Connect with us

Форекс

Големото “НЕ” од Европа, негативно влијае врз Македонската берза

Објавено

на

Пазарот на капитал во Северна Македонија доживува сериозен пад на вредноста што најмногу се гледа со движењето на индексот МБИ10 на Македонска берза кој ги содржи десетте најликвидни хартии од вредност на котираните акционерски друштва.

Позитивната атмосфера пред неколку дена и надежта дека ќе добиеме датум за отпочнување на преговорите за членство на октомврискиот Самит на Европската Унија им даде поттик на инвеститорите и постојано тргувањето на берзата во изминатиот период беше во пораст. Но, откако францускиот претседател Емануел Макрон одлучи да го спречи патот на нашата земја кон членство во ЕУ, тоа ги демотивираше и инвеститорите на Македонската берза, па индексот МБИ10 во моментов е во слободен пад.

На последниот ден за тргување на македонската берза, единствено акциите на Гранит АД Скопје забележаа раст од 1,77 проценти.

Речиси сите останати акции кои котираат на Македонската берза забележаа пад на својата вредност, од кои најпогодени беа акциите на Фершпед АД Скопје кои ја намалија вредноста за 3%, пред акциите на Aлкалоид АД Скопје кои забележаа пад од 2,96%.

Фаталното “НЕ” од Макрон негативно се одрази и врз вредноста на акциите на Макпетрол АД Скопје кои забележаа пад од 2,46%.

Според официјалниот среден курс на Народната банка на Македонија, денеска денарот спрема еврото има вредност од 61.4946 денари.

Курсот на денарот спрема доларот е на ниво од 55.1818 денари, британската фунта изнесува 71.1414 денари, додека пак швајцарскиот франк е 55.9245 денари.

Форекс

Петкратно поголем интерес од инвеститорите за македонската еврообврзница издадена на 700 милиони евра со камата од 3,675%

Објавено

на

Република Северна Македонија ја издаде седмата еврообврзница во износ од 700 милиони евра. Рочноста на еврообврзницата е 6 години, додека каматната стапка по која е издадена изнесува 3,675%, што е втора најниска камата, веднаш по еврообврзницата издадена во 2018 година. Ова ја покажува довербата на инвеститорите во македонската економија и политики, ако се земе предвид дека оваа обврзница се издава во време Covid-19 кризата – најголемата економска криза после Големата депресија, кога сите економии, вклучително и светските економски сили, излегуваат на меѓународниот пазар на капитал за да обезбедат средства за финансирање на потребите за кризата. (more…)

Продолжи со читање

Форекс

Видео конференција за регионалниот проект за инвестициски анализи

Објавено

на

По повод официјалното започнување на новиот регионален проект за изготвување на инвестициски анализи на котирани компании во регионот на ЈИЕ, поддржан од Европската банка за обнова и развој (ЕБОР), беше одржана видео конференција. (more…)

Продолжи со читање

Форекс

Најтргувани акциите на ОКТА и Алкалоид, еврото со вредност од 61.6950 денари

Објавено

на

Кризата предизвикана од вирусот Ковид-19 полека но сигурно се наминува, а за Македонската берза може да се каже дека таа е веќе минато. Акциите кои котираат на берзата ја стабилизираа својата вредност, по високиот пад што го бележеа додека коронавирусот енормно ги рушеше сите светски берзи, вклучително и нашата. (more…)

Продолжи со читање

Популарно