Connect with us
P2_P_MK_1600x400

Business Man

Глигор Дачевски од dоXteam – водечкa компаниja за развој на софтверски решенија

Објавено

на

DоXteam е една од водечките компании за развој на софтверски решенија во Македонија, чиј основач и директор e Глигор Дачевски. Формирана е во 2008 година.

Градењето на најдобри производи и тенденцијата да се пронаоѓаат нови софтверски решенија кои ќе бидат корисни за бизнис клиентите, се водечките цели на dоXteam.

Во досегашната работа dоXteam има изградено повеќе технологии кои претставуваат голем чекор напред во развојот на корпоративен софтвер кој ги користи придобивките на облакот (cloud based enterprise software). Нивната пасија е развој на најразлични алатки и платформи кои се позиционирани на глобалниот пазар.

Mоментално го развиваат планот за градење на паметна зграда која ќе биде специјално дизајнирана за потребите на ИТ компанија. Добитници се и на грант од Фондот за иновации и технолошки развој за концептот на Microtica.

Microtica е платформа базирана на облак и back-end како услуга која овозможува изградба, употреба и распоредување на микрослуги. Високо развиена технологија која им овозможува на програмерите да изградат лесно скалабилни,целосно флексибилен и робустен back-end компатибилен со сите програмски јазици.

За да ја доловиме важноста за поддршка за развој на сопствен бизнис во Македонија, зборуваме со Глигор Дачевски, основач и директор на doXteam.

Банкарство: Што е тоа што Ве поттикна да станете претприемач, и како изгледаа почетоците кога се роди таа идеја ?

Глигор Дачевски: Уште во далечната 1998 година поттикнат од слободата која што ја дава моментот на креирање и пласман на решенија на светскиот пазар бев решен да создавам македонски софтвер кој нема по ништо да заостанува зад најдобрите во светот. Желбата беше голема, предизвикот беше огромен, се изгледаше возбудливо и интересно, a можностите беа бескрајни.

Од самиот почеток, формиравме млада екипа и секое решение кое го понудивме беше поуспешно од претходното. Успесите кои се нижеа ни дадоа дополнителен мотив за да продолжиме.

Банкарство: Каква е професионалната позадина на Глигор (образование, претходно работно искуство) ?

Глигор Дачевски: Студирав на ЕТФ насока ИТ и уште од студентски денови почнав да работам на софтверски решенија кои нудеа интеграција со електронски компоненти (embeded systems). По завршувањето на формалното образование, некако природно се склопија нештата. Моето работно искуство  почна со основање на Сивус, потоа следеше Аплифај (Applify), па Спортипал (SPORTYPAL)-апликација made in Macedonia која е се уште ненадминатата по број на корисници (брои десеттици милиони корисници) и секако последното скалило е денешната компанија ДОКСТИМ која природно произлезе од сето претходно. Со истиот тим од 2016 година работиме активно на разивање на Микротика која е микросервисна платформа за развивање технологии во околина на облак.

Банкарство: Кои беа најголемите предизвици со кои се соочивте Вие и Вашиот тим во досегашното работење, и на кој начин се справувате со предизвиците ?

Глигор Дачевски: Бројот на предизвици беше и е сеуште голем, како од технолошки така и од финансиски аспект. Технолошките предизвици ги решаваме успешно следејќи ги постојано трендовите, развивајќи компетитивни решенија со сопствени иновации кои се на исто рамниште со решенијата на најголемите светски ИТ компании. Секако од голема предност ни е способноста да предвидиме идни популарни трендови во овој домен што ни дава предност пред останатите. Таков е и случајот со Микротика. Реално ние како решение ја конципиравме уште пред неколку години, но нашата проценка беше дека пазарот сеуште не е подготвен да ја прими, затоа почекавме за да созрее моментот и ете се случи годинава. Фондот за иновации и технолошки развој ги препозна квалитетите на истата и со доделувањето на средства ни помогна во решавањето на финансискиот предизвик, за што сме благодарни. Секако тука мора да го споменеме и клучниот предизвик т.е наоѓање и вработување на соодветен кадар. Вработените се нашиот најголем капитал. Ние во континуитет се ,,подмладуваме,, обучуваме и оформуваме стручен кадар кој со своите квалитети и умешности придонесува за развојот на компанијата, а завозврат ние им нудиме професионална надоградба, пријателска работна  атмосфера и соодветно финансиско вреднување.

Банкарство: Живееме во време на виртуелна реалост, вештачка интелигенција…Кои се Вашите предвидувања за иднината, што е следно кога станува збор за технологијата, односно што мислите дека би било следното најголемото достигнување за човештвото ?

