Oколу 305 илјади граѓани ја користат домашната платежна картичка, објави на својот фејсбук профил министерката за финансии, Нина Ангеловска.

„Заклучно 1 август доделени се картички во вредност од 26,7 милиони евра, од кои корисниците до тој датум потрошиле околу 23 милиони евра. Ова се средства кои се вбризгани во домашната економија преку купување македонски производи и услуги. Со картичките реализирани се над 1,7 милиони транскации.“, објави Ангеловска.

Најголем дел од нив се во маркети, и тоа 89%, ресторани и храна, 5%, и текстил, облека, обувки, само 3%.

„Домашнaта платежна картичка има повеќекратен бенефит за граѓаните и економијата: ја поддржува приватната потрошувачка, ги поддржува домашните производители и услужни дејности, придонесува за раздвижување на економската активност и придонесува за безготовинско плаќање“, додаде Ангеловска.

Дополни и дека граѓаните-корисници кои ја немаат подигнато својата картичка, можат се уште да го направат тоа до 15 август – кој е крајниот рок за нивно користење.