ангеловска-Бежоска ќе го искористи учеството на Собранието и за билатерални средби со повеќе гувернери на централни банки коишто се членки на БИС, заради унапредување на позицијата на НБРМ во меѓународната централнобанкарска заедница.

НБРМ

Во април е забележан раст на кредитите и депозитите

Објавено

на

Според податоците од извештајот на Народната банка за монетарните движења во земјава, забележан е раст на кредитите и депозитите во април. Податоците покажуваат дека растот е забележан и кај секторот население и кај домаќинствата. Годишно растот на депозитите е 13,1%, додека кај кредитите 8,9%. (more…)

Продолжи со читање

НБРМ

Средба Ангеловска-Бежоска – Османи: Народната банка е посветена на евроинтегративните процеси

Објавено

на

Гувернерката на Народната банка, Анита Ангеловска-Бежоска оствари работна средба со вицепремиерот задолжен за европски прашања, Бујар Османи. Средбата следеше по годинешниот Економски и финансиски дијалог меѓу Европската Унија (ЕУ) и Западен Балкан и Турција на кој беа усвоени заклучоците коишто содржат исклучиво позитивни оцени за поставеноста на монетарната политика кај нас и воопшто, за заложбите на Народната банка за исполнување на насоките на ЕУ дадени минатата година во однос на Програмата за економски реформи. (more…)

Продолжи со читање

НБРМ

Ангеловска-Бежоска и Тевдовски на Економскиот и финансиски дијалог меѓу ЕУ и Западен Балкан и Турција

Објавено

на

Гувернерката на Народната банка, д-р Анита Ангеловска-Бежоска и министерот за финансии, д-р Драган Тевдовски, денес, во седиштето на Советот на Европската Унија во Брисел учествуваат на Економскиот и финансиски дијалог меѓу ЕУ и Западен Балкан и Турција. (more…)

Продолжи со читање
Unibanka_banner_300x250

Популарно

Copyright © 2018 bankarstvo.mk. All Rights Reserved. Developed by Digital Orange