Глигор Дачевски: Временските интервали на прогрес/промени се многу пократки. Се се случува забрзано. Ако меѓу технологијата на обичен телефон и мобилен телефон имаше временско растојание од 100 години, во ИТ временскиот блок е 5 до 10 години. Нешто што било актуелно пред само пет години сега е технолошки застарено. Ако треба да направам некакво предвидување со сигурност можам да кажам дека би одело во насока комплетна автоматизација, синхронизација и интеграција. Тоа би можело да обезбеди комплетна поврзаност на целото човештво по сите основи. Најголема вредност ќе постигнат информациите порзани со однесувањата на луѓето и предвидувањата поврзани со истите, што реално би значело дека компаниите би требало да ја покажат својата лојалност на секој клиент поединечно водејќи сметка за индивидуалноста.

Банкарство: Какви се Вашите планови за во иднина?

Глигор Дачевски: Микротика да биде водечки играч на ИТ пазарот како платформа за развој на автоматизирани back-end софтвери и процеси. Доколку тоа се случи, очекуваме реално кревање на целата македонска ИТ индустрија на повисоко рамниште. Од стратешки аспект планирано е компанијата да порасне и да се развива како по бројот на проекти-клиенти, така и по бројот на вработени. Оваа година ни е јубилејна 10-та и би сакале соодветно да го одбележиме истото.

Голема благодарност до Глигор Дачевски и неговиот тим.

Business Man

Challenger: Бизнисите да се приклучат на платформата за да бидат „зелени“

Објавено

на

Challenger е новата мобилна апликација за која мора да знаете, бидејќи кога ќе биде лансирана не смеете никако да ја пропуштите. Challenger е нов македонски стартап кој сака преку мобилна апликација да ги менува здравите навики на македонските граѓани, повеќе да поминуваат „зелени“ километри, да собираат поени, а со тоа и соодветни награди и признанија. Исто така Challenger сака да ги поттикне на општествена одговорност компаниите и институциите со цел да се креира нова зелена маркетинг платформа која ќе нуди многу предности. За начинот на кој функционираат како стартап, за пристапот до финансии за развој на идејата и техничкото решение, како и за тоа што ќе понуди апликацијата разговаравме со Теодора, Стефан, Олга и Митко од Challenger.

Што е Challenger? За кратко време успеавте да соберете многу внимание од јавноста која очекува многу интересен проект, особено пред почетокот на зимата кога се враќаат темите за загадувањето и проблемите со здравјето на луѓето?

Challenger e мобилна апликација за сите кои сакаат да добијат некоја награда за своите поминати зелени километри (пешки или на велосипед). Ние сакаме да ги предизвикаме нашите сограѓани, независно дали млади, студенти, родители, возрасни, активисти, оние кои се движат, кои сакаат да бидат промената во ова општество, или пак оние на кои им недостасува поттик да поминат километар повеќе, па и онаа група на луѓе кои се веќе наши локални еко супер херои.

Challenger ќе функционира на следниот начин:

1.Поминатите километри со пешачење или пак додека возите велосипед се претвораат во  Challenger поени
2. Challenger поените се заменуваат со кодови за попусти или пак бесплатни производи/услуги
3. Challenger е начин заедно да се избориме за почист воздух, да го намалиме секојдневниот сообраќаен метеж, затоа поставуваме предизвици (дневни,неделни или месечни) и за секое успешно исполнување се добиваат директни награди

Веројатно тоа што го привлече вниманието на јавноста, на наша голема среќа, е токму пристапот на нашето решение, а тоа е дека само како заедница на граѓани, бизниси и организации може да направиме промени. Затоа сакаме сите да ги повикаме да ни се приклучат во остварувањето на нашата цел, и заедно да бидеме дел од решението на аерозагадувањето, а не од проблемот.

Кој стои зад Challenger, може да ни раскажете како се склопи тимот и успевате ли да ја усогласите вашата визија, колку е голем предизвикот да се работи на ваков проект?

