Connect with us

НБРМ

Гувернерката на НБРМ и министерот за финансии на средба на Конституенцата на ММФ и Светската банка

Објавено

на

Делегација предводена од гувернерката на Народната банка на Република Македонија, д-р Анита Ангеловска-Бежоска и министерот за финансии, д-р Драган Тевдовски, викендов учествуваa на редовната пролетна средба на Конституенцата на Меѓународниот монетарен фонд (ММФ) и Светската банка во која членува и нашата земја. Средбата на која учествуваат највисоките претставници на централните банки и министерствата за финансии на петнаесетте земји членки на Конституенцата на чие чело се Холандија и Белгија, годинава се одржа во Сплит, Хрватска, при што домаќини беа Хрватската народна банка и хрватското Министерство за финансии. На Конституенцата се обрати и г. Силир Милер, заменик претседател на Групацијата на Светска банка за Европа и Централна Азија, а свое обраќање имаа и г. Антони Де Ланој, извршен директор во ММФ и г. Франк Хемскирк, извршен директор во Светската банка, задолжени за оваа Конституенца.

Стотина учесници, во Сплит разговараа за актуелните прашања од сферата на монетарната, фискалната и развојната политика, кои ги засегаат земјите членки на оваа Конституенца, а се поврзани и со нивната соработка со двете најважни меѓународни финансиски институции. Притоа, гувернерката Ангеловска-Бежоска ќе говори за монетарната политика водена од НБРМ, односно за остварувањето на нејзините цели во изминатиов период, како и за актуелната каматна политика на централната банка.

Во рамки на разговорите на средбата, посебен акцент беше ставен на секторот „Финтек” и на поврзаната меѓу развојот на технологијата и финансиската индустрија. Во изминатиов период, внимание и дискусија на оваа тема, НБРМ посвети и преку одделна работилница и преку штотуку завршената 11. конференција за плаќања и пазарна инфраструктура, насловена како „Време е за дигитализација”, кои дополнително го потврдија настојувањето да не се биде набљудувач, туку учесник во остварувањето на промените поттикнати од трендовите на технолошкиот развој на глобално ниво.

Претставниците на централните банки и министерствата за финансии на петнаесетте земји членки на оваа Конституенца, викендов се фокусираа и на промените во регулативата, работењето и корисчничките права коишто произлегуваат од брзиот развој на технологијата. Притоа се очекува да бидат истакнати и конкретните чекори коишто ги презема Македонија со подготовката на Нацрт-закон за платежни услуги и платни системи од страна на НБРМ и Министерството за финансии. Со овој Нацрт-закон, како што веќе е соопштено, се транспонираат сет на најзначајните регулативи на ЕУ во оваа област и се очекува во нашата држава да се поттикне конкуренцијата на пазарот на плаќања, преку отворање на влезот за компаниите на „Финтек” коишто можат да обезбедат иновативни платежни услуги, како и да воспостават и да управуваат со нови платни системи.

Покрај учеството на редовните сесии на Конституенцата, во Сплит, гувернерката Ангеловска-Бежоска оствари и одделни разговори со повеќе гувернери на централни банки, коишто се очекува да придонесат за натамошен развој на успешната соработка меѓу НБРМ и центролнобанкарските институции на земјите членки на Конституенцата.

Во оваа Конституенца, покрај Холандија, Белгија и домаќинот на годинешнава средба – Хрватска, заедно со Македонија, членуваат и: Босна и Херцеговина, Бугарија, Грузија, Ерменија, Израел, Кипар, Луксембург, Молдавија, Романија, Украина и Црна Гора.

НБРМ

НБРМ: Издадени и пуштени во оптек нови ковани пари за колекционерски цели

Објавено

на

Централна Банка

Народната банка на Република Македонија ја известува јавноста дека се издадени и се пуштени во оптек кованите пари за колекционерски цели „Вага“, „Скорпија“ и „Стрелец“ од серијата „Хороскопски знаци“ („Службен весник на Република Македонија“ бр. 128/18 и 170/18). (more…)

Продолжи со читање

НБРМ

НБРМ и ЕЦБ склучија меморандум за соработка во сферата на супервизијата

Објавено

на

Народната банка на Република Македонија (НБРМ) и Европската централна банка (ЕЦБ) склучија меморандум за соработка во сферата на супервизијата. Согласно со неговите одредби, соработката меѓу двете институции ќе биде насочена кон обезбедување ефективна размена на супервизорски информации, имајќи ја предвид домашната и меѓународната регулатива, вклучително и Основните принципи за ефикасна банкарска супервизија донесени од Базелскиот комитет. (more…)

Продолжи со читање

НБРМ

ЦЕФ ги претстави успешните реформи на НБРМ во доменот на статистиката на финансиските сметки

Објавено

на

Центарот за извонредност во финансиите (ЦЕФ), како меѓународна организација чијашто мисија е да го поддржи развојот на капацитетите на финансиските службеници во Југоисточна Европа, деновиве ги претстави реформите и резултатите коишто Народната банка на Република Македонија (НБРМ) ги оствари со активностите спроведени досега од доменот на статистиката на финансиските сметки. Притоа, НБРМ преку веб-платформата на ЦЕФ ги сподели своите искуства од овој значаен реформски процес, и тоа од започнувањето на овие активности во 2007 година па до сега. (more…)

Продолжи со читање
P2_P_MK_300x250

Популарно

Copyright © 2018 bankarstvo.mk. All Rights Reserved. Developed by Digital Orange