Connect with us

Домашни банки

Голема изложба на детски цртежи на тема штедење и безбедност во сообраќајот во НЛБ Банка

Објавено

на

Денес, 30- ти октомври во НЛБ Банка свечено беше отворена изложбата на детски цртежи на тема штедење и безбедност во сообраќајот. Изложбата ја отворија Антонио Аргир -Претседател на Управниот одбор на Банката и македонската уметница Јана Манева-Чупоска.

Како поддржувач на уметноста и науката, НЛБ Банка, по повод НЛБ Месецот на штедење, традиционално, по седми пат, организира изложба на детски цртежи на тема штедење и безбедност во сообраќајот. Цртежите се собираа преку организирани забавно – едукативни посети на повеќе училишта и градинки во Македонија и во самите експозитури на Банката. Почетокот на активностите за собирање на цртежите беше означен со НЛБ Ден, на 25 септември, кој беше организиран во НЛБ Галеријата на Банката. Децата во период од 1 месец, односно до 25 октомври, имаа можност да донесат цртежи кои беа објавувани на посебната веб страна http://stedenje.nlb.mk на која се гласаше за најдобар цртеж.

Во текот на НЛБ Месецот на штедење беа собрани околу 1.800 цртежи. Цртежите беа разгледувани од комисија составена од ренoмираните македонски уметници: Јана Манева Чупоска, Сергеј Андреевски, Свето Манев и Анѓел Димовски –Чауш кои ги издвоија најдобрите цртежи. Покрај наградените цртежи од страна на стручната комисија, награди беа доделени и на цртежите кои освоија најголем број на гласови преку веб страницата на Банката. Најдобрите цртежи на отвoрањето на изложбата беа наградени со парична награда и пофалници, а притоа беа доделени и благодарници на сите училишта и градинки кои учествуваа во активностите за Месецот на штедење.

Оваа година акцијата има и хуманитарен карактер, односно Банката ќе донира по 200 мкд за секој пристигнат цртеж. Средствата ќе бидат донирани на Специјална Олимпијада Македонија кои НЛБ Банкат ги поддржува веќе неколку години, а собраните средства ќе бидат наменети за учество на Летните Специјални Олимписки игри во Абу Даби 2019-та годинa.

Изложбата ќе биде отворена до 25-ти ноември, секој работен ден од 08.00 до 20.00 часот.

Домашни банки

Стопанска Банка АД Скопје ја зголеми добивката за над 2 милиони денари

Објавено

на

Во периодот од 01.01.2018 до 30.09.2018 година Стопанска банка АД – Скопје оствари добивка во износ од 2.589.629.000 денари. Станува збор за зголемување на добивката за 37,7% споредено со истиот период од 2017 година, соопшти банката преку Македонската берза. (more…)

Продолжи со читање

Домашни банки

Важен е ИВАН ЃАКОВСКИ…затоа што се грижи нашиот оброк да биде органски и здрав

Објавено

на

Иван Ѓаковски – некои го познаваат како сопственик на Vega Fresh Bar, некои како активен спортски лик, но оние што не го познаваат треба да знаат дека ова момче од позитивна идеја и лична пасија успеа да изгради сопствен бизнис, кој успешно го развива веќе 4 години. (more…)

Продолжи со читање

Домашни банки

Стопанска банка а.д. Битола го одбележа Светскиот ден на штедењето

Објавено

на

Стопанска банка а.д. Битола и оваа година го одбележа Светскиот ден на штедењето 31 октомври. Со цел поттикнување на добрите навики кои се учат и стекнуваат уште од мали нозе вработените од Стопанска банка а.д. Битола беа во посета на детски градинки во Скопје, Битола, Прилеп, Тетово и Струмица. (more…)

Продолжи со читање
P2_P_MK_300x250

Популарно

Copyright © 2018 bankarstvo.mk. All Rights Reserved. Developed by Digital Orange