Приказната на Challenger започна на минатогодишниот StartupWeekend Скопје. Кога ќе се свртиме наназад сфаќаме дека работиме заедно веќе година дена, и тоа ни се чини нереално, бидејќи времето лета, како вчера да бевме во CeedHub. Еуфоријата која ја добивме не мотивираше да продолжиме првите месеци. Потоа дојдоа вистинските предизвици, кој од нас ќе продолжи да работи, како да го оформиме производот, да решиме во кој правец ќе продолжиме…. Процесот беше далеку од лесен, но едно е факт сите сме заљубени во Challenger, едноставно сонуваме да успее. Веројатно тој жар кај сите е тоа што не натера да аплицираме на различни натпревари каде што добивме и признанија. На кратко позади идејата на Challenger се Теодора, Стефан, Олга и Митко, кои воедно се основачи и на компанијата GreenIT. Наскоро ќе објавуваме и интересни текстови од нашиот тим, односно како се справувавме со нашите предизвици, избор на технологија, како ние го гледаме нашиот тим итн., така да следете го нашиот блог на www.challenger.mk 🙂

Кои ќе бидат главните цели на Challenger и како очекувате да се вклучи бизнис секторот во вашата приказна?

Главната цел на Challenger e да биде платформа преку која ќе се создава една општествено одговорна – зелена заедница, каде што луѓето развиваат навики да користат алтернативни методи на транспорт, а од друга страна локалните бизниси го подржуваат ова однесување.

Challenger е единствена платформа преку која бизнисите ќе можат да се вклучат на трендот, да бидат препознаени како зелени бизниси. На кратко бизнисите ќе може да спонзорираат предизвици и за истите да даваат директни награди на учесниците кои успешно го исполниле тој предизвик. Дополнително во нашата Challenger продавница бизнисите може да поставуваат бесплатни, или кодови за попуст за своите услуги и производи, а со самото тоа стимулираат и општествено одговорно однесување помеѓу своите сограѓани.

Ние велиме, времето да се биде ЗЕЛЕН бизнис е СЕГА, затоа им овозможуваме на бизнисите алатка без да трошат дополнителни ресурси.

Имате ли искуство со наоѓање на финансии од банкарскиот сектор, дали е тоа чекор на кој ќе треба да работите и што очекувате?

Во изминатиот период бевме во инкубациска програма подржана од банка, каде што се одборува кредит со ниска каматна стапка. Поради фактот дека сме на самиот почеток и се трудиме да го испробаме нашиот бизнис модел на пазарот, се уште не сме подготвени за подвиг на добивање финансии од банкарскиот сектор. Како нов startup, гледаме рационално и ефективно да ги користиме ресурсите кои ни се на располагање, па затоа се пријавуваме на различни настани каде што можеме да добиеме грантови или ко-финансирања. Се разбира кога ќе дојде моментот на експанзија и влегување на други пазари, тогаш финансиите од банкарскиот сектор ќе бидат потребни, но во овој момент се трудиме да најдеме алтернативни начини.

Како иновативен стартап модел дали Challenger го гледате на регионалниот и глобалниот пазар и што мислите за конкуренцијата?

Challenger е дефинитивно модел кој лесно се реплицира, и нашата првенствена замисла е Challenger да биде препознатлива алатка на Балканскиот пазар, со цел да ја развиеме Challenger и во другите Европски држави. За наша среќа на регионалниот пазар не постојат слични апликации како нашата, па конкуренцијата е занемарлива. Но, гледајќи го европскиот и глобален пазар, има апликации кои се веќе етаблирани и функционираат одлично во одредени држави, така да конкуренцијата таму е прилично силна. Се разбира, многу е рано да зборуваме за влегување на европски и светски пазари, додека не ја етаблираме Challenger на домашниот, па потоа и на регионалниот пазар. Затоа сакаме да ги имплементираме нашите планови чекор по чекор, и да оставиме пазарот и времето да ни покажат во која насока треба да се развиваме.

Продолжи со читање

Business Man

Максим Максимовиќ [Џангл Травел Македонија]: Патувајте со нашето насмеано племе по целиот свет

Објавено

на

Џангл Травел од Србија – регионален лидер во далечни патувања деновиве отвори канцеларија во центарот на Скопје и по повод отворањето подарува патување на Бали. Џангл Травел веќе 15 години постои во Србија, а последните неколку години е апсолутен лидер во далечни патувања во нашиот регион. Со свои канцеларии во Белград, Нови Сад, Подгорица, Сараево, Загреб, а од неодамна и во Скопје, Jungle Tribe е несекојдневна агенција која на луѓето сака да им овозможи поразличен вид на патувања. (more…)

Продолжи со читање

Business Man

Кирил Колемишевски со одлична иницијатива, парите од дневници ги искористи за садење дрвја

Објавено

на

Заменик министерот за економија, г-дин Кирил Колемишевски во текот на вчерашниот ден иницираше прекрасна работна акција која има за основна цел зазеленување на главниот град. (